Градоначалникот на град Скопје, Петре Шилегов, скопјани ги остави на немилост на комарците среде лето. Скопје има градоначалник чија опасна неспособност го загрозува здравјето на скопјани. Шилегов капитулира пред комарците, а не, пак, да решава инфраструктурни проблеми на граѓаните на Скопје. Обично прскање против комарци се претвори во епска битка против злосторничките комарци, што само ги покажува еклантната неспособност, неработа и популизмот на Шилегов, соопшти советничката група на ВМРО-ДПМНЕ на Град Скопје.

Според нив, не е за чудо интервентното прскање против комарци да се претвори во исплатлив бизнис на структури на власта како и сè друго.

„Тоа што првин се создава проблем, а дури потоа се решава кога ќе се загрози здравјето на скопјани, покажува дека Скопје има неспособен градоначалник. Комарците се изненадување за Шилегов, што само покажува дека не ја сработил домашната задача. Тоа покажува и дека Скопје има градоначалник популист и површен политичар, кој го одвлекува вниманието од вистинските теми важни за скопјани“, се вели во соопштението.