Македонија
Спортски екипи од средните училишта од Скопје се натпреваруваа со свои врсници од Нирнберг

Одлични резултати постигнаа најдобрите спортски екипи на средните училишта од Скопје, кои изминативе неколку денови се натпреваруваа со своите врсници од збратимениот град Нирнберг, Германија.
Средношколските тимови од Скопје беа поуспешни во натпреварувањата, постигнувајќи генерален резултат од 6 победи и 1 пораз.
На отворањето на спортските натпревари во Нирнберг се обратија портпаролот на Град Скопје, Ваљон Салиху, и Харалд Шмит (Harald Schmidt) директор на училиштето Бертол Брехт.
,,Градот Скопје е активно вклучен во многубројни активности и програми кои имаат за цел да ја поттикнат помладата генерација да спортува. Сигурен сум дека секој од Вас ќе го даде својот максимум во денешните натпревари, но исто така, ве охрабрувам да ја искористите оваа можност за дружење, стекнување нови искуства и пријателства”, кажа Салиху.
На натпреварувањата беа постигнати следниве резултати:
КОШАРКА
Машки
Скопје 103-55 Нирнберг
Женски
Скопје 67-35 Нирнберг
РАКОМЕТ
Машки
Скопје 34-32 Нирнберг
Женски
Скопје 38-18 Нирнберг
ОДБОЈКА
Женски
Скопје 2-0 Нирнберг (25-19; 25-6)
ФУТСАЛ
Машки
Скопје 5-2 Нирнберг
Женски
Скопје 0-8 Нирнберг
На затворањето на спортските натпревари на присутните им се обрати и Клеменс Гесел (Klemens Gsell), заменик-градоначалник на градот Нирнберг.
Покрај спортските натпревари, учениците од Скопје имаа можност да го прошетаат градот Нирнберг и да ги посетат знаменитостите на градот, како и да ја посетат зоолошката градина.
Натпреварите на најдобрите спортски екипи од средните училишта од Скопје во Нирнберг се продолжение на праксата за организирање вакви натпреварувања, а во изминатите години се организираа патувања во Истанбул, Ниш, Загреб, Љубљана, Софија и во Белград.
Покрај средношколските спортски лиги на Град Скопје, во чии натпреварувања годинава учествуваа над 6.000 средношколци, годинава за првпат од буџетот беа обезбедени и стипендии за 100 најуспешни спортисти, ученички и ученици, од по 3.000 денари во текот на осум месеци до крајот на 2018 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Делови од Сопиште, Студеничани и Ѓорче Петров денеска без струја

Регионалниот центар за управување со кризи на Град Скопје, по добиеното известување од ЕВН Македонија АД, информира дека дека поради технички зафати во електродистрибутивната мрежа денеска без електрична енергија ќе останат:
· од 08:30 до 15:30 часот, корисниците од селото Света Петка (општина Сопиште);
· од 09:00 до 14:00 часот, корисниците дел од селото Маркова Сушица (општина Студеничани);
· од 09:00 до 14:00 часот, корисниците дел од улиците 100,21,23,83 (општина Ѓорче Петров).
Македонија
Зголемена фреквенција на возила на граничните премини Табановце и Богородица

Сообраќајот на државните патишта се одвива непречено, по суви коловози, извести АМСМ.
Интензитетот на сообраќај на патните правци надвор од градските средини е зголемен. На ГП Табановце се бележи зголемена фреквенција на возила времето на чекање за влез во државата е околу 30-45 минути, на ГП Богородица за излез е околу 20 минути. На останатите гранични премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Посебен режим на сообраќај денеска и утре во Скопје

СВР Скопје ги известува граѓаните дека денеска и утре поради одржување на средба на лидерите од Западен Балкан, Единицата за безбедност на патниот сообраќај при СВР Скопје ќе преземе мерки за посебен режим на сообраќајот по сообраќајниците на поширокото централно подрачје на град Скопје.
СВР Скопје апелира до сите учесници во сообраќајот да ги почитуваат наредбите кои ќе ги даваат униформираните полициски службеници.