Македонија
„Со Села завршивме, на вас е редот“, вака сведочеше Талат Џафери за обидот за убиство на Села

Претсeдателот на Собранието, Талат Џафери, сведочеше пред судот за обидот за убиство на пратеникот Зијадин Села што се случи на 27 април минатата година.
„На почетокот додека граѓаните влегуваа во прес-салата, Села беше од мојата лева страна и тука стоевме во аголот. Дури разговарав на телефон со семејството, за една до една и пол минута Села го снема. Помислив дека го евакуирале. Но додека траеше нападот еден од напаѓачите извика: ‘Со Села завршивме, на вас е редот’“, сведочеше Џафери.
„Викаа дека ќе нè тераат да потпишуваме изјави дека не го прифаќаме новото парламентарно мнозинство, мојот избор за претседател на Собранието. Така дознав дека Села е повреден“, рече тој пред судот.
Џафери рече дека откако бил евакуиран и завршила операцијата на спасување го посетил Села, кој бил пренесен на клиника. Тој препозна дел од напаѓачите во судницата. „Се сеќавам на изгледот затоа што влегоа први. Тоа е нешто што не може да се заборави”, рече Џафери.
За обидот за убиство на Села обвинети се вкупно десетмина, и тоа: Оливер Ошавковски, Сашо Сенков, Николче Димитриевски, Александар Јаневски-Тошта, Андреј Мицов, Никола Војминовски, Коста Делов, Стојан Павлески-Кобра, Кире Ѓоргиевски и Цене Ѓоргиевски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Регионалниот пат преку Јасен од утрово пуштен за сообраќај

Денеска од 05:00 часот регионалниот пат Р-1106 Нова Брезница – Македонски Брод преку националниот парк Јасен ќе биде пуштен за сообраќај во термините од Министерството за внатрешни работи.
Се препорачува внимателно возење, почитување на сигнализацијата и прилагодување на брзината поради можни одрони на патот, соопшти АМСМ.
Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е зголемен поради летните одмор, меѓутоа на граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Пожар кај „Зебра“, огнот зафатил возило

Пожар избувнал ноќеска во главниот град во близина на трговскиот центар Зебра.
Според последните информации огнот се проширил и зафатил возило на улицата Васил Ѓоргов во Скопје.
На местото на настанот биле присутни противпожарни возила кои го гаселе пожарот.
Македонија
Без струја делови од Карпош и Центар

Од ЕВН Македонија АД известуваат дека денеска ( среда ) без електрична енергија ќе останат:
– во периодот од 09.00 до 11.30 часот, корисниците од ул. Анкарска бр. 31. ( општина Карпош )
– во периодот од 09.00 до 13.00 часот, корисниците од ул. Загребска. ( општина Центар )