Македонија
Со серија настани ќе се одбележи Меѓународниот ден на правата на жените

Под глобалното мото „Планета 50:50 до 2030 – истапи за родовата еднаквост“, Меѓународниот ден на правата на жените се одбележува преку серија настани и иницијативи.
Традиционално по осми пат од 6 до 9 март ќе се одржат „Вечерите на женски права“, поддржани од Град Скопје, во соработка со UNWomen, Институтот за родови студии при Филозофскиот факултет во Скопје и Центарот за истражување и креирање политики.
Теми на овогодинешните вечери се : Улогата на жената во услови на криза и економските права на жените, проследени со бројни активности како ликовни изложби, проекции на филмови, тематски дискусии, креативни работилници и друго.
Дополнително, на 8 Март Македонија ќе се приклучи на глобалната кампања „Економското јакнење на жените во менливиот свет на работата“, преку јавни настани и перформанси реализирани од повеќе невладини организации и активисти за женски човекови права.
Настанот е дел од напорите за остварување на глобалната агенда 2030 и одржливите развојни цели.
Во сабота и во недела во просториите на Младинскиот културен центар се организира пред-програма, богата со различни активности како интегрална јога, јога за смеење, детски работилници, работилница за фотографија, стрип работилница и друго. За дел од работилниците потребно е да се пријавите за учество на следниот линк: www.womensrightsnights.net/program-2017.html /крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Сончево и топло со мала до умерена локална облачност, од утре многу топло време

Сончево и топло со мала до умерена локална облачност. Ќе дува слаб до умерен ветер од северoзападен правец.
Минималната температура ќе биде во интервал од 10 до 19, а максималната ќе достигне од 29 до 37 степени.
Во Скопје, сончево со мала до умерена облачност. Ќе дува слаб до умерен ветер од северен правец. Минималната температура ќе се спушти до 17, а максималната ќе достигне до 37 степени.
Под влијание на топла воздушна маса од југ, од утре следува период на сончево и многу топло време со мала до умерена облачност. Особено топло време се очекува во текот на следната работна седмица, кога дневната температура насекаде ќе биде над 30°C, на повеќе места ќе надминува 35°C, а наместа ќе биде и над 40°C.
Македонија
Филипче: ВМРО-ДПМНЕ да каже дали имаат сериозен план за одблокирање на европските интеграции

Претседателот на Социјалдемократскиот сојуз на Македонија, Венко Филипче, во одговор на новинарско прашање, во врска со изјавата на премиерот Мицкоски за поднесување заедничка резолуција со Бугарија во Европскиот парламент за македонскиот јазик, посочи дека вакви сериозни прашања се дискутираат како предлог во Собранието, каде што учествуваат сите политички партии.
„Сметам дека е крајно несериозно такви сериозни предлози да се даваат од обични прес – конференции. Премногу е сериозно и важно прашањето да биде само предмет и обид за некаков дневно политички партиски интерес од страна на ВМРО ДПМНЕ. Сметам дека треба да се направи како предлог во Собранието бидејќи е нешто во што треба да учествуваат сите политички партии. Доколку има таков сериозен предлог ние апсолутно ќе го ќе го поддржиме“, рече Филипче.
Посочи дека ВМРО ДПМНЕ должат пред јавноста да образложат каков план имаат за одблокирање на евроинтеграциите.
„ВМРО-ДПМНЕ треба да каже дали имаат сериозен план, дали имаат сериозен план за дипломатска активност, дали имаат сериозен план за одблокирање на европските интеграции“, рече претседателот на СДСМ, Венко Филипче.
Македонија
(Видео) Полициски хеликоптер исфрли 80 тони вода врз пожар во струмичко

Денеска (18.07.2025), полициски хеликоптер од типот Бел-412 од Одделот за воздухопловни единици дејствуваше на пожар во општина Василево, с. Нивичино, струмичко каде што гори нискостеблеста шума.
При дејствувањето во 60 налета се исфрлени повеќе од 80 тони вода, соопшти МВР.
Пожарот, како што информираат се уште е активен и продолжуваат активностите за негово гасење.