Извештајот на Меѓународниот монетарен фонд со прелимираните наоди кој беше објавен на крајот на спроведената Мисија за член 4 за состојбата во земјата, најдобро ги отсликува политиките што ги спроведуваше Владата на СДСМ/ДУИ и она што го оставија за новата Влада да се справува и да наоѓа начин тоа да го корегира, соопшти министерката за финансии Гордана Димитриеска Кочоска.

„Додека ме напаѓате по различни основи, јас работам со факти кои за жал на сите нас се многу тажни.

Извештајот на ММФ говори за погубните политки кои изминатата влада на СДС/ДУИ ги спроведуваше без око да им трепне.

Јавниот долг поради нивното неразумно трошење достигна едно катастрофално ниво, па владата на ВМРО-ДПМНЕ мораше да прави чуда задолжувајќи се со кредит со најниски стапки во историјата на државата и да “гаси пожари” буквално на сите “фронтови”, додека земјите од регионот успешно се консолидираа и го контролираат нивниот јавен долг. Воедно, ниското ниво на капиталните расходи во времето на СДС/ДУИ направија да имаме лоши оценки и во тој дел, а немаме никаква реализација на ниту еден проект од тоа време.

Затоа, следен пат кога немате аргументи немојте да ми извртувате зборови. Ако сакате да бидете конструктивна опозиција треба да разговараме со факти, без оркестрирани лаги и лажната емпатија кон своите сопартијци“, стои во објавата на нејзинот ФБ профил.

Сообраќајот на државните патишта се одвива непречено, по наместа влажни коловози. Намалена видливост до 70 метри поради појава на магла има на Стража и во Крушево, соопштија од АМСМ.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Делчево.

Шокиран сум од денешната навреда што министерката за финансии, Кочовска, ја упати кон пратеничката Славјанка Петровска. Нејзината дрска и понижувачка изјава – дека Петровска не може да знае колку троши едно четиричлено семејство затоа што нема деца ме згрози, вели во објава на својот Фејсбук профил, претседателот на СДСМ, Венко Филипче.

„Наместо аргументи и дебата во Собранието, сведочиме на лични дискредитации што е добро познат начин на одбрана на ВМРО-ДПМНЕ. Секогаш кога се соочени со критика, нивниот одговор не е дебата, туку омаловажување.

Жалам што Славјанка повторно е мета на напади. Не така одамна беше жртва на дискредитации и лаги од страна на пратеникот Ковачки. Често сме сведоци и на јавни исмевања и навреди од поддржувачи на ВМРО-ДПМНЕ на социјалните мрежи, дури и на нејзиниот изглед. Тоа е нивната политичка култура – навреди, дискредитации и насилна реторика.

Но, Славјанка е силна жена и врвен професионалец, човек кој секогаш се однесува со почит кон сите – за разлика од оние што ја напаѓаат.

Од ден во ден, со доаѓањето на ВМРО-ДПМНЕ на власт, сведочиме на пад на политичката култура и голема нетолеранција кон критиката. Ако ова е нивното однесување на самиот почеток, во првите моменти на нервоза, можеме само да замислиме што ќе следува.

Барам сите граѓани кои веруваат во демократските вредности да го осудат овој срамен чин. Не смееме да дозволиме омаловажувањето и навредите да станат новата нормалност. Ова не е само напад врз Славјанка – ова е напад врз сите жени“, напиша Филипче.