Македонија
(Видео) Танер: Проширувањето на војната во Европа, не е исклучена можност
Цивилни и воени експерти, раководни лица, од Австрија и од земјите од Западен Балкан ќе имаат задача да се сретнат и да направат мрежа во која ќе бидат поставени главните прашања за меѓународнда соработка, ќе се дадат одговори на прашањата кои ќе се отворат но ќе се направи и заедничка експертиза, најави денес министерката за одбрана на Австрија Калудија Танер. Таа денес беше во посета на Македонија на покана од македонската министерка за одбрана Славјанка Петровска.
Австриската министерка за одбрана рече дека војната во Украина всушност покажува колку е битно да ги поддржат земјите од Западен Балкан, за кои вели дека се нивни пријатели, на патот кон ЕУ.
„Проширувањето на војната во насока на Европа од гледна точка на нашите експерти не е исклучена можност. Затоа уште побитно е превентивно да се делува за да се зголеми стабилноста таму каде што е нужно таа да се реализира за да се зголеми способноста за пружање отпор во загрозените конфликтни региони и за да може да се поддржат напорите за одбрана од сите закани кои доаѓаат однадвор. Министерката Петровска и јас зборувавме за други заеднички проекти кои треба да ги поддржат двете земји да соработуваат и во иднина. Австрија заедно со Македонија поддржува три битни меѓународни мисии како што се мисијата на ЕУ во Босна и Херцеговина, НАТО – мисијата во Косово и мисијата на Обединетите нации во Либан. Ангажманот на нашите трупи во кризните региони е нешто неминовно“, рече австриската министерка Танер.
Австриската министерка за одбрана нагласи дека Австрија посебно внимание посветува на испраќање воени лекари во мисиите за што разговарала и со нашата министерка Петровска, а разговарале и за намалување на мигрантите од балканската рута кои се прелеваат во Австрија.
Министерката Петровска најави дека Македонија ќе ја продолжи и продлабочи соработката со Австрија која ја смета за земја пријател за што, според доказ е денешната посета.
„Ние припаѓаме на Европа и затоа сме амбициозни во заедничките напори за интензивирање на одбранбената соработка. Како членка на Алијансата но и држава која го започна пристапниот процес кон Европската Унија Северна Македонија изразува поддршка и има амбиција да се вклучи во одбранбените иницијативи на Европската Унија кои се комплементарни со улогата на НАТО. Ќе продолжиме да ја засилуваме нашата соработка во доменот на безбедносната политика, логистика, воената обука и образование. Продолжуваме во исто темпо амбициозни во нашите планови и посветени на нивна целосна реализација затоа што само здружени и заедно можеме да се носиме со предизвиците по нашата безбедност“, рече министерката Петровска.
Таа смета дека не треба да се дозволи создавање вакуум во кој европските вредности ќе бидат заменети со други агенди кои во последно време се особено видливи преку хибридните закани, дезинформациите, лажните вести како и сајбер нападите. Петровска вели дека тие воопшто не се наивни и имаат цел да се да се блокираат преговорите со Европската Унија, да се подрие довербата во Европската Унија, Во НАТО и во демократските институции.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Силјановска: Како никој не се сети да им каже во ЕУ дека самите во член 4 гарантираат немешање во внатрешните работи и почитување на уставните структури
Како може некому да ветите дека ќе го смените Уставот, кога Уставот може да го сменат само пратениците во Уставот. Како знаете, дека вие можете однапред да ветите нешто што не е ваша надлежност?, му порача кандидатката за претседателка од ВМРО-ДПМНЕ, Гордана Силјановска-Давкова на нејзиниот опонент Стево Пендаровски во телевизиско соочување вечерва.
„Деновиве Макрон даде изјава дека ЕУ не е само територија, туку е концепција на човештвото и правото. Е, од тоа тргнувам и јас кога размилувам за ЕУ. За нејзините темелни вредности и принципи без кои таа не е политине заедница туку е само машинерија. Значи таа не е догма. Што ќе направам јас? Најпрво ќе направам регионални чекори. Штом ќе завршат изборите јас сакам да разговарам со моите соседи и заради регионалната политика и заради очекуваната поддршка од нив. Сакам да објаснам дека и кога има една преговарачка рамка не е логична заканата со вето. И дека може, дури и кога преговарачката рамка е ваква, низ интерпретација поинаква да се примени. Од типот, ако вие речете дека нема да употребувате вето за идентитески прашања, за историските дилеми и слично, протоколите, туку за Копенхагенските критериуми, јас ќе бидам сосема согласна. Значи, мислам дека е време кога ќе се смени власта, да чуе што мислиме и ние. Оти тоа е дијалогот што е нужен за добрососедски односи. Ако некој не го кажувал и ова досега, веројатно и тогаш било се во нивни раце“, рече Силјановска-Давкова.
Понатаму, како што додаде, како никој не се сетил да им каже на оние од Советот и од Европската комисија и сите останати со тоа се рушат темелните вредности на ЕУ? Бидејќи ЕУ гарантира во членот 4 почитување на уставните и политичките структури, немешање во внатрешните работи, почитување на дигнитет и интегритет, различности, неставање на билатерални спорови во рамката. Ако тоа не го кажете, вие ќе останете на прагматичните решенија.
Доаде и дека ниту еден од темелите на кои почивала програмата на Пендаровски во 2019 година не останале. Сите се урнале и ништо не е остварено.
Македонија
СДСМ за Димитриевски: Ароганција е кога човек-партија одработува против своите довчерашни сопартијци
Ароганција е кога човек-партија одработува против своите довчерашни сопартијци и во тоа нема ништо социјалдемократски ниту вредносно туку единствено и само личен интерес, реагира СДСМ по обвинувањата кои ги упати Максим Димитриевски од ЗНАМ, дека дозволиле отварање на бугарски клубови во Македонија и нивната ароганција е ненадминлива.
„За тоа кој ги отвораше клубовите со имиња како Ванчо Михајлов адресата е Белиот дворец на ДПМНЕ. Многу позната адреса каде ЗНАМ ги договара идните чекори за соработка заедно со поддршката на Гордана Силјановска Давкова.
Освен сликите на Ванчо Михајлов по штабовите на ДПМНЕ доволно говорат сликите на Мицкоски со основачите на тие клубови по манастирите низ државава за кои не слушнавме ниту збор од ЗНАМ.
Дали е тоа поради враќање на стари долгови за локалните избори 2021 година во Куманово или нови долгови јавноста ќе види многу скоро“, се вели во реакцијата на СДСМ.
Македонија
Утревечер и во петок нестабилно време со пороен дожд и грмежи
Времето утре ќе биде променливо облачно.
Од пладневните часови на повеќе места ќе биде нестабилно со пороен дожд и грмежи, локално во форма на краткотрајно невреме со засилен ветер и услови за изолирана појава на град. Услови за пороен дожд ќе има во текот на ноќта. Минималната температура ќе биде во интервал од 6 до 12, а максималната ќе достигне од 18 до 25 степени.
Во Скопје променливо облачно. Од пладневните часови во делови од котлината ќе биде нестабилно со пороен дожд, грмежи, засилен ветер и услови за изолирана појава на краткотрајно невреме. Минималната температура ќе се спушти до 12, а максималната ќе достигне до 23 степени, јавува УХМР.
Во наредните денови, следува период на променливо облачно време со повремени локални врнежи од дожд. Утре, во ноќта кон петок и во петок на повеќе места ќе има развој на нестабилна облачност проследена со пороен дожд и грмежи, локално во форма на краткотрајно невреме со засилен ветер и услови за изолирана појава на град.
Дневната температура од утре до сабота ќе биде во постепено опаѓање, а во недела ќе се покачи за 2 до 4 степени..