Македонија
Стоилковски: Од утре ќе обелодениме криминален скандал поврзан со Рашковски и поранешниот директор на „Дрисла“

Борбата со високата корупција е нешто што ЕК го посочува со години и е едно од барањата заедно со промени во администрацијата. И тоа борба од аспект на овој непотизам, кронизам, партизација на јавната администрација се барање од ЕК да бидат како реформи. Поентата е да не поставуваат свои партиски ликови на определени места, поентата е да има реформи во администрацијата, да не биде само натрупана со партиски кадри туку навистина да почне да игра улога во подобрување на стандардот на граѓаните и услугите на државата кон сограѓаните“, појасни Наум Стоилковски, портпарол на ВМРО-ДПМНЕ при денешната трибина организирана од ВМРО-ДПМНЕ на тема „Корупцијата на СДСМ, столбот на неуспехот на Македонија“.
Стоилковски додаде дека откако е СДСМ на власт се нема видено никаква реформа ниту борба против високата корупција, напротив таа се повеќе цвета.
„ Љупчо Николовски во една прилика посочи кога на 111-то место падна Македонија, тој посочи дека тоа било само перцепција и дека немало корупција, но така народот мислел и дека така било тоа мерено како низ анкета дека постои корупција. Уште постои, истата постои. Дека било тоа само перцепција и дека не постои корупција го посочи и Иван Џолев, кој што пак после со кршење на закон е оставен како в.д. откога му истече мандатот. При тоа кршеше закон за судија поротник кој што имаше исполнето услови за пензија, но го остави за поротник“, појасни Стоилковски.
Стоилковски посочи дека високата корупција, корупцијата на министерство ја банализираат со тоа дали имало бакшиш, дали некој однел вино или не.
„ Ако 111-тото место, рангирањето според „Транспаренси Интернешнл“ на Македонија не е вистинито зошто сега истите се обидуваат преку медиумски настапи, да фалат раст кој што исто така можеби не постои ако не постои 111-тото место. Значи влегуваме во една манипулација, која што манипулација ја читавме во определени писма испратени од еден од учесниците и носителите на скандалот „Рекет“, белегот и жигот на владеењето на СДСМ во Македонија. Од Владата се испраќани прилози, нарачки, писма, цели текстови што да биде објавено во медиумите и контролата врз медиумите. Оттука кога сме кај корупцијата сега ќе ја искористам оваа прилика, односно оваа трибина да најавам токму еден пример за злоупотреба на законот за јавни набавки, злоупотреба на кризна состојба и договори во четири очи, за еден случај на непотизам, кронизам, протекционизам. Еден скандал за кој што од утре ќе започнам серија на прес конференции со документи поткрепено. А, во случајот со само два договори во четири очи со „Дрисла“ фирма која што инаку во првични рамки не би добила тендерите успева за две години да направи речиси милион евра да повлече од сметката на „Дрисла“, рече Стоилковски.
Стоилковски рече дека зад овие два договори стојат роднински врски помеѓу генерален секретар на Владата, директор на „Дрисла“ и директорот на фирмата.
„Значи сите можни форми на корупција постојат во овој случај, непотизам, кронизам, злоупотреба на јавни набавки, политичка поставеност на службени лица, значи се што е форма на корупција го има во овој случај. Се работи за роднини преку женска линија, на поранешниот генерален секретар Драги Рашковски, се работи за директорот на „Дрисла“ кој што од женска линија се роднини со Драги Рашковски. Се работи за фирма од Струмица која што е тесно поврзана низ годините со фирмата на Заеви и во некоја рака се во роднинска врска со Драги Рашковски, генералниот секретар во Владата. се работи за познатиот Пипералиев, струмичанец кој што е дел од компаниите на Заеви, партнер со Горан Крстев уште од времето на „Глобал“ во Струмица кога Зоран Заев беше градоначалник, таму, а они двајца се дел од еден случај – балкански случај поширок поврзан со марихуана, со бизнисот со марихуана заедно со еден српски партнер“, појасни Стоилковски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Болницата „Козле“ се’ уште без вода – пациентите времено згрижени на други клиники

Поради прекинот во водоснабдувањето на Универзитетската клиника за белодробни заболувања кај децата – Козле, пациентите кои имаат потреба од хоспитализација времено ќе бидат згрижени на Универзитетската клиника за детски болести и на Клиниката за инфективни болести и фебрилни состојби.
Во објектот во Козле ќе продолжат со работа дневната болница и амбулантските прегледи.
Министерството за здравство информира дека ваквата мерка е преземена со цел да се обезбеди континуитет во третманот и грижата за најмладите пациенти. Оттаму додаваат дека состојбата се следи, и веднаш по нормализирање на водоснабдувањето, хоспитализацијата во Козле ќе продолжи непречено.
Клиниката од вчера остана без вода. Во случајот, не станува збор за дефект туку причина е што болницата се наоѓа во висока зона, па нема вода исто како и целата населба Водно.
Македонија
„Ова што и се случува на Македонија е резултат на домашните предавници кои исполнуваат туѓи агенди, меѓу кои и Жерновски“, реагира ВМРО-ДПМНЕ

„Се здружија сите домашни предавници, штом Бугарија доживеа тежок пораз во АФЕТ! Од плакарот на тајните служби прво го извадија Апасиев. Не им успеа! Па следуваше новата наредба од темните ходници во Софија: Жерновски да биде полигонот преку кој ќе ја започнат новата тура на лаги против премиерот и Македонија“, реагираат од ВМРО-ДПМНЕ на ставовите на Андреј Жерновски.
„Жерновски, внукот на бугарскиот кмет Жерноф, во духот на семејната историја се јави – по којзнае кој пат одработува, јавно и сервилно, за истата таа агенда која сака да го избрише ВМРО од историјата, да го релативизира македонскиот идентитет, и да ја направи Македонија заложник на туѓи интереси.
Но, нема да им успее. Македонскиот народ знае кој се бори за него, а кој тргува со туѓи агенди.
А каква само трагедија е тоа што повторно го потценуваат народот. Тие што ја предадоа и ја продадоа државата, сега, со истиот тој ѓон од образ со кој не потпишаа и не понижија, се осмелуваат да зборуваат за пасоши против оној кој денес со сите сили се обидува да го заштити она што тие го уништија.
Воедно, ја користиме оваа прилика да ја информираме јавноста дека бугарската културно-уметничка инсталација во државата, Андреј Жерновски, има сериозна амбиција да стане нов лидер на СДС. Охрабрен од своите спонзори и внатрешен круг кој тоа повеќе и не го крие, го гледаме како секојдневно е активен со „храбри“ статуси и напади, кои потоа со трчање ги пренесуваат неколку познати медиуми.
Кој ќе биде лидер на СДС – нека си решаваат. Но изборот помеѓу сегашниов и Жерновски е трагедија сама по себе. И за државата. И за демократијата“, се додава во реакцијата на ВМРО-ДПМНЕ.
Претходно Андреј Жерновски преку објава на социјалните мрежи побара одговор од премиерот Мицкоски дали аплицирал за бугарско државјанство.
Тој сподели фотографија од бугарски медиум, кој тврди дека Мицкоски барал бугарско државјанство.
Македонија
Ако ги затворите легалните игри на среќа, ќе се игра во подруми – АСОМ со писмо до политичарите

Асоцијацијата на спортски обложувалници на Македонија (АСОМ) ги повика политичките претставници да не го затвораат легалниот сектор на игри на среќа, предупредувајќи дека тоа ќе доведе до раст на криминалот и нелегалното обложување.
Од асоцијацијата посочуваат дека индустријата е строго регулирана, вработува над 10.000 луѓе и редовно плаќа даноци, и ја осудуваат негативната реторика која го оцрнува бизнисот, а за која велат дека е со цел некој политички да профитира пред избори.
АСОМ ја критикува власта, обвинувјќи дека со години избегнува јавна дебата за важниот закон за игри на среќа и што пишува тајни верзии на законот без да вклучи експерти и јавност. Тие нагласуваат дека немаат што да кријат и сакаат јавно да ги соочат аргументите, додека прашуваат дали политичарите имаат нешто да кријат. Истовремено, предупредуваат дека индустријата се користи како заложник за коалициски и предизборни интереси, оставајќи илјадници вработени во неизвесност.
„Дали знаете што ќе се случи кога ќе ја затворите легалната индустрија за игри на среќа? Ќе се случи истото што се случи во Албанија пред неколку години и истото што се случуваше тука пред десетици години – ќе процвета нелегалниот бизнис, играње по подруми. Ќе расте криминалот, ќе се игра небезбедно, а државата ќе трпи огромни загуби. Им се обраќаме директно на албанските политички партии – зошто не го земете искуството на Албанија? Албанија виде дека затворањето на индустријата нанесе огромна штета, порасна криминалот, се играше „на диво“ и на крај ги вратија легалните обложувалници“, велат од АСОМ.
Се додава и дека е крајно лицемерно политичарите да зборуваат дека се борат против легалните приредувачи на игрите на среќа, но истовремено државата самостојно да организира игри на среќа на интернет и самостојно да има интерес да организира видеолотариски игри.
„Секоја власт лицемерно и политички го злоупотребува нашиот легален бизнис сектор само за да направи преземање, а не за да регулира или пак да ги заштити граѓаните“, велат од АСОМ.
АСОМ и компаниите кои ги претставува организацијата уште еднаш цврсто и јасно порачуваат – законот за затворање на легалните игри на среќа не смее да се донесе. Го опишуваат како штетен за граѓаните, за вработените кои ќе изгубат работни места и за безбедноста на играчите. Бараат итна јавна расправа за да се соочат аргументите и конечно да се донесе закон кој ќе биде европски, одржлив и од кој ќе имаат бенефит сите граѓани на оваа држава.
Во спротивно, велат дека се подготвени да одат до крај и со сите расположливи средства да ја бранат нивната легална индустрија од политички напади.