Македонија
„СФЕРА Македонија“ со донација за посебните паралелки во ОУ „Ѓорѓи Сугарев“ – Битола

„СФЕРА Македонија“ како дел од проектот „Граѓаните се обединети“ од програмата „Европско граѓанство“, добиен од ЕУ, направи донација од 9 нови врати за паралелките со посебни потреби во ОУ „Ѓорѓи Сугарев“ од Битола. Донацијата комплетно ги заменети старите дотраени врати со нови медијапански.
„Тој проект има една цел за соединување и здружување на сите млади деца од маргинализираните групи, деца со посебни потреби и деца од мигранти што ги имаме во сите држави од ЕУ и плус државите Македонија и Турција, кои се надвор од ЕУ. Денес, во ОУ „Ѓорѓи Сугарев“ донираме девет врати за паралелките со посебни потреби, каде што ќе може да ги користат во секојдневна употреба. Ова е прв дел од проектот, а потоа следува едукација и интеграција во мултиетничките заедници што ги имаме во нашиот град“, рече Милчо Дули, претседател на здужението „СФЕРА Македонија“.
Во учебната 2017/2018 година во ОУ „Ѓорѓи Сугарев“ наставата ја следат 611 ученици во редовните паралелки и 40 ученици во посебните паралелки. Наставата во посебните паралелки ја изведуваат 11 дефектолози и еден логопед.
„Со цел изведување квалитетна настава потребно е да се овозможи здрава и безбедна средина каде што ќе престојуваат учениците и каде што ќе учат. Од тие причини ние, покрај соработката со Министерството за образование, Бирото за развој на науките и локаната самоуправа градиме соработка со граѓанските здруженија. Голема благодарност до СФЕРА, која ни ги донира овие врати“, рече Валентина Стојкоска, директор на ОУ „Ѓорѓи Сугарев“. Со цел продлабочување на соработката и развој на училиштето директорката ги повика сите граѓански здруженија активно да се вклучат во работењето на училиштето, да достават и свои програми што тие како училиште ќе ги вклучат во годишната програма за настава.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Пронајдени двете девојки од Португалија кои се изгубија во реонот на Водно – Матка

Денес околу 17.00 часот од страна на Центарот за управување со кризи бевме известени за две изгубени туристки во реонот од врвот на Водно кон Матка, извести директорот на ДЗС, Стојанче Ангелов.
Како што информираше Ангелов, Дирекцијата за заштита и спасување итно извршила мобилизација на тимот за спасување на планина од Тетово и истиот веднаш бил упатен во пребарување на теренот.
Во 18.40 двете девојки од Португалија беа пронајдени и однесени до ресторанот Матка каде ги пречека Конзулот на Република Португалија, додава Ангелов.
Македонија
Дел од Ѓорче Петров утре без струја

Од ЕВН Македонија АД известуваат дека утре без електрична енергија ќе останат:
– во периодот од 09.00 до 15.00 часот, корисниците од улиците Веле Марков, Ибе Паликуќа, Воин Драшковиќ, Рафаел Батино. (општина Ѓорче Петров)
Македонија
Меџити прими жители од Страчинце: Анализите на експертите јасно покажаа дека отворањето на каменоломот ќе има сериозни последици врз животната средина

Првиот заменик-претседател на Владата и министер за животна средина и просторно планирање, Изет Меџити, денес ги прими во својот кабинет жителите од селото Страчинце, со кои одржа отворен состанок за одлуката за одбивање на барањето за отворање на каменолом во оваа скопско село.
Министерот Меџити ги информираше жителите за професионалните и институционалните причини што доведоа до оваа одлука. Анализите на експертите јасно покажаа дека отворањето на каменоломот ќе има сериозни последици врз животната средина, ризик од поплави и негативно влијание врз јавното здравје, велат од Министерството.
На состанокот беше истакнато дека приоритет е заштитата на животот и благосостојбата на граѓаните над секој економски интерес.
Меџити истакна дека следниот чекор е конечно поништување на концесијата во Влада, со што ова прашање ќе добие трајно решение.
Жителите на Страчинце се заблагодарија за одлуката и за приемот што го оствари министерот Меџити, нагласувајќи дека овој состанок е пример за владеење со отворен дијалог и чесна соработка со граѓаните.