Македонија
Стоилковски: Укинувањето на КАТО-системот и креирањето системска мрежа за криминал со смртни последици е овозможено со силна партиска политичка поддршка
„Ова е фотографија на Нино Васев, директорот на Онкологија, кој го укинува КАТО-системот и го враќа рачното дозирање цитостатици и терапии. На оваа фотографија јасно се гледа дека е во штабот на СДС во Бутел, каде што веројатно нема медицински симпозиум, туку Васев учествува во партиска индоктринација или партиска акција“, вели Наум Стоилковски, портпарол на ВМРО-ДПМНЕ.
„Следната фотографија е на Нухи, директор на Онкологија, кој признава дека со лажни документи си го лекувал семејството на Онкологија. Фотографиран е во штабот на ДУИ, го држи во цврста прегратка Али Ахмети, веројатно благодарен за позицијата на Онкологија.
Почитувани, ова се само две од низата фотографии на директори од Онкологија во партиски штабови и активности додека трае грозоморието со пациентите. Најмалку две години се укажува на постоење злосторничко здружување за крадење цитостатици и други скапи лекови од пациенти на Онкологија, најмалку две години државата молкум го дозволува тоа!“, изјави Наум Стоилковски, портпарол на ВМРО-ДПМНЕ.
„Прво, укинувањето на КАТО-системот, а потоа и креирањето системска мрежа за криминал со смртни последици, е овозможено со силна партиска политичка поддршка! Поинаку не може. Изговорено или премолчено, СДС, ДУИ, нивните сателити во криминалот, сите се одговорни за грозоморието.
Отворено се сомневаме на можноста за влијание во истрагата и процесот, како и многупати досега.
Оставка на Владата е предуслов за вистинска истрага за висок криминал со смртни последици. Сè друго е скривање на вистината и изигрување на правдата со обвинување на некој нов кабел. Се краде од буџетот, се краде од клиниките, се краде од пациентите, се бара мито, се продава на црни пазари… Ова е сè, само не здравство, ова е сè, само не Влада! Само избори се спасот!“, додаде на денешната прес-конференција Наум Стоилковски, портпарол на ВМРО-ДПМНЕ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Мојсоска: Кој не ги виде машините во изворот што ја снабдува Струга со вода?
Кои институции ’не го виделе’ копањето и машините во самиот извор кој ја снабдува цела општина Струга со вода, прашува пратеничката од Левица, Јована Мојсоска преку социјалните мрежи, посочувајќи дека според член 100 од Закон за минерални суровини јасно е утврдено кој е одговорен за надзорот над експлоатацијата на минерални суровини.
Во објавата таа ги посочува Државениот инспекторат при Министерство за животна средина и просторно планирање, инспекциските служби во Министерство за енергетика, рударство и минерални суровини и ОЈО Струга.
„Ниту обвинителите во Струга, ниту МВР ’не знаеле’ и ’не виделе’ дека машини се поставени во самите извори, во населено место и дека копаат без концесија/ со истечена концесија (според официјалните информации од ОЈО Струга). Улогата на обвинителството и МВР е превентивна (а не откако ќе се случи екоцид) – ама вработувањето на клатоглавци го зема својот данок“, пишува Мојсоска.
Дополнително Мојсоска поставува прашање во врска со постапувањето на терен. Таа посочува дека ОЈО Струга официјално известило дека „додека на терен собирале докази, ги затекнале машините на двете фирми кои вршеле кршење, ископ и транспорт на карпи во поголем обем во непосредна близина на изворите”. Во таа насока прашува зошто не се одземени машините од фирмите со кои се фатени во вршење кривично дело, како што предвидува член 100 од Закон за минерални суровини.
Македонија
Кривична против поранешен директор на Здравствен дом Куманово: ангажирал 68 лица со договор на дело, на кои незаконски им исплатил над 350 илјади евра
СВР Куманово поднесе кривична пријава против 43-годишниот Ф.А. од Куманово поради постоење основи на сомнение за сторено кривично дело „злоупотреба на службената положба и овластување“.
Пријавениот, во периодот од 2020 до 2024 година, откако бил поставен како вршител на должност директор, а потоа именуван за директор на Јавна здравствена установа Здравствен дом Куманово, склучувал незаконски договори на дело и вработувал лица во установата, без претходно да добие одобрение од Министерството за здравство и без да обезбеди согласност за обезбедени финансиски средства од Министерство за финансии.
На тој начин тој постапил спротивно од одредбите од Законот за работни односи и Законот за трансформација во редовен работен однос. Притоа, во истиот временски период ангажирал 68 лица со договор на дело, на кои незаконски им исплатил плати во вкупен износ од 21.744.788 денари или 353.573 евра на штета на буџетот на Здравствен дом Куманово.
Македонија
„Страв во Мала Речица“ – ВЛЕН прашува кој ќе оди курбан со Груби
Дали Артан Груби ќе му го зададе фаталниот удар на Али Ахмети и ДУИ, прашува ВЛЕН во првата реакција по апсењето на екс-вицепремиерот и еден од првите луѓе на ДУИ, Артан Груби.
„Црната кутија за владеењето на ДУИ конечно се предаде. Артан Груби е учесник и извршител на сите матни зделки на ДУИ. Затоа, Мала Речица се тресе од страв за тоа што не знаат за што се е подготвен да прозбори Артан. Откако катастрофално изгуби ДУИ на локалните избори и паднаа во вода сите лажни ветувања на Ахмети за предвремени избори и наводен влез во Влада, на Артан не му останува ништо друго освен да се соочи со сопствените гревови. Но кој се ќе оди курбан заедно со него допрва ќе видиме“, се вели во реакцијата.

