Македонија
Стојаноска: „Доста е од резил-Стево, на 8 мај, усвет нека фати“
![](https://makfax.com.mk/wp-content/uploads/2024/04/dafina-stojanoska.jpg)
„Стево Пендаровски ништо не стори за младите, ништо не стори за возрасните. Не реагираше пред ниеден скандал и криминал, и не изрезили секаде кај што се појави, а и таму каде што не се појави. Ќе го запаметиме како најнемиот претседател и како претседател кој ниту еден ден не беше наш, беше од Бојко, беше од мафијашите во Владата, ама наш – никогаш не беше! Доста е од резил-Стево! Затоа, на 24-ти април да му ги собуеме чевлите, а на 8-ми мај, усвет нека фати“, порача Дафина Стојаноска, носител на изборна единица 6 во Гостивар во рамките на претседателската кампања.
Стојаноска во текот на своето обраќање се осврна на професорката Гордана Силјановска Давкова каде истакна дека професорката Силјановска Давкова е изборот на народот.
-Вие сте избор на народот. Вие сте новата Македонија горда, исправена и достоинствена. Вие сте се за што претседателот Мицкоски зборува изминативе 7 години. Вие сте знаење, мудрост, искуство, сигурност, аргументираност, љубов, топлина, сочувство, емпатија, грижа, посветеност, гордост, рече Стојаноска.
Стојаноска истакна дека ВМРО-ДПМНЕ го обелоденува криминалот на раководните лица на ДУИ и доколку тој продолжи по 8 ми мај Македонија и граѓаните ги чекаат уште полоши времиња.
-Ние го обелоденуваме криминалот на раководните лица во ДУИ кој е една од причините што, посебно во нашиот регион, има масовно иселување на чесен, работлив народ, без разлика на неговата припадност. Доколку ова продолжи после 8-ми мај, верувајте дека не чекаат уште полоши времиња. Тие криминалци само се кријат позади гола политичка реторика и националшовинизам. Тие, заедно со СДСМ, синхронизирано немилосрдно пљачкаа, распродаваа и уништуваа. Тие изминативе 6 и пол години беа најголемата елементарна непогода. Мора да се стави крај на ова! Затоа велам: Ние не сме против никого! Ние сакаме да владее законот и да се врати редот во општеството. Сакаме мирен живот и соживот, вели таа.
Стојаноска дополни дека ВМРО-ДПМНЕ по големиот изборен резултат ќе понуди коалиција со сите кои ќе се обединат против криминалот.
-ВМРО-ДПМНЕ, после големиот изборен резултат, ќе понуди коалиција со сите кои со нас ќе се обединат против криминалот и корупцијата. Таквиот сојуз може да го одбијат само оние кои сториле криминал и кои се плашат од одговорноста заради тоа. Единствено за што ВМРО-ДПМНЕ нема капацитет, тоа е коалиција со криминалци. И, ако некои партии тука се пронаоѓаат, тогаш проблемот е кај нив, а не кај нас. Најбитно е што народот е на наша страна и што од нас бара борба со криминалот, кажа Стојаноска.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
ВМРО-ДПМНЕ: Партијата на гробарите на Македонија, тандемот и браќата по корупција – Зоран Заев и Венко Филипче, наместо да се скрие, крева галама за нешто што е одмината работа
![](https://makfax.com.mk/wp-content/uploads/2023/01/VMRO-DPMNE-sedishte.jpg)
Партијата на гробарите на Македонија тандемот и браќата по корупција Зоран Заев и Венко Филипче наместо да се сокрие, некако крева галама за нешто што е одмината работа и кое имаа 7 години време да го анализираат како власт, велат од ВМРО-ДПМНЕ.
„Ако мислат дека се уште им проаѓаат таквите трикови и дека народот ги заборави кои се, се излажале. Тоа се истите кои:
1. Бараа провизија на вакцини;
2. Крадеа на цитостатици;
3. Испумпуваа милиони од РЕК;
4. Кои наместо цврста градба градеа модуларни болници од кои една се запали и изгоре и во смрт однесе 14 луѓе кои живи изгореа;
5. 7 години не направија километар пат;
6. Го зголемија долгот на државата скоро двојно, а ништо не направија како проект или дело.
Списокот е долг, а причините поради кои СДС е тешка опозиција им се јасни во таа партија, а особено на Филипче“, соопштуваат од ВМРО-ДПМНЕ и додаваат:
„Наместо да коментираат колку да се коментира, нека се позанимаваат со тоа дали на следни избори ќе имаат гласачи за еден пратеник, зошто Филипче им стана претседател со 9.000 гласа од цела Македонија, нешто што дава индикации дека на парламентарните избори 2028 година нема да може да биде изберен ниту за пратеник“.
Македонија
Сиљановска-Давкова со честитка до Бајден по повод Денот на независноста: Ние се гордееме на традиционалното пријателство со американскиот народ
![](https://makfax.com.mk/wp-content/uploads/2024/05/siljanovska-davkova-1.jpg)
Претседателката Гордана Сиљановска-Давкова, по повод Денот на независноста на Соединетите Американски Држави, упати честитка до претседателот на САД, Џо Бајден.
„Овој 4 Јули американските граѓани ја прославуваат 248-годишнината од усвојувањето на декларацијата за независност и ги слават принципите на слобода и на еднаквост, кои се вградени во овој документ, што претставува инспирација за многу народи во светот. Стремежот на татковците на американската нација да формираат влада, која го застапува и ја црпи својата моќ од народот, е еднакво валиден до ден-денешен и за многу други народи и концепти на управување, вклучувајќи го и македонскиот. Споделувајќи и негувајќи ги овие вредности, ние се гордееме на традиционалното пријателство со американскиот народ и сме посветени на неговото натамошно зацврстување, како и на унапредување на соработката во сите сфери од заемен интерес.
Како стабилен партнер и докажан сојузник на Соединетите Американски Држави во НАТО, остануваме фокусирани на заедничките определби за безбедност, слобода и демократски просперитет со учество во заедничките активности во борбата против заканите врз стабилноста и мирот во Европа и во светот“, пишува Сиљановска-Давкова во писмото до Бајден.
„Ја користам оваа пригода да се заблагодарам за поддршката од страна на Соединетите Американски Држави во спроведувањето на нашите реформски процеси нагласувајќи дека ќе продолжиме посветено да работиме на нивната реализација. Нашата крајна цел е унапредување на благосостојбата на македонските граѓани, полноправно членство во ЕУ, а со тоа и подигнување на нашиот статус и зголемување на нашата сила како сојузник во НАТО.
Повторувајќи ги моите срдечни честитки и надежта дека цврстите врски помеѓу нашите две земји и пријателски народи ќе продолжат да јакнат и во иднина, Ве молам, господине претседателе, да ги примите изразите на моето највисоко почитување“, додава претседателката.
Македонија
120.000 Македонци имаат бугарско државјанство, со документирано бугарско потекло, тврди Радев
![](https://makfax.com.mk/wp-content/uploads/2021/05/11-radev.jpg)
Претседателот на Бугарија Румен Радев на работна средба со грчкиот премиер Киријакос Мицотакис во Атина, разговарале за итно интензивирање на работата на стратешките билатерални планови, но и за проблемите со Република Северна Македонија по доаѓањето на новата власт.
„За жал, државното раководство на Северна Македонија очигледно не е подготвено за функцијата. Неопходно е да се знае меѓународното право. Откако ќе се потпише меѓународен договор, тој мора да биде имплементиран од сите наредни влади, а не да се ревидира“, рече Радев и додаде:
„Неопходно е и познавање на статистиката, бидејќи сега 120.000 Македонци имаат бугарско државјанство, со документирано бугарско потекло“.
Радев на брифинг со новинарите објасни дека важен стратешки проект за Грција и Албанија е терминалот за течен природен гас во Александруполи, кој треба да биде пуштен во употреба најдоцна до октомври.
– Терминалот сè уште има технички проблеми, кои се решаваат. Во проектот учествува Бугарија, која има стекнато 20 отсто од него – потсети Радев.