Македонија
Со Mozzart во борба против насилството!

Регионалниот лидер во приредувањето игри на среќа, компанијата Mozzart, продолжува со акциите ширум Македонија. Овој пат, се потпиша договор со Националната мрежа против насилство врз жените и семејното насилство.
Се работи за договор кој е потпишан на шест месеци, а финансиските средства ќе бидат наменети за непречено функционирање на Женскиот центар за поддршка – Скопје, кој е инаку специјализирано советувалиште за жени и деца жртви на родово базирано и семејно насилство. Женскиот центар за поддршка обезбедува услуги од социјална работничка, психолог, правничка, кариерна советничка, како и помош за домување, и претставува прв сервис од ваков тип, кој обезбедува сеопфатна помош и поддршка за жртвите и нивните деца. Националната мрежа против насилство врз жени и семејно насилство е формирана на 7 декември 2010 година од дваесет граѓански организации кои работат на полето на спречување и борба против насилството врз жените и семејното насилство.
„Сакам да ја изразам мојата огромна благодарност до Mozzart за поддршката која ја обезбедија за советувалиштето за жени и деца жртви на родово базирано и семејно насилство. Предизвиците да го осигураме работењето на центарот се многу големи, особено поради недостатокот на финансиска поддршка од државата за ваков тип на сервиси кои се раководени од граѓански организации. Вклучувањето на бизнис секторот е од клучна важност, а Mozzart ја препозна важноста од постоење на овие сервиси и обезбедија директна финансиска помош кога тоа ни беше најмногу потребно“ – изјави Елена Димушевска, извршна директорка на Националната мрежа против насилство врз жени и семејно насилство.
Инаку, родово базираното и семејно насилство се општествен проблем кој е го има насекаде, и во урбаните и во руралните средини, и во секое општество, и како таков остава многубројни и долготрајни последици како по жената жртва, така и по нејзините деца. Насилството врз жени се одразува врз економскиот и севкупниот развој на едно општество, а е резултат на историски заснована нееднаква положба на жените и мажите, во која жените се во немоќна или помалку моќна положба во однос на мажите.
Токму затоа одговорноста за намалување на ризиците од појава од насилството и заштита на жените ја бараме кај локалните и националните власти кои треба да испратат јасна порака за неприфатливоста на насилството и сериозна заложба за системски промени кои ќе водат до соодветен, навремен и сеопфатен одговор кон проблемот.
Насилството врз жените и децата можеме да го спречиме ако не го игнорираме, туку го пријавиме и им дадеме поддршка на жртвите да ја напуштат насилната средина. Пријавувањето на насилството е првиот чекор!
ПР текст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Голема екоакција за собирање текстилен отпад во општина Аеродром

Компанијата „Тексомак“ во соработка со oпштина Аеродром организира екоакција за собирање текстилен отпад.
Првиот дел од оваа акција започнува утре, вторник, 8 април. Контејнери, каде што граѓаните ќе можат да го оставаат текстилниот отпад, ќе бидат поставени на следниве локации:
– ООУ „Лазо Ангеловски“
– ЈДГОА „Срничка“ (главен објект)
– ООУ „Љубен Лапе“
– ЈУДГ „Буба Мара“ (главен објект)
– ООУ „Браќа Миладиновци“
– Зад „Капитол мол“ (пред влезот на „Рамстор“)
Текстилниот отпад треба да биде добро спакуван во пластични ќеси со цел да се избегне негово оштетување.
Следниот чекор е едукација по училиштата и градинките што ќе се одвива во текот на наредниот период, а датумите ќе бидат дополнително објавени, извести општина Аеродром.
Македонија
Сиљановска-Давкова: Мојата земја, во сè пофрагментиран свет, останува силно посветена на ефективниот мултилатерализам, со ОН во нејзиниот центар

Претседателката Гордана Сиљановска-Давкова оствари средба со заменичката генерална секретарка на Обединетите Нации, Амина Џ. Мохамед и се обрати пред постојаните координатори на ОН од Европа и од Централна Азија.
Изразувајќи сочувство за трагедијата во Кочани, Мохамед истакна дека од несреќата, за жал, сите научија голема лекција и сфатија дека може секому да му се случи. Според неа најдобрата одлука којашто ја направила државата е што голем дел од повредените биле испратени на лекување во странство. Со ваква голема загуба, посочи таа, ниту една земја не може и не треба да се справува сама.
Разговарајќи за улогата на Обединетите Нации, како организација создадена да го штити мирот, соговорничките се согласија дека по 8 децениско постоење, неопходно е Организацијата да се реформира во согласност со современите мировни и демократски предизвици.
„Да градиме почитувано и инспиративно лидерство, да ги облагородиме суровиот реализам и силата со идеализам, со право, етика и морал“, истакна претседателката.
Заменичката генерална секретарка рече дека ОН мора да ги задржат вредностите и принципите на Организацијата и да бидат погласни, со што на сегашните и на идните земји членки ќе им докажат дека има имаат бенефит од членството во ОН.
Осврнувајќи се на процесот на нашата евроинтеграција, заменичката генерална секретарка рече дека е важно ОН да се заложат за нас, како мала земја која неправедно и предолго, чека за влез во ЕУ.
Пред постојаните координатори на ОН од Европа и од Централна Азија, Сиљановска-Давкова истакна дека иако светот претрпе длабока геополитичка, економска, еколошка, демографска и технолошка трансформација, надлежностите, структурите и процедурите на ОН останаа главно непроменети.
„Неопходни се суштински реформи што ќе ги направи Генералното собрание и Советот за безбедност полегитимни и подемократски институции во исполнувањето на Повелбата на ОН. Советот за безбедност не може да се бира, да има состав и да одлучува како во 1945 година. Тој мора да се реформира и да стане поодговорен за одржувањето на меѓународниот мир и безбедност. Генералното собрание мора да ја надмине својата дебатна улога и да прерасне во клучно тело во процесот на одлучување и креирање политики. Пресудите на Меѓународниот суд на правдата мора да станат обврзувачки за сите држави“, рече таа.
За неа координаторите на ОН се носители на глобалната совест, поборници и борци за мир, даватели на помош на оние на кои им е најпотребна, носители на надеж во време на очај. Таа им ја изрази и вети нејзината поддршка и додаде: „Како човек којшто го посветил својот живот на правото и правдата, сè уште верувам во потребата од ефективен мултилатерализам со силни, реформирани Обединети Нации“.
Претседателката исто така, ја истакна нашата заложба за интегрирање на Целите за одржлив развој во националната стратегија, фокусирајќи се на климатските активности, еднаквоста и владеењето на правото.
Македонија
„Дволичниот Апасиев беше против извршителите, но кога станува збор за негова корист, не му пречат“, велат од ВМРО-ДПМНЕ

„Апасиев кој е против извршителите, повторно докажува во јавноста дека е дволичен и дека нема став за ниту една работа во државата. Апасиев падна толку ниско, што си го скрши дадениот професорски збор само за да добие нешто во негова корист од извршителите“, велат од ВМРО-ДПМНЕ.
„Апасиев и Левица, заедно со извршителот кој работи и со Дрин Ахмети, внукот на нивниот коалиционен партнер, Али Ахмети, купиле деловен простор во центарот на Скопје за 3 пати пониска цена од пазарната.
Апасиев, најверојатно, по препорака на Ахмети, добил контакт од извршителот Андреја Буневски, за да се договорат да си купи Апасиев деловен простор од 409 м2, преку одземен имот од граѓани или од фирма, која паднала финансиски и не можела да го исплаќа кредитот.
Институциите треба да се позанимаваат со тоа како Апасиев купил простор за 3 пати пониска цена од пазарната и дали постои некаков скриен договор меѓу Апасиев, извршителот и банката?
Апасиев и Левица со ова само ја потврдуваат тајната коалиција на Левица, СДС и ДУИ, која очигледно продолжува да работи во рамки кои се надвор од законските норми.
Со ова се покажа правото лице на Апасиев и Левица. Нив не ги интересира подобар живот за граѓаните, проекти, инвестиции и слично, нив ги интересираат само канцеларии за ич пари, скапи коли и скапи станови“, соопштуваат од ВМРО-ДПМНЕ.