Македонија
Состојбата со пожарите е тешка, но не е алармантна, рече Ангелов и повика да не се создава непотребна паника
Состојбата е тешка, но не е алармантна. Ваква е оценката на првиот човек на Центарот за управување со кризи (ЦУК), Стојанче Ангелов, за пожарите кои беснеат во државата.
Ангелов апелира до граѓаните да не излегуваат во јавноста со непотребни апели за собирање на луѓе.
„Имаме доволно припадници на армијата и на полицијата. Граѓаните не секаде може да бидат од корист, а некаде дури можат и да пречат. Тие можат да бидат корисни во одбрана на населените места кога огнот загрозува некое село или како синоќа кога постоеше мала можност огнот да дојде до градот Пехчево. Во тој случај на ивицата на градот можат да бидат корисни, но во гаснењето не треба да учествуваат освен ако не се прифатени од локалните командири на противпожарните единици“, рече Ангелов и повика да не се создава непотребна паника.
Инаку, утрово два хеликоптери полетаа кон Пехчево каде веќе активно учествуваат во гаснењето. Ќе им се придружи уште еден, а за кратко ќе полетаат и трите ертрактори на Дирекцијата за заштита и спасување.
Во меѓувреме, донесена е одлука до Владата да се предложи активирање и т.н. НАТО механизам за помош, преку кој ќе може државата да бара и добие искусни пожарникари. Во овој момент, Ангелов вели дека не постои потреба да бидат испратени пожарникари на помош, но не ја исклучува можноста да дојде до тоа.
Во текот на вчерашниот ден, имаше вкупно 66 пожари пожари на отворен простор, од кои во моментот 12 се активни, 3 се под контрола и 51 се изгаснати.
Меѓу нив има и неколку депонии за кои Ангелов вели дека не треба да се потценуваат, со оглед на тоа што вчера пожарот кај Дојран се рашири од депонија, а потоа беа зафатени неколку ниски куќи. Овој пожар се уште е активен, но според последните информации не го загрозува градот.
Во моментот најсериозни пожари има во Пехчево, Старо Нагоричане каде пожарот се движи кон селата Малотино, Враготурце и Жегљане. Пожарот на територијата на Кратово кај селото Татомир кој се шири кон општина Куманово и општина Свети Николе. Понатаму општина Македонски Брод 1 – селата Тажево, Брезница, кракот кон Јасен, општина Свети Николе кај селата Макреш, Горно и Долно Ѓуѓанци, Строиманци и Ранченци. Активен е и вториот пожар кај Свети Николе над селата Ерџелија, Немањци и Малино.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Започнува судењето за двојното убиство на Вања и Панче
Во Основниот кривичен суд Скопје денеска започнува судењето за двојното убиство на 14-годишната Вања Ѓорчевска и велешанецот Панче Жежовски.
Судечкиот совет при Основниот кривичен суд Скопје донесе одлука за спојување на постапките на обвинетите, откако Основното јавно обвинителство најпрво поднесе обвинение против четири лица, а потоа и против првоосомничениот Љупчо Палевски.
За Палевски се чекаше екстрадиција од Турција, за двојното грабнување и убиството на малолетната Вања Ѓорчевска од Скопје и 74-годишниот Панче Жежовски од Велес.
Покрај Палевски, обвинети се и Боре Видевски, Велибор Манев, Влатко Кешишов, како и таткото на Вања, Александар Ѓорчевски.
Малолетната Вања и велешанецот Панче, кои беа пријавени за исчезнати на 27 и 24 ноември, беа пронајдени мртви во близина на Скопје и Велес на 3 декември 2023 година.
Македонија
Николоски на бројни средби со министрите за транспорт од ЕУ, ќе го претстави планот за изградба на брза пруга на Коридор 10
Заменик претседателот на Владата и министер за транспорт Александар Николоски учествува на состанокот на министри за транспорт на земјите членки на Европската Унија.
Министерот Николоски вчеравечер оствари работна вечера со министрите за транспорт на Белгија, Малта, Грција, Германија и Кипар.
На средбата мнистрите разговара за развој на транспортниот сектор во регионот. Министерот Николоски ги претстави приоритетите на Македонија, со посебен фокус на изградба на брза пруга на Коридор 10 како и олеснување на транспорот и трговијата меѓу земјите од Западен Балкан. Нагласена беше важноста и од изградба на Коридор 8.
Во рамки на денешниот министерски собир, министерот Николоски ќе оствари работни средби и со министрот за транспорт на Италија, потоа со министерот на Унгарија и Австрија, како и со претставници на ЕУ каде ќе ги претстави проритетите на Македонија.
Состанокот на министри во Будимпешта е организиран од Унгарија во рамки на нејзиното претседателство со Европската Унија. Покрај министрите за транспорт од Унијата, на неформалниот состанок учествуваат и министрите за транспорт од земјите од Западен Балкан, од земјите од ЕФТА, Украина, Молдавија и Грузија, како и претставници на институциите на Европската Унија и транспортни организации.
На собирот на министри и денеска ќе се разговара за предизвиците на транспортниот сектор на ЕУ, подобрувањето на конкурентноста и поврзаноста меѓу ЕУ и соседните земји меѓу кои и земјите од Западен Блакан. Посебен фокус ќе биде железничкиот сектор, мерки и стратегии потребни за воспоставување на брза железничка мрежа.
Македонија
„Љупчо Дон Николовски додека бил министер за земјоделие потрошил скоро милион денари по кафани“, велат од ВМРО-ДПМНЕ
„Љупчо Дон Николовски освен што неосновано делел субвенции, поточно се расфрлал со народни пари и ги давал на фирми блиски до СДС, пари трошел и за лични потреби. Љупчо Дон Николовски за помалку од четири години колку што бил министер за земјоделие потрошил 976.199 денари или скоро милион денари за во кафеани и ресторани“, велат од ВМРО-ДПМНЕ.
„Или милион евра поделени на 42 месеци колку што бил министер се 24 илјади денари, односно значи дека месечно трошел околу 24 илјади денари за ресторани. Или една плата со која живее семејство.
Првата година од своето министерување Дон Николовски потрошил 294.780 денари или скоро 500 илјади денари народни пари на кафеани и ресторани, а последната предизборната 2023 година 377.700 денари или скоро 400 илјади денари.
Дон Николовски јадел телешки мускул, чаден лосос, ракчиња и разни морски плодови, а пиел и скапи вина или шише од по 3.500 денари.
Расипничкото однесување е карактеристика за функционерите од СДС.
Продолжуваме со објавување детали за расфрлањето со народните пари од страна на Дон Николовски“, соопшти ВМРО-ДПМНЕ.