Утрото ќе биде ведро и студено со услови за појава на магла по одделни котлини. Преку денот сончево со мала локална облачност и со слаб променлив ветер.

Минималната температура ќе биде во интервал од -9 до -1, а максималната ќе достигне од 8 до 14 степени.

Во Скопје наутро студено, во делови од котлината со услови за појава на магла, а преку денот сончево и тивко. Минималната температура ќе се спушти до -5, а максималната ќе достигне до 11 степени.

Во следните денови времето ќе биде стабилно и претежно тивко со ниски утрински температури, а дневните ќе бидат во пораст. По одделни котлини ќе има појава на магла и пониска дневна температура особено од средината на работната недела. Во петок кон крајот на денот се очекуваат повремени врнежи од дожд кои ќе продолжат и за време на викендот кога наместа ќе бидат пообилни.

Ова е старт, прв чекор во градењето на инфраструктура за електричната мобилност, што е клучно за поддршка на зелената транзиција и намалување на загадувањето од страна на транспортниот сектор, проблем што е доста актуелен во изминатите неколку години, истакна пратеничката на СДСМ Сања Лукаревска, при образложение на амандманот, со кој треба да се обезбедат 9,2 милиони денари за физибилити студија за развивање изградба на мрежа на станици за полнење на електрични возила на патиштата во Северна Македонија.

Лукаревска нагласи дека само со клучни и добро обмислени чекори ќе може да има борба против загадениот воздух.

Со развиена мрежа на станици за полнење ќе се поттикнат граѓаните и компаниите да преминат на електрични возила, нешто што е пракса во сите високо развиените земји. Физибилити студијата е за современ ефикасен систем за полнење, што ќе придонесе и за енергетска ефикасност и подобрувањена квалитетот на воздухот, како и унапредување на туристичкиот потенцијал на државата, истакна Лукаревска.

Се надевам дека за прв пат ќе направите отстапка и ќе кажете дека овој амандман се прифаќа, бидејќи досега само еден амандман е прифатен и тоа е амандман од власта, нагласи пратеничката на СДСМ Сања Лукаревска.

Очигледно наместо да зборуваме што е потреба за граѓаните, очигледно дебатата е кој обезбедил, што обезбедил, кој што не направил, кој што направил, се со цел да се одбиваат амандманите, истакна пратеникот на СДСМ Јован Митревски, на амандманската расправа за Буџетот на седницата на комисијата за финансирање и буџет.

Митревски нагласи дека го повлекува амандманот со кој треба да се обезбедат шест милиони денари за санација на дивата депонија кај Мауцхер, Охрид, како и наредниот амандман.

Ве повикувам, како колеги пратеници од опозицијата. Досега ниту еден амандман не е прифатен. Ова не се има случено во историјата на Собранието, рече Митрески, додавајќи дека не може ништо од ова што е напишано да не биде прифатено, како што имаше ситуација, минатата недела на тоа што сами од власта си го пишувле во прграмата, сега ќе излезе дека и амандманите што пишувале како опозиција сега не се прифатливи.

Ве повикувам колеги пратеници размислете, до крајот на амандманската расправа да видиме како може како пратеници избрани од граѓаните да промениме ова што е предлог буџет, затоа што на крајот буџетот на државата го носи собранието, порача пратеникот на СДСМ Јован Митревски.