Македонија
Таравари: Mладите се јадрото на населението, иселувањето на младите е државен аларм

Претседателскиот кандидат од коалицијата ВРЕДИ, Арбен Таравари на форумот „Миграција на младите“ зборуваше за иселувањето на младите од Северна Македонија, кое, како што вели Таравари, се претворило во вистинска чума.
„Епидемијата на иселување има повеќедимензионални последици, врз економијата, општеството и семејството. Иселувањето има долгорочни последици за економската перспектива и развојот на државата бидејќи најголем дел од иселениците, врз основа на податоците, се млади, тие се највиталниот и најквалификуваниот дел од општеството.Тие се јадрото на населението што од ден на ден се намалува. Иселувањето влијае и на нашата социјална структура каде Албанците се несразмерно погодени од овој проблем. Иселувањето директно влегува во нашите семејства бидејќи не останало речиси ниту едно албанско семејство во земјава, на кое не и се одвоил дел со избор на патот на иселувањето“, рече Таравари.
Според него, државата не треба да дозволи да се заобиколи талентот и потенцијалот на младите луѓе, додека удобноста на власта, и покрај фактите на статистиките, сама по себе претставува аларм дека на Македонија и требаат промени.
„Вистинска промена на менталитетот на владеење. Нова Влада која деноноќно ќе се залага да обезбеди подобра благосостојба за сите свои граѓани, особено за младите кои се иднината на државата. Не велам дека ќе целосно ќе ја спречиме оваа гама на масовна миграција на младите, но јас како следен претседател и ВРЕДИ како идна влада, ќе вложиме максимални напори и континуирана посветеност да создадеме услови преку прогресивни политики кои во фокус ќе го имаат граѓанинот, особено младите кои одговараат тие да се чувствуваат себеси како составен и активен дел од ова општество“, рече Таравари.
Таравари додаде дека запирањето на иселувањето на младите може да се случи доколку имаме зголемени инвестиции во образованието и поддршка на претприемништвото, инвестиции во регионален развој, транспарентност и отчетност, ангажирање на иселениците како и поддршка за повратниците.
„Да работиме рамо до рамо за да создадеме општество каде нема ниеден талент да се изгуби и секој поединец да придонесе за просперитетот и благосостојбата на земјата. Затоа, денес стојам пред вас, не за кампања и ветувања, туку за да слушам, сакам да ги слушнам вашите грижи, вашите очекувања, вашите идеи, па и вашите соништа, за улогата што треба да ја одигра државата во обезбедувањето подобра перспектива во татковината“, рече на крајот Таравари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Пронајдени двете девојки од Португалија кои се изгубија во реонот на Водно – Матка

Денес околу 17.00 часот од страна на Центарот за управување со кризи бевме известени за две изгубени туристки во реонот од врвот на Водно кон Матка, извести директорот на ДЗС, Стојанче Ангелов.
Како што информираше Ангелов, Дирекцијата за заштита и спасување итно извршила мобилизација на тимот за спасување на планина од Тетово и истиот веднаш бил упатен во пребарување на теренот.
Во 18.40 двете девојки од Португалија беа пронајдени и однесени до ресторанот Матка каде ги пречека Конзулот на Република Португалија, додава Ангелов.
Македонија
Дел од Ѓорче Петров утре без струја

Од ЕВН Македонија АД известуваат дека утре без електрична енергија ќе останат:
– во периодот од 09.00 до 15.00 часот, корисниците од улиците Веле Марков, Ибе Паликуќа, Воин Драшковиќ, Рафаел Батино. (општина Ѓорче Петров)
Македонија
Меџити прими жители од Страчинце: Анализите на експертите јасно покажаа дека отворањето на каменоломот ќе има сериозни последици врз животната средина

Првиот заменик-претседател на Владата и министер за животна средина и просторно планирање, Изет Меџити, денес ги прими во својот кабинет жителите од селото Страчинце, со кои одржа отворен состанок за одлуката за одбивање на барањето за отворање на каменолом во оваа скопско село.
Министерот Меџити ги информираше жителите за професионалните и институционалните причини што доведоа до оваа одлука. Анализите на експертите јасно покажаа дека отворањето на каменоломот ќе има сериозни последици врз животната средина, ризик од поплави и негативно влијание врз јавното здравје, велат од Министерството.
На состанокот беше истакнато дека приоритет е заштитата на животот и благосостојбата на граѓаните над секој економски интерес.
Меџити истакна дека следниот чекор е конечно поништување на концесијата во Влада, со што ова прашање ќе добие трајно решение.
Жителите на Страчинце се заблагодарија за одлуката и за приемот што го оствари министерот Меџити, нагласувајќи дека овој состанок е пример за владеење со отворен дијалог и чесна соработка со граѓаните.