Македонија
Снопче: ВМРО и ДУИ заедно ги избраа обвинителите и судиите што ги чуваат предметите на Мерко во фиоки

„Ги имаме нови, од бомбите, разбирливо, затоа што со свои уши ги слушнавме како ВМРО заедно со ДУИ, тоа е ДУИ заедно со ВМРО, за што господинот Стојановски ја обвинува ДУИ, ги избраа обвинителите и судиите“, рече Халич Снопче, пратеник на АА.
Тој вели дека е познато како се избрани и токму тие „обвинители и судии се сè уште на функција и токму тие обвинители ги чуваат во фиоки случаите на актуелниот градоначалник Рамиз Мерко во врска со корупцијата за која господинот Стојановски го обвинува Рамиз Мерко дека Америка го ставила на црната листа, а ние наводно не знаеме и бара одговорност“.
Пратеникот вели дека се согласува со заклучокот, но и дека ВМРО заедно со ДУИ ги избра оние обвинители што ги чуваат предметите во фиоки.
„И сите се чудиме како Америка може да знае дека господинот Рамиз Мерко бил корумпиран додека ние не знаеме. Да биде иронијата уште поголема, премиерот Ковачевски во изјава е изненаден што ние внатре не знаеме дека Рамиз Мерко е корумпиран, а Америка знае“, додава Халич Снопче, пратеник на АА.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Се излеа Маркова Река кај Батинци

Маркова Река се излеа денес по обилните врнежи од дожд.
Во селото Батинци, водата е надојдена, излевајќи се на неколку места околу речното корито.
Ангажирана е механизација за санирање на штетата, а градоначалник на Студеничани, Азем Садики, објави дека забележана е материјална штета во дворовите од куќите кои се наоѓаат во близина на реката.
Засега, според градоначалникот, нема потреба од евакуација.
Фото: ТВ21/скриншот
Македонија
Тетово повика на јавна дебата за промена на имињата на улиците

Општина Тетово в петок, со почеток во 15:00 часот, организира јавна дебата за предлози за имиња на улиците.
„Ги повикуваме сите граѓани, здруженија, невладини организации и граѓанскиот сектор да учествуваат на оваа јавна дебата за именување на улиците“, велат од општината преку допис.
Додаваат дека секој предлог од граѓаните е важен и помага овој процес да биде инклузивен и успешен за граѓаните и градот Тетово.
Македонија
Тошковски: Припадниците на МВР денеска примија плата зголемена за 10 отсто

Припадниците на МВР денеска примија плата зголемена за 10 отсто, информира министерот за внатрешни работи, Панче Тошковски.
„Изминативе години сосема оправдано имаше критики дека платите во МВР се ниски, а очекувањата и одговорностите големи. Често се укажуваше на разлики во однос на некои сродни служби, а чувството на потценетост беше реално и оправдано. Ова зголемување не е доволно, но е еден од многуте чекори што ќе следат во насока на враќање на достоинството и угледот на полицаецот. Целта е јасна – да изградиме модерна, професионална и силна полиција која ќе биде вистински сервис на граѓаните. Продолжуваме понатаму кон обезбедување на подобри услови, поголема поддршка и вистинско вреднување на трудот што секојдневно се вложува“, напиша Тошковски во објавата на социјалните мрежи.