Македонија
Спасовски и Бертолини ги утврдија областите што ќе бидат финансирани во рамките на ИПА

Министерот за внатрешни работи, Оливер Спасовски, оствари работна средба со претставници на Делегацијата на Европската Унија предводена од страна на Никола Бертолини, раководител на одделот за соработка.
Како што информираат од МВР, целта на овој работен состанок била да се разгледа и дискутира за досега сработеното во рамките на процесот на програмирање за националната ИПА-програма за 2020 година.
„Бертолини информира дека се утврдени областите што ќе бидат финансирани во рамките на националната ИПА-програма за 2020 година, и тоа: подобрување на независноста, отчетноста, транспрентноста на правосудните органи, борба против организираниот криминал и тероризам, спречување на корупцијата, зајакнување на малцинските и човековите права и поддршка во промовирањето на правото за слобода на изразување, со акцент на областите каде што Министертвото за внатрешни работи ќе биде носител на проектите“, се наведува во соопштението.
Спасовски потенцирал дека овие проекти се во согласност со главните приоритети на МВР и дека со нивната примена се очекува дека капацитетите на Министерството дополнително ќе се зајакнат и ќе придонесат кон успешно справување со предизвиците.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Партиите од ВЛЕН отсега ќе делуваат како еден политички субјект

Коалицијата ВЛЕН известува дека „денес е направен првиот чекор кон целосно политичко обединување, со заедничка визија и обединета структура, како единствена сила што ја претставува надежта, достоинството и иднината на Албанците во оваа земја“.
„На денешниот состанок беше формирано Заедничкото Претседателство на ВЛЕН, како прв орган што ќе ги координира сите политички и организациски активности на коалициско ниво.
Од денес стапува во сила мораториум на јавните активности на политичките партии учеснички во ВЛЕН, при што сите активности и настапи ќе се реализираат исклучиво под името, логото и единственото претставување на ВЛЕН.
Во наредниот период ќе се формираат и другите заеднички органи, вклучително и Раководството на ВЛЕН и Шефот на Изборниот штаб, кој ќе ја води подготовката за претстојните избори.
Пратеничката група на ВЛЕН ќе продолжи да функционира со актуелните пратеници кои го поддржуваат процесот на обединување и се посветени на јакнење на заедничкиот глас на Албанците“, велат од ВЛЕН.
Македонија
(Видео) Запален домот на Александар Пандов: Нема да не запрат и нема да не поколебаат

Директорот на Управата за извршување на санкции, Александар Пандов на социјалните мрежи објави дека му бил запален домот.
„Ова е данокот за нашата борба за владеење на правото без калкулации? Ова е цената за удирањето по мафијата! Домот ми беше запален, и имам основано сомневање дека станува збор за смислен атак на криминалците!
Нема да не запрат и нема да не поколебаат. Никој не е над законот! Нема враќање назад кога се бориш за правдата. И кога ќе тргнеш против криминалот, тој се брани со насилство. Но ова нема да ме запре — напротив, само не зајакнува!“, напиша Пандов.
Тој додаде дека очекува институциите да го најдат и казнат сторителот.
Македонија
Милошоски: Не помина интерпелацијата на Левица и СДСМ за Тошковски, целта им беше лична дискредирација и злоупотреба на трагедијата

„Не помина интерпелацијата на Левица и СДСМ против МВР, Панче Тошковски. Целта им беше провидна“, напиша на социјалните мрежи Антонио Милошоски.
„Прво лична дискредитација на Тошковски, а потоа злоупотреба на семејните емоции од големата трагедија во Кочани. Манипулативни намери, наместо реални предлози и поддршка“, додаде тој.