Македонија
Таравари на средба со СКСЗМ: посебен фокус на економскиот развој

Претседателскиот кандидат на коалицијата „ВЛЕН“, Арбен Таравари заедно со лидерите на коалицијата „ВЛЕН“, во рамки на претседателската и парламентарната кампања денеска имаше средба со Стопанската Kомора на Северо-Западна Македонија каде се разговараше за економскиот развој, зачувувањето на работната сила и деловната клима во Северна Македонија
Стопанската Kомора на Северо-Западна Македонија ги штити бизнисите во земјата и се грижи за промоција на нашите бизниси во земјата и светот, додека нејзините барања до претседателскиот кандидат, Арбен Таравари и коалицијата „ВЛЕН“ беа зголемувањето на минималната плата на 30 илјади денари, додека владата треба да ги намали придонесите за 32%, да го реши проблемот со иселувањето, црната економија, корупцијата и владеењето на правото, информираат од таму.
„Разговаравме за економскиот развој, за визијата на Комората за работната сила која недостасува во Македонија. Стопанската Kомора на Северо-Западна Македонија тука е и економскиот манифест што ни беше даден пред неколку недели и вклучивме некои точки во нашата програма. Во мојата програма посебен акцент имаат иновативноста и енергетскa како и постигнување консензуален договор меѓу политичките партии што државниот претседател би го иницирал со поддршка од сите за економски развој на државата”, рече Таравари.
На средбата беа разменети идеи и за парламентарната програма на коалицијата „ВЛЕН“ , каде фокусот ќе биде на подобрување на бизнис климата, зачувување на нашата работна сила, намалување на трошоците за работна сила, зајакнување на слободните економски зони, развој на туризмот, земјоделството и други.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Променливо облачно време, попладне дожд

Времето денес ќе биде променливо облачно со сончеви периоди. Попладне ќе има повремени врнежи од дожд, наместа пообилни (10 до 15 l/m²). Локално ќе има услови за појава на нестабилност со пороен дожд и грмежи. Ќе дува слаб до умерен, а долж Повардарието повремено засилен ветер од северозападен правец.
Во Скопје, променливо облачно со сончеви периоди. Попладне ќе има повремени врнежи од дожд и ќе дува умерен, во делови од котлината повремено засилен ветер од северен правец.
Македонија
Прекинато водоснабдување во дел од Општина Карпош

Од ЈП Водовод и Канализација известуваат дека денеска поради дефект на шибер од ф – 80 мм на ул. Руѓер Бошковиќ бр. 15, во периодот од 09.00 часот па се до отстранување на дефектот без вода ќе останат корисниците лоцирани на потегот од бул. Осми Септември до раскрсница со ул. Никола Тесла. (општина Карпош).
Македонија
Мицкоски ќе се сретне со Орбан во Будимпешта

Премиерот Христијан Мицкоски в петок ќе присуствува на CPAC конференција во Будимпешта, Република Унгарија, соопшти владината прес-служба.
Мицкоски во рамки на посетата ќе се сретне со унгарскиот премиер, Виктор Орбан.