Македонија
СЈО отвори четири нови случаи „Табла“, „Триста“, „Тотал“ и „Тифани“

Специјалното јавно обвинителство во четврток објави дека отвора четири нови истраги против четири лица и тоа директор на училиште, помошник министер во Министерствтото за внатрешни работи и двајца управители на повеќе фирми.
Обвинителката Катица Јанева, на прес-конференција рече дека Управата за јавни приходи и Министерството за финансии дозволиле поединци и други министерства да работат спротивно на законите, овозможувајќи одредени физички и правни лица да се стекнат со имотна корист затајувајќи даноци и вршејќи јавни набавки незаконито и со повластување.
Најави дека на тој начин се перени пари во Буџетот, а парите завршувале во џебови на функционери од власта. „Ова е почеток, а понатаму ќе се прошируваат за нови кривични дела од нови физички и правни лица“, рече Јанева, која нагласи дека за вакви комплексни потребен е подолг период за покренување обвиненија.
Во првиот случај под назив „Табла“ осомничен е директор на училиште „Реџо Нушиќ“, во село Зајас кој овозможил имотна корист за едно право лице. Осомничениот со фирмата „Баукос“ склучил договор за изградба на училиште во село Горно Стоговиште, кичевско во вредност од 12.346.394 денари, при што не ги следел законски правилата за извршената јавна набавка.
Во вториот случај „Триста“ помошник министер во МВР ја злоупотребил положбата при јавна набавка на 300 возила при што го оштетил Буџетот за 27.894.555 денари или 453.570 евра. Со незаконски договори со фирмите „Порше“, „Ка-Дис“, „Бохемија Ројлс Ројс“, „Авто куќа“, „Ауто Македонија“, прибавил противправна имотна корист за наведените фирми.
Како што наведе обвинителката Фатиме Фетаи, доколку договори за набавка и одржување на возила биле склучени со прворангираните фирми кои учествувале на конкурсот за јавна набавка, според објавените критериуми, Буџетот ќе бил пополн за 453.570 евра.
Во третиот случај наречен „Тотал“ се работи за едно продолжено кривично дело даночно затајување, при што осомничено е физичко лице управите на Тотал маркетинг ДООЕЛ Скопје, Медија макс, Тотал Медија центар. Осомничениот давал лажни податоци во завршните сметки и даночните пријави при што преку правните лица затаил данок во износ од 7.466.981 денар 121.414 евра, а лично физичкото лице затаило 3.876.471 денар или 63.032 евра. Тоа што го набавувал за себе преку правните лица го покривал. Фетаи рече дека во друштвата немало вработени освен еден вработен од 2014 и друг од 2015 година.
Четвртиот случај е наречен „Тифани“ исто така продолжено кривично дело што траело од 2008 до 2014 година каде физичко лице управителка на Друштво за консалтинг Смарт ДООЕЛ и Смарт груп ДООЕЛ Скопје, која исто како претходниот управител за даночните 2008 -2014 година одбегнала даноци, а во завршните сметки давала лажни податоци, при што одбегнала да плати 2.314.463 денари или 37.634 евра преку фирмите и 1.040.840 денари или 16.924 евра личен данок.
Како што рече Фетаи таа преку фирмите набавувала долна облека во вредност од 500 евра, здолништа, ташни, ремени, очила, шминки, точаци, сигурносни врати и друго.
Обвинителката Ленче Ристовска појасни дека за ниту едно од осомничените лица не се бараат мерки за обезбедување присуство./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Герасимовски: Го обновуваме паркингот на „Петар Поп Арсов“, обезбедуваме повеќе ред и подобри услови

Службите на општина Центар интензивно работат на обновување на паркинг просторот на улицата „Петар Поп Арсов“, лоциран зад Вучко.
Во тек е асфалтирање и уредување на паркингот со површина од 550 метри квадратни. По завршувањето на градежните работи, следува обележување на паркинг- местата, по што просторот ќе биде целосно функционален и подготвен за користење, извести Општината.
Реновирањето на паркингот се изведува на барање на жителите во рамки на караванот „Се гледаме во маало”, кои се соочуваат со хаотичната состојба при паркирањето и недостиг на паркинг-места, велат од Општината.
„Со уредувањето и обележувањето на овој паркинг-простор им излегуваме во пресрет на потребите на центарци, овозможувајќи организирано и поефикасно паркирање. Целта ни е да создадеме безбеден и уреден простор, со современи стандарди и подобра пристапност,“ рече градоначалникот Герасимовски.
Со овој зафат, Центар продолжува со инвестиции во подобрување на урбаната и комунална инфраструктура, се додава во соопштението на Општината.
Македонија
„Влен“: Арбен Фетаи ги уништи плановите на ДУИ и заложниците на Ѓока

„Пропагандната машина на ДУИ и нејзините патерици започнаа ниска кампања на клевети и лаги против вицепремиерот, Арбен Фетаи. Криејќи се зад лажни профили и користејќи валкани методи, тие се обидуваат да ја оцрнат неговата личност и да го попречат процесот на промени што сега стана незапирлив“, велат од „Влен“.
„Овие напади докажуваат само едно: моќта на ВЛЕН ги уништи плановите на ДУИ и Таравари со кланот Ѓока. Тие се плашат од транспарентноста, од чистите раце и од нашата решеност да ги искорениме злоупотребите, корупцијата и мафијашките врски што ја држат државата како заложник две децении.
ВЛЕН има фундаментална разлика со ДУИ и нејзините патерици: Ниту еден јавен денар не е злоупотребен од нашите претставници. Нивното богатство и интегритет се отворена книга, секој цент е заработен чесно. Без компромис и без контакт со ДУИ, нашата дистанца е јасна, бидејќи секој што ќе ја допре ДУИ е извалкан од нивното морално распаѓање. Нашето донесување одлуки е слободно, невлијателно и неуценето, бидејќи нашата единствена зависност е од нашиот народ и нација, а не од олигарси и нарко-босови. Затоа, нивните напади оркестрирани од зад сцената се едноставно очај. Тие не се осмелуваат да се соочат со вистински обвинувања, факти и аргументи, бидејќи знаат дека ВЛЕН е олицетворение на чисти раце и чесна политика.
Нека клеветат со лажни профили, нека лаат нивните дигитални платеници, караванот ВЛЕН незапирливо се движи напред, градејќи иднина каде што Албанците се посилни, а не експлоатирани, иднина без ДУИ, без патерици и без заложниците на Ѓока“, се наведува во соопштението на „Влен“.
Македонија
Шукова: Време е да ги издигнеме Скопје и Бутел од калта во која се оставени

Кандидатката за градоначалник на Град Скопје од СДСМ, Каја Шукова, и кандидатката за градоначалничка на општина Бутел, Оливера Ливринчиќ, се сретнаа во Бутел, каде разговараа за конкретни проекти и решенија со кои општината конечно ќе добие вистинско внимание и современа урбана инфраструктура.
На прошетка низ општинaта тие разговараа за повеќе клучни теми, меѓу кои и запоставената состојба на реката Серава, сообраќајниот метеж, како и потребата од нова, функционална инфраструктура која ќе донесе поврзаност и квалитет на живеење за граѓаните на Бутел.
„Време е за паметни решенија за Бутел и Скопје. Бутел конечно ќе добие посветено лидерство, ред и модерна инфраструктура каква што бутелчани заслужуваат“, порача Шукова, истакнувајќи дека нејзината визија за Скопје подразбира грижа и развој рамномерно во секој дел од градот.
Кандидатката за градоначалник на Бутел, Ливринчиќ, се осврна на состојбата на реката Серава и нејзината целосна запоставеност од досегашната локална самоуправа. Таа најави проект за уредување на целиот кеј со пешачка и велосипедска патека, создавајќи безбеден простор за сите генерации.
„Мој план е пешачка и велосипедска патека по целиот кеј. Ова ќе биде место за рекреација, безбедно за сите генерации“, најави Ливринчиќ.
Последното уредување на реката Серава, потсети Шукова, било направено во 2021 година од поранешен градоначалник од редовите на СДСМ по кој изостанала секоја реализација и одржување од страна на новото локално раководство. Шукова на Ливринчиќ и ги презентираше плановите на градот за овој дел на градот Скопје.
„Мојот план за овој дел од градот подразбира изградба на 2 нови моста на реката Серава и надвозник над булеварот Никола Карев, потпорни ѕидови од 2 километри, атмосферска и фекална канализација. Ова е голем инфраструктурен чекор но тука не застануваме. Планираната нова клучка кај булеварите ,Словенија и Никола Карев ќе биде нова порта на Скопје. Ги поврзуваме Бутел со Ѓорче, Карпош и Чаир. Ова ќе биде современ инфраструктурен јазол со велосипедски и пешачки патеки, ЛЕД осветлување и директен пристап до скопската обиколница“, најави Шукова.
Притоа двете истакнаа дека имаат решение за сообраќајниот хаос меѓу Автокоманда и Бутел, а тоа е булеварот Хрватска кој предвидува нови коловози, зелени површини, велосипедска патека и безбедни пешачки зони.
„На Скопје и Бутел им е неопходно ново раководство и управување за да се издигнат од калта во која се оставени. Скопје и Бутел имаат потреба кандидати кои ќе се спротивстават на криминално ВМРО-ДПМНЕ кое 4 години системски ги урниса Скопје и скопските општини“, порачаа кандидатките на СДСМ за Скопје и Бутел.