Претседателката на советот на Општина Центар, Јана Белчева, се повлече од функцијата поради тоа што не сака да биде послушник и слеп аминувач на одлуките на советот на општина Центар. Кога веќе тоа се случи следен на ваков потег треба да биде претседателката на советот на Град Скопје, Љубица Јанчева, која брутално, недвосмислено и свесно ги крши процедурите на работа на градскиот совет, соопшти советничката група на ВМРО-ДПМНЕ во Град Скопје.

Тие јавно ја повикуваат Љубица Јанчева да се повлече од функцијата претседателка на советот бидејќи во својата безмалку тригодишна работа грубо ги крши процедурите и претставува слеп послушник на погрешните политики на Петре Шилегов.

„Таа дојде на оваа позиција во исто време додека нејзиниот сопруг е генерален секретар на Државната изборна комисија кој ги брои гласовите на граѓаните. Јанчева свикува вонредни седници на кои треба да поминат годишни планови на јавни претпријатија за кои не сака да се дискутира во јавноста. Далеку од очите на јавноста, турка вонредни седници и без исполнети критериуми по скратена постапка става точки за гласање на дневен ред. Таа претставува продолжение на едноумието и шарлатанството на Петре Шилегов и негов слуга, наместо заштитник на интересите на скопјани. Воедно нејзината улога во гушење на демократијата и дебатата во Советот е најистакнато по тоа на Петре Шилегов. Таа е слеп аминувач и на сомнителните зделки за криминал на Шилегов. Советот на Град Скопје на чело со Јанчева, исто како и Шилегов, за првпат од поновата историја не го одбележа 4 мај, погибието на народниот херој Гоце Делчев. Овој тандем е срам за градот Скопје и затоа Љубица Јанчева исто како и Шилегов за доброто на градот потребно е да си поднесат оставки“, се вели во соопштението.