Македонија
„Судскиот совет не е приватен дуќан на кадрите на Заев и Груби – разрешените членови мора да заминат“, велат од ВМРО-ДПМНЕ

„ВМРО-ДПМНЕ најостро реагира на обидите на разрешените членови на Судскиот совет да ја узурпираат институцијата, спротивно на волјата на Собранието и јавноста. Ова не е само правен проблем – ова е директен судир помеѓу граѓаните кои бараат правда и малата група поранешни функционери кои очајнички се обидуваат да го зачуваат своето влијание“, велат од ВМРО-ДПМНЕ.
„Недовербата што Собранието ја изгласа мора да се почитува. Судскиот совет не смее да биде приватен клуб за заштита на луѓето што ја уништија правдата и институциите во Македонија.
Нема да дозволиме правниот систем да биде блокиран поради политички калкулации. Разрешените членови мора веднаш да се повлечат и да ја почитуваат одлуката на највисокото законодавно тело во државата.
Владеењето на правото мора да биде водечка сила во општеството!
Досегашната практика на партиско контролирање на судството од страна на поранешната власт мора да заврши, а судските институции конечно да работат во интерес на граѓаните.
Ги повикуваме сите надлежни институции да постапат согласно Уставот и законите! Судскиот совет мора да биде независен, кредибилен и ослободен од политички влијанија. Ова е момент кога треба да покажеме дека правдата е возможна и дека институциите ќе работат во служба на народот.
ВМРО-ДПМНЕ останува посветено на реформите во правниот систем и на обезбедување вистинска правда за сите граѓани“, соопштуваат од ВМРО-ДПМНЕ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
(Видео) Израелската војска упадна на бродовите што пловат кон Газа, уапсена е Грета Тунберг

Израелските сили се качија на неколку бродови од флотилата „Глобал Сумуд“ и ги превезоа активистите во израелско пристаниште, разбивајќи протест против блокадата на палестинската територија од страна на Израел.
Грета Тунберг е видена како седи на палубата опкружена со војници, на снимка од израелското Министерство за надворешни работи и потврдена од „Ројтерс“. Шведската активистка за климатски промени е најистакнатиот патник на пропалестинската флотила.
Already several vessels of the Hamas-Sumud flotilla have been safely stopped and their passengers are being transferred to an Israeli port.
Greta and her friends are safe and healthy. pic.twitter.com/PA1ezier9s— Israel Foreign Ministry (@IsraelMFA) October 1, 2025
„Израелските војници пресретнаа меѓународна флотила која се обидуваше да достави лекови и храна во Појасот Газа. Тие се качија на бродовите кои се приближуваа кон енклавата“, соопштија организаторите на мисијата.
Флотилата, составена од повеќе од 40 цивилни бродови, носи околу 500 пратеници, адвокати и активисти, имаше план да ја пробие израелската блокада на Газа. Израелците ја започнаа операцијата кога флотилата беше на околу 90 наутички милји од енклавата. Досега се пресретнати најмалку шест брода. Објавени се снимки од бродовите „Флорида“ и „Ол Ин“, на кои се качија израелски војници. Сите членови на екипажот се однесени на копно.
„Преносите во живо од бродовите и комуникациите се прекинати. Статусот на учесниците и екипажот останува непознат. Ова е нелегален напад врз невооружени хуманитарни работници. Ги повикуваме владите и меѓународните институции да побараат нивна итна безбедност и ослободување“, објави флотилата на Инстаграм.
Флотилата за помош во Газа соопшти дека десетици нејзини бродови сè уште „пловат енергично“ кон палестинската територија и покрај тоа што биле пресретнати од израелските поморски сили.
“The last moments before we lost contact with our comrades aboard the Dutch boat Mohammed Bhar, sailing to Gaza on a humanitarian mission with the Al-Sumud Convoy to break the brutal blockade.” pic.twitter.com/S2h60huKZY
— Global Sumud Flotilla Commentary (@GlobalSumudF) October 2, 2025
The Global Sumud Flotilla boats Florida and All In have been seized by occupation forces, with all crew members taken. pic.twitter.com/bJ2rtVbiOK
— Global Sumud Flotilla Commentary (@GlobalSumudF) October 2, 2025
Флотилата Глобал Сумуд соопшти дека повеќето од нејзините бродови продолжиле да пловат кон брегот на Појасот Газа во раните утрински часови во четврток, и покрај прекините.
Македонија
Без струја делови од Карпош и Аеродром

Од ЕВН Македонија АД известуваат дека денеска без електрична енергија ќе останат делови од Карпош и Аеродром.
Во периодот од 06.00 до 16.00 часот, бес струја ќе останат дел од корисниците лоцирани кај викенд населбата во Бардовци. (општина Карпош), а во периодот од 08.00 до 15.00 часот, корисниците од село Долно Лисиче лоцирани на потегот од Чатал кон Јурумлери. (општина Аеродром).
Македонија
Поради протест, денеска и утре ќе биде блокиран булеварот Илинден

Независниот синдикат при ЈП „Паркови и зеленило“ – Скопје најави протест поради неисполнети обврски кон вработените.
Во соопштението до јавноста, синдикатот информира дека протестот ќе се одржи денеска и утре во период од 09:30 до 11:00 часот, при што ќе биде блокиран просторот кај семафорот на раскрсницата на бул. „Илинденска“ со ул. „Никола Тесла“. Протестот ќе заврши пред дирекцијата на ЈП „Паркови и зеленило“.
Синдикатот наведува дека протестот се организира согласно законските прописи и колективниот договор, со кој се утврдени правата на вработените за плата, регрес, јубилејни награди, новогодишен додаток и отпремнини.
Барањата на синдикатот се: исплата на платата за август за фирмите „Флораком ДООЕЛ“ и „Луна ДООЕЛ“, исплата на К-15, јубилејна награда, новогодишен додаток, отпремнина за работниците со престанат работен однос.