Македонија
Спец касата во УБК донесе нови затворски казни: шефот кај Мијалков доби шест, благајникот четири години

На повторно судење за предметот „Спец каса во УБК“ досудени се затворски казни за сите обвинети. Тони Јакимовски кој е ексначалник во УБК и шеф во кабинетот на тогашниот директор Сашо Мијалков – доби шест години затвор. Вработен во УБК, благајник за т.н. спец каса, Стево Маџовски доби повторно четири години. Приправничката Кристина Јосифовска која претходно беше ослободена од вина, сега доби три години затвор.
Пресудата ја изрече Софче Гаврилова-Ефремова, судијка која е наследничка на предметот откако пресудата беше укината и предметот беше вратен на повторно судење. Според процените биле злоупотребени околу 820 000 евра, кои сега, тројцата обвинети треба да ги вратат назад во буџетот. Обвинителката Ивана Трајчева и тројцата обвинети имаат право на жалба за пресудата до Апелација.
Трајчева пред Кривичен докажа дека десет години, од 2007 до 2017 година, 172 пати, тројцата неправосилно осудени, за кои поднесувале барања и признаници за износите. Но, документацијата била уништувана – како евиденциите за потрошените средства, така и документите за исплата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
На Табановце и Богородица времето на чекање за влез во државата е околу 1 час

Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е умерен. На граничните премини Табановце и Богородица времето на чекање за влез во државата изнесува околу 1 час. На останатите гранични премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Претпладне сончево, попладне наместа нестабилно со локален дожд и грмежи

Претпладне сончево со умерена облачност. Попладне наместа ќе биде нестабилно со локален дожд и грмежи. Ќе дува слаб до умерен ветер од југоисточен правец. Минималната температура ќе биде во интервал од 6 до 12, а максималната ќе достигне од 19 до 26 степени.
Во Скопје, сончево со умерена облачност и со слаб до умерен југоисточен ветер. Попладне во делови од котлината ќе има развој на нестабилна облачност со услови за пороен дожд и грмежи. Минималната температура ќе се спушти до 8, а максималната ќе достигне до 26 степени.
Времето во наредните денови
Од среда на повеќе места ќе биде нестабилно со повремени врнежи од дожд, локално поројни, проследени со грмежи. Дневната температура ќе биде во постепено благо опаѓање.
Македонија
Карпош, Ѓорче Петров и Сопиште денеска без струја

Од ЕВН Македонија АД известуваат дека денеска без електрична енергија ќе останат:
· Oд 08:00 до 16:00 часот, дел од корисниците во Стопански Двор. (Општина Ѓорче Петров);
· Oд 09:00 до 13:00 часот,ул.24 с.Сопиште КАЈ ИЦЕ МАК (Општина Сопиште);
· Oд 09:00 до 14:00 часот, дел од корисниците на ул.Ванчо Мицков,во Долно Нерези (Општина Карпош) ;
· Oд 10:00 до 14:30 часот, дел од потрошувачите на ул.Женевска (Општина Карпош).