Македонија
Стојаноска: Граѓаните најдобро знаат кој доби, а кој изгуби поради случувањата од 27 април

И по 4 години, не е расчистен случајот и неправедно осудени граѓани лежат со големи казни во македонските затвори, изјави Дафина Стојаноска, пратнеик на ВМРО-ДПМНЕ.
„Сведоци сме дека веќе постои пракса на повторување на судски постапки врз база на изјави, затоа посакуваме и повикуваме на расчистување и на овој случај, односно да се добие можност за повторно и овој пат се надеваме на правично судење. И еден изминат час или ден поминат во затворска келија на неправедно осудени луѓе им е како година“, рече Стојаноска.
Таа нагласи дека како пратеничка група на ВМРО-ДПМНЕ и коалицијата секогаш осудувале и ќе осудуваат секаков вид насилство, па повикуваат вакви настани никогаш повеќе да не се случат и повторат. Тие исто така повикуваат во Македонија, конечно, да почнат да владеат правото и правдата.
Граѓаните најдобро знаат и следат кој доби, а кој изгуби поради случувањата од 27 април, порача Стојаноска.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Без струја дел од Аеродром

Од ЕВН Македонија АД известуваат дека денеска без електрична енергија ќе останат:
– во периодот од 09.00 до 14.00 часот, дел од корисниците од улиците Пандил Шишков, Вангел Тодоровски и Руди Чаевец, општина Аеродром.
Македонија
Дел од Карпош денеска без вода

Од ЈП Водовод и Канализација известуваат дека денеска поради дефект во шахта на улицата Шекспирова бб (во близина на Тинекс маркет), општина Карпош, прекинато водоснабдување ќе имаат корисниците од истата улица.
Водоснабдувањето ќе биде прекинато од 09:00 часот до завршување со санација на дефектот.
Македонија
Сончево со мала до умерена облачност, температурата до 37 степени

Времето денеска ќе биде сончево со мала до умерена локална облачност. Ќе дува слаб ветер од променлив правец.
Минималната температура ќе биде во интервал од 9 до 20, а максималната ќе достигне од 28 до 37 степени.
Во Скопје, сончево со мала до умерена облачност и со слаб ветер од променлив правец.
Минималната температура ќе се спушти до 15, а максималната ќе достигне до 34 степени.
Времето во наредните денови
Во среда и четврток ќе биде променливо облачно, наместа нестабилно со пороен дожд и грмежи, локално во форма на невреме. Потоа следи стабилизирање на времето.