Македонија
Сугарески: Го решаваме најголемиот проблем на жителите на општина Ѓорче Петров

„Жителите на Волково, Стопански Двор и Кисела Јабука добиваат нова канализациска мрежа и асфалтирани улици. Инвестираме над 500 илјади евра во комуналната и 700 илјади евра во локалната патна инфраструктура во општината, со што го решаваме најголемиот проблем на локалното население“, изјави министерот за транспорт и врски, Горан Сугарески, при денешната работна посета на општина Ѓорче Петров.
Сугарески, заедно со градоначалникот Александар Наумоски, изврши увид во втората фаза од изградбата на канализацискиот систем во општина Ѓорче Петров.
Проектот е со вредност од речиси 500 илјади евра и опфаќа изградба на дополнителни 7 километри канализација во Волково, Волково-Пржина, Кисела Јабука и Стопански Двор, а се очекува да биде завршен до крајот на јули.
„Последниве 3 години интензивно работиме со цел што повеќе да ја покриеме територијата на земјата со комунална мрежа и досега тоа успешно го реализираме. Само во моментот преку Министерство за транспорт и врски се работи на над 20 проекти за изградба и реконструкција на водоводи и канализации во вредност од десетина милиони евра, меѓу кои и втората фаза од изградбата на канализација во повеќе населени места во општина Ѓорче Петров. Претходно, во првата фаза изградивме 20 километри канализација, а покрај тоа се асфалтираа 33 улици во Волково, Стопански Двор и Кисела Јабука, со што значително го подобруваме животот на жителите. Дополнително, преку Министерството за транспорт и врски обезбедивме приближно 700 илјади евра, со кои ќе асфалтираме уште 4 улици во овој дел од општината. Она што сакам да го истакнам е дека реализацијата на капиталните инвестиции во секторот транспорт е на високо ниво и ги правиме најголемите инвестиции во инфраструктурата досега инвестирајќи над 1 милијарда евра во капитални проекти од огромно значење за граѓаните, стопанството и економијата во целост. Исто така, работиме на многу нови проекти, особено во патната и комуналната инфраструктура, во текот на следниот месец ќе објавиме десетина нови тендери за реконструкција и изградба на нови патишта, континуирано подготвуваме проекти за изградба на канализации и водоводи, така што очекуваме економијата и градежништвото да бележат раст и полека да излегуваме од оваа криза што ги погоди речиси сите сектори во државата“, изјави министерот за транспорт и врски, Горан Сугарески.
Градоначалникот на општина Ѓорче Петров, Александар Наумоски, истакна дека со проектот за изградба на канализација во руралните делови на општината септичките јами се ставаат надвор од употреба, со што се заштитуваат артериските бунари во сливот на реката Лепенец.
„Жално е што во 21 век мораме да зборуваме за изградба на фекална канализација, но уште потрагично е што 12 години претходно никој не ставил акцент на основните потреби на граѓанинот. За 2 години, Општината заедно со државата изгради фекална канализација во должина од 26 километри во руралниот и урбаниот дел. За довршување на целосната покриеност со фекална канализација на селото Волково, во должина од 13 километри, Општината веќе има изработено проектна документација и се надевам дека проектот ќе се реализира во текот на идната година со владина поддршка. Сакам да истакнам дека никогаш претходно во Ѓорче не се градело колку што се гради сега. Во моментот имаме 5 капитални проекти, меѓу кои градинка и спортска сала во Волково, базен во Ѓорче Петров, корзото е веќе во завршна фаза, а речиси го финишираме и јавното осветление, со кое можеме да се пофалиме дека е најмодерно и најефикасно осветление во главниот град и пошироко“, изјави градоначалникот Александар Наумоски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Меџити: Буџетот на Чаир, Бујар би го потрошил за една недела, државниот ревизор му ги извади валканите алишта на виделина

Кандидатот за градоначалник на Чаир од коалицијата „Вреди“, Изет Меџити, денеска реагираше на начинот на кој поранешниот министер Бујар Османи ги менаџирал јавните пари, предупредувајќи дека злоупотребите и вештачки надуените цени во тендерите се директна опасност за секоја институција и за буџетот на граѓаните.
„Ако само замислиме дека со вакви цени, со вакви рекетирања, Бујар ќе ја косеше тревата во Чаир исто како во салата ‘Борис Трајковски’, тогаш е јасно дека буџетот на општината ќе се проголта за една недела. Со таков начин на лошо менаџирање, наставниците ќе останеа без плати, а граѓаните без основни услуги“, изјави Меџити.
Тој се повика на последниот извештај на Државниот завод за ревизија, кој како што оцени, констатирал сериозни злоупотреби при организацијата на дводневен самит, за кој биле потрошени околу два милиони евра државни пари.
„Овде не станува збор за мои зборови или политички обвинувања. Овде зборуваат фактите, документите и официјалните извештаи. А кога еден министер троши два милиони евра за дводневен самит, додека граѓаните се мачат со инфраструктура, образование и основни услови, тоа е непростливо“, нагласи Меџити.
Тој потсети и на времето кога Османи беше министер за здравство, споменувајќи дека во Гинеколошката болница во Чаир тогаш добил прекар „пациентот“ – што според него е симболичен показател за неуспешното раководење со институциите.
Меџити кој денес оствари посета на ОУ “Васил Главинов” порача дека Чаир заслужува транспарентно управување, реални инвестиции и грижа за граѓаните, а не злоупотреби и тендери со рекетирање.
„Граѓаните имаат право да знаат каде завршуваат нивните пари. Моја обврска како иден градоначалник е да ја вратам довербата и да го заштитам буџетот на Чаир од вакви злоупотреби“, заклучи тој.
Македонија
На Табановце се чека околу 30 минути

Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е зголемен, поради летните одмори се бележи зголемена фрекфенција на возила, на ГП Табановце времето на чекање за излез од државата е околу 30 минути, додека на останатите граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Утре ќе се прска против комарци во Скопје

Од Градот Скопје известуваат дека утре (петок), во раните утрински часови ќе се изврши авионска дезинсекција на подрачјето на градот Скопје против ларви од комарци.
Доколку временските услови не го дозволуваат вршењето на дезинсекцијата, ќе се прска првиот нареден ден, кога ќе бидат поволни временските услови, во истиот термин.
Се известуваат пчеларите навреме да ги преземат потребните мерки за заштита на пчелите.