Македонија
Со 84 рози и 12 бели гулаби АУЕ – ФОН ја одбележа годишнината од смртта на основоположникот на модерната турска држава, Кемал Ататурк
Со 84 црвени рози и 12 бели гулаби во знак на почит и благодарност, Американскиот универзитет на Европа – ФОН и делегација на Фестивалот на документарен филм на туркофонскиот свет од Турција, денеска на Камениот Мост во Скопје симболично ја одбележаа годишнината од смртта на Мустафа Кемал Ататурк, револуционер и државник, основач на Турската Република и нејзин прв претседател.
Ко-основачот на АУЕ – ФОН, м-р Сефер Цаноски на одбележувањето на 84 годишнината од смртта на Ататурк испрати порака за мир дома и во светот, солидарност и продолжување на добрата соработка помеѓу РС Македонија и Република Турција.
„Мир дома и мир во светот е мојата омилена порака од Ататурк. Затоа, оддаваме почит кон Кемал Ататурк нè само како лидер на регионот, туку како на лидер на целиот свет. Вистинските лидери, како Ататурк, имале визија за напредок на светот, нешто што ретко може да се види денес во ова време на предизвици. Камениот мост во Скопје е симбол на спојувања, љубов и единството кои сите искрено го посакуваме, а народот во Македонија и Турција знаат да ги разберат и продолжуваат понатаму да ги негуваат пораките од големите лидери“, истакна г-динот Цаноски на денешното одбележување на годишнината од смртта на Мустафа Кемал Ататурк, на која присуствуваше и делегацијата од Република Турција, односно претставници од Фестивалот на документарен филм на туркофонскиот свет, предводена од директорот на фестивалот, г-динот Мендерес Демир.
Г-динот Мендерес Демир му се заблагодари на семејството Цаноски и на АУЕ – ФОН како универзитет за тоа што овозможија заеднички да ја одбележат смртта на основоположникот на модерната турска држава, кој што потекнува од овие простори. И Демир се согласи дека пораката за мир дома и во светот од Ататурк која што е од многу одамна, денес се повеќе е актуелна.
Американскиот универзитет на Европа – ФОН и Фестивалот на документарен филм на туркофонскиот свет од Турција имаат долгогодишна соработка. Во рамки на соработката, Американскиот универзитет на Европа – ФОН и годинава е партнер и домаќин на македонското филмско издание на Фестивалот на документарен филм на туркофонскиот свет, кое што се организира по седми пат.
Македонското издание на Фестивалот на документарен филм на туркофонскиот свет ќе се одржи на АУЕ – ФОН, утре со почеток во 10:00 часот. Посетителите во рамките на филмското издание, ќе имаат можност да видат два филмa: „Гулаб Гул“ од 2021 година, снимен во Авганистан и „Три армии“ од 2022 година, снимен во Босна и Херцеговина.
(ПР)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Здружението на судии загрижено за изјавите за Управниот суд: со нив се врши притисок врз судиите и судиското одлучуваљње
Здружението на судии во врска со реакцијата на Управниот суд на РСМ, ја искажува својата загриженост за изјавите на поединци со кои, како што се истакнува во соопштението, директно или индиректно се врши притисок врз судиите и судиското постапување и одлучување.
Како што велат, припадноста кон одредена политичка партија и можноста за идно владеење односно учество во извршната власт, не смее да се користи за коментирање, заканување или влијание врз судиското одлучување.
Оценуваат дека таквите изјави се штетни пред се за политичките субјекти кои ги пласираат во јавноста, а истовремено може да се разберат и како обид да се поткопа непристрасноста и интегритетот на судиите.
„Во однос на неоснованите обвинувања кои беа упатени на адреса на Претседателот на Управниот суд на РСМ, како Здружение на судии даваме целосна поддршка на колегите од именуваниот суд и напоменуваме дека секој избран судија е независен во своето одлучување и таа независност му е Уставно загарантирана. Па во тој правец и при најмал сомнеж за евентуален обид за притисок или влијание врз неговата работа, без разлика од кого доаѓа, е должен да ги извести надлежните судиски инстанци. Воедно, сите останати општествени чинители, а особено претставниците на политичките партии се должни да ја почитуваат загарантираната судиска независност што е во духот и на демократскиот развој и Европскиот просперитет на земјата“, потенцираат од ова здружение.
Македонија
Одбиена тужбата на „Европскиот фронт“ за избирачкото место во Долнени
Управниот суд ја одби како неоснована тужбата од Коалицијата „Европски фронт“ на решението на Државната изборна комисија (ДИК) за прифаќање на приговорот од Коалицијата „Твоја Македонија” за избирачкото место 1470 во Долнени на Парламентарните избори 2024.
„Европскиот фронт“ поднесе седум тужби против решенија на ДИК на Парламентарните избори 2024.
Досега Управниот суд ja одби како неоснована и тужбата за избирачкото место 1194, во Општина Крушево.
Македонија
Мицотакис со предупредување: Ако некои веруваат дека можат да го игнорираат Договорот, треба да разберат дека нивниот пат кон Европа ќе остане затворен
Грчкиот премиер Киријакос Мицотакис уште еднаш ја предупредува Македонија дека прекршувањето на Договорот од Преспа, со кој се реши долгогодишниот спор за името меѓу двата соседа, ќе ги загрози амбициите на балканската земја за членство во ЕУ, пишува грчки „Катимерини“
Говорејќи од градот Верија во северна Грција за време на неговата кампања пред изборите за Европскиот парламент во јуни, Мицотакис изјави дека трите меморандуми за разбирање поврзани со договорот од 2018 година нема да бидат ратификувани од Парламентот се додека новото раководство во Скопје продолжи со прекршување на договорот.
„Ако некои веруваат дека можат да го игнорираат договорот, треба да разберат дека нивниот пат кон Европа ќе остане затворен, а меморандумите нема да бидат ратификувани освен ако не се почитува она што го предвидува договорот“, рече тој.