Македонија
Стоилковски: Според нацрт-заклучоците Македонија нема да добие датум во јуни

Портпарлот на ВМРО-ДПМНЕ, Наум Стоилковски на прес-конференција изјави дека Македонија, според нацрт-заклучоците од претстојниот Совет на ЕУ, нема да добие дата за отпочнување на преговори за членство во ЕУ.
Стоилковски рече дека премиерот Зоран Заев прокоцкал уште една година на Македонија.
„Зоран Заев знае дека тој не испорача тоа што од него бараа и Брисел и граѓаните. Не испорача работа, не испорача реформи. Зоран Заев прокоцка цела година на лаги, мактетинг, непотизам, корупција, криминал и на задолжување на државата“, изјави Стоилковски.
Од опозицијата му порачаа на Заев да престане со лагите и со барањето на вина вон себе.
„Собери ја свитата и замини си, веќе никој не ти верува“, рече Стоилковски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Без струја денеска делови од Бутел и Аеродром

Од ЕВН Македонија АД известуваат дека денеска без електрична енергија ќе останат:
– во периодот од 08.20 до 12.30 часот, дел од корисниците од ул. 1 во населба Радишани. (општина Бутел)
– во периодот од 09.00 до 12.00 часот, корисниците од ул. Горно Лисиче лоцирани на потегот од Маг Комерц, А-М Стил, Феромонт Инжинеринг кон село Долно Лисиче. (општина Аеродром)
Македонија
Дел од Аеродром денеска без вода

Од ЈП Водовод и Канализација известуваат дека денеска поради уличен дефект на 3-та Македонска Бригада бб, прекинато водоснабдување ќе имаат објектите на Вива, Метро, Центро, Спорт М и Форд, општина Аеродром.
Водоснабдувањето ќе биде прекинато од 08:00 часот до завршување со санација на дефектот.
Македонија
Променливо облачно со повремен локален дожд

Времето денеска ќе биде променливо облачно со повремени локални врнежи од дожд. Ќе дува умерен до засилен ветер претежно од северен правец (локално над 60 km/h). Минималната температура ќе биде во интервал од 4 до 9, а максималната ќе достигне од 7 до 13 степени.
Во Скопје, променливо облачно со повремен локален дожд. Ќе дува умерен, во делови од котлината повремено засилен ветер од северен правец. Минималната температура ќе се спушти до 9, а максималната ќе достигне до 12 степени.
Времето во наредните денови
До среда ќе се задржи претежно облачно време со повремени локални врнежи од дожд и студени утра. Ќе дува умерен до засилен, а долж Повардарието повремено силен ветер од северозападен правец. Потоа следи период на стабилно и суво со постепен пораст на дневната температура.