Македонија
Спасовски-Предоју: Продолжуваме заедно за побезбедна Европа

Денеска министерот за внатрешни работи Оливер Спасовски за време на работниот престој во Букурешт, Република Романија, се сретна со својот романски колега, вицепремиерот и министер за внатрешни работи на Романија, Марјан-Каталин Предоју.
На средбата, изразувајќи благодарност за топлиот пречек, министерот Спасовски упати честитки до колегата Предоју по повод назначувањето на функцијата вицепремиер и министер за внатрешни работи на Романија. Притоа, тој изрази задоволство за можноста за соработка на прашања од заеднички интерес како за двете министерства за внатрешни работи, така и за двете пријателски земји.
Оценувајќи ја досегашната билатерална соработка меѓу двете Министерства за внатрешни работи како плодна и отворена, министерот Спасовски го изрази своето уверување дека таа ќе продолжи да се развива со зголемен интензитет и во иднина.
„Оваа одлична соработка следи како резултат на добрите односи кои постојат меѓу двете земји, потврдувајќи ги нашите заложби за зацврстување и одржување на истите, како и нашата заедничка позиција во спротивставување на актуелните безбедносни закани, одржување на мирот, стабилноста и безбедноста на нашите граѓани и држави. Клучен фактор во овој вид соработка игра и местоположбата на СЕЛЕК Центарот во Букурешт, кој претставува уникатна оперативна организација, која ја олеснува брзата размена на информации меѓу агенциите за спроведување на законот од земјите членки во делот на прекуграничен криминал, а координира и регионални операции, ставајќи ги на едно место ресурсите од 12-те земји членки, меѓу кои и Романија, за откривање и разбивање на криминални мрежи”, рече Спасовски, додавајќи дека меѓународната оперативна соработка, која е на високо професионално ниво, се остварува преку сите меѓународни и регионални канали на полициска соработка и подразбира брза, квалитетна и ефикасна размена на оперативни сознанија, односно редовно постапување по барања упатени од двете држави за различни видови на проверки во сите форми на организиран и сериозен криминал.
Како уште еден показател за одличната билатерална соработка, министерот Спасовски го посочи Договорот помеѓу Владата на Република Северна Македонија и Владата на Романија за зацврстување на соработката во областа на внатрешната контрола и спречување и борба против корупција.
„Со Договорот помеѓу Владата на Република Северна Македонија и Владата на Романија за зацврстување на соработката во областа на внатрешната контрола и спречување и борба против корупција испративме сериозна порака за сузбивање на коруптивното однесување на полициските службеници и другите вработени лица во надлежните органи, како и на организираните криминални групи кои се бават со овие незаконски активности. Во рамки на Договорот веќе се воспостави заедничка соработка помеѓу двете министерства за внатрешни работи, како што е обуката од областа на внатрешната контрола и спречување и борба против корупција во Романија, Букурешт. Истовремено, нашата соработка дополнително се зајакна со потпишувањето на Меморандумот за разбирање меѓу Министерството за внатрешни работи на Република Северна Македонија и Министерството за внатрешни работи на Романија за поддршка и соработка во областа на заеднички обуки, кој има за цел реализација на програми за размена стручен кадар и кадети, размена на искуства и податоци, изработка на заедничка програма за обука, како и спроведување заеднички обуки и проекти”, истакна министерот Спасовски.
Министерот за внатрешни работи на Романија Марјан Каталин Предоју ја истакна добрата соработка помеѓу двете Министерства за внатрешни работи, со уверување дека тие и во иднина ќе продолжат да ги поддржуваат нашите заложби по прашањата од заеднички интерес како што се борбата против илегалната миграција, тероризмот, компјутерскиот криминал и размената на обуки и искуства помеѓу полициските службеници подвлекувајќи дека во нив имаме партнер и поддржувач не само на билатерален план туку и на регионало ниво. Предоју во оваа прилика истакна дека особено го цени учеството на нашите претставници во СЕЛЕК со кои изминатиов период имавме успешна реализација на голем број заеднички истраги. Од страна на министерот Спасовски беше упатена покана за посета на МВР на Република Северна Македонија, која министерот Предоју со задоволство ја прифати.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
„Шемите на Заев и Димова го исцрпиле Буџетот на Агенцијата Еразмус за над 2,5 милиони евра“, велат од ВМРО-ДПМНЕ

„Шемите на Заев и Димова го исцрпиле Буџетот на Агенцијата Еразмус за над 2,5 милиони евра. 2,5 милиони евра, европски пари кои потоа Европската заедница ги побара назад од државата“, велат од ВМРО-ДПМНЕ.
„Владата на СДС, секогаш ќе остане синоним за криминал, корупција и неспособност. Каде и да се појавеа ја посрамотуваа државата и самите себеси. И на домашна и на меѓународна сцена.
Чест на исклучоци, но во СДС скоро сите поранешни функционери, директори, министри, се поврзани со некаков сомнеж или пак сторен криминал.
Лидија Димова го оштети Буџетот на Агенцијата на која што беше директорка за над 20 милиони денари, за случај за која е осудена со уште две лица. Затоа СДС молчи и се одзива кога ќе се спомне Димова. На крај, ќе речат дека ја познаваат од телевизија.
Тогашниот премиер Зоран Заев, ја присили Димова да не поднесува кривична пријава за криминал вреден 2,2 милиони евра. Пари кои биле украдени од координирана мрежа во Националната агенција која завршува во тогашниот кабинет на Зоран Заев.
Затоа и деновиве кога СДС ќе излезе со соопштение или прес-конференција, народот не им верува.
Затоа што народот е свесен дека тие се синоним за криминал и корупција.
Затоа што народот знае дека скоро секој поранешен функционер од СДС има направено криминал, а тој криминал го штити обвинителството и судството. Оваа слика мора да ја промениме!“, се наведува во соопштението на ВМРО-ДПМНЕ.
Македонија
„Влен“: ДУИ го претвори Охридскиот Договор во средство за лично збогатување и прикривање на неуспесите

„Поминаа 24 години од потпишувањето на Охридскиот договор, најважниот документ за рамноправност на Албанците во Северна Македонија, но сенката од неговата нецелосна имплементација продолжува да ги оптоварува државните институции. Сите го знаеме главниот виновник: ДУИ, партијата ‘нонграта’ која беше на власт 22 години по ред и која, наместо да го претвори Договорот во реалност, го користеше како изборен банер и банкомат за лично богатење“, велат од „Влен“.
„Фактите зборуваат сами за себе: Во 2013 година, тогашниот Секретаријат за спроведување на Охридскиот договор објавил тендер од 6 милиони денари за „анализа“ на спроведувањето на рамковниот договор. Победник, според информациите, беше компанијата „ТАГ Комуникации“, во сопственост на лице близок со ДУИ и по својата позиција во државните структури контролирани од оваа партија!
Парите на граѓаните се трошеа на „анализи“, „конференции“ и „трибини“, додека од друга страна создаваа илузија за напредок. Скапо платените анализи препорачуваа мерки што ДУИ никогаш не ги спроведе: законски обврски за правична застапеност во државните компании, справување со говорот на омраза во Кривичниот законик, децентрализација со конкретен буџет и решавање на статусот на жртвите од 2001 година. Ништо од ова не стана реалност затоа што за ДУИ, Охридскиот договор не беше алатка за еднаквост, туку алатка за тендери, богатење и криење зад измислени анализи секогаш кога нивните неуспеси стануваа очигледни.
ВЛЕН ги повикува граѓаните да не стануваат жртви на пропагандата на партија која две децении го користеше аманетот од 2001 година за тесни лични интереси.
Решени сме целосно да го спроведеме Охридскиот договор, не на хартија, не на празни конференции, туку во секојдневниот живот на секој граѓанин на албанец.
Најјасен доказ за ова е историското усвојување на Законот за правична и соодветна застапеност, голема политичка победа, епохална пресвртница во институционалната еднаквост, правна гаранција што става крај на 20-годишната неправда. Овој закон не е само член во службен тефтер, тој е печат на нова ера за Албанците, тоа е сигурност дека нашиот глас никогаш повеќе нема да биде игнориран во нашата земја“, се наведува во соопштението на „Влен“.
Македонија
Активни два пожари на територијата на Македонија, под контрола ставени три

Центарот за управување со кризи извести дека во последното деноноќие, до 7 часот утрово на територијата на Македонија имало вкупно 25 пожари на отворен простор, од кои два се се уште активни.
Се уште гори во подрачјето „Јасен“, во општина Македонски Брод, и во општина Струга, Октишка краста, каде што гори ниска вегетација.
Под контрола се ставени три пожари: oпштина Сарај 2: село Радуша кон село Дворце каде што гори ниска вегетација, општина Арачиново (гори ниска вегетација) и општина Демир Хисар, село Мало Илино (гори дабова шума).
Како што соопшти ЦУК изгаснати се 20 пожари.