Македонија
Тевдовски нема да му биде советник на Заев: „Со крената глава се враќам на Економскиот факултет“

Драган Тевдовски, кој вечерва беше разрешен од позицијата министер за финасии, на „Фејсбук“ објави дека во иднина повторно им се враќа на ангажманите на Економскиот факултет во Скопје.
На овој начин Тевдовски практично ја негира вчерашната изјава на премиерот Зоран Заев дека ќе биде ангажиран како негов советник.
„Чест ми е што ја водев најдобрата институција во земјата. Се гордеам што имав одличен тим со кој не се плашев да влезам во ниту една битка. Благодарност до вработените во Министерството за финансии што беспоштедно работеа да ги спроведеме реформите. Најголемата награда за мене за овие две години доаѓа деновиве кога насекаде граѓани ме застануваат и ми велат: ‘браво и главата горе’. Тоа е за мене најдобриот начин да се излезе од едно министерство. И затоа со крената глава и целосно посветен му се враќам на Економскиот факултет“, напиша Тевдовски на својот фејсбук-профил.
Драган Тевдовски е еден од министрите што ги зафати најавената метла на премиерот Заев иако неговото име во јавноста не беше поврзано со некој скандал.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Скопје
Скопјанец нашол граната на Водно и ја земал со себе

Вчера во 14.11 часот во СВР Скопје, З.Н.(71) од Скопје пријавил дека на 29.03.2025 околу 12.30 часот, додека се движел по падините на Водно, пронашол граната, по што истата ја зел со себе.
Утврдено е дека гранатата е со калибар 75 мм, од Втората светска војна и била земена за понатамошна постапка
Македонија
ВМРО-ДПМНЕ: И по 10 месеци СДС не сфати зошто рејтингот им е непрепознатлив а Филипче неприфатен од народот

И по 10 месеци не научи ниту една лекција зошто народот не ги прифаќа. Знаеме дека СДС најсреќни би биле да нема проекти, да нема ленти и да нема развој, но за нивна жал и за среќа на граѓаните тоа нема да се случи, велат од ВМРО-ДПМНЕ.
„Го советуваме прескапо платениот Спасов и агенцијата Рејтинг да си ја сменат ПР стратегијата“, посочуваат од партијата и додаваат:
„И наместо да очајуваат зошто Владата работи, треба да излезат и да ги пофалат проектите кои се од корист за граѓаните. За 10 месеци се направи повеќе од 7 години власт, Филипче, Заев и Ковачевски“.
Македонија
СДСМ: Четири дена молк од Владата за екоцидот на Крива Река

„Четири дена поминаа од еколошката хаварија во Крива Река – а Владата, Министерството за животна средина и надлежните институции сѐ уште не даваат одговори. Нема информации што ќе се преземе, нема најави за нови анализи, нема план за заштита на здравјето на граѓаните. Дали здравјето на граѓаните е воопшто приоритет за оваа власт? Срамно и неодговорно однесување на ВМРО-ДПМНЕ и институциите кои ги водат.
СДСМ прашува: Зошто Владата молчи четири дена откако се потврдија сомнежите дека во Крива Рекла тече вода со цијанид и тешки метали? Кој го донесе политички мотивираното тврдење дека “се излеала само вода”, без ниту една анализа? Дали здравјето на граѓаните е помалку важно од заштитата на интересите на фирма блиска до ВМРО-ДПМНЕ?
„Фактите се јасни. На 14 март, во реката Крива се излеа огромна количина загадена маса од рудникот Тораница. Независната лабораториска анализа, побарана од општина Крива Паланка, покажа драматично зголемено присуство на цијаниди, олово, фосфор и други токсични материи – на ниво кое директно го загрозува животот, здравјето, земјоделството и безбедноста на храната.
Во таква ситуација, Инспекторатот за животна средина не само што не презеде ништо, туку и дезинформираше – тврдејќи дека се излеала „само вода“, без направена анализа. Министерството за животна средина досега не го демантираше тоа, ниту презеде конкретни мерки.
СДСМ ја повикува Владата и министерот Изет Меџити:
Веднаш да одговорат дали ќе се направат нови, целосни анализи на водите од Крива Река, Пчиња и Вардар;
Да соопштат какви мерки се преземаат за заштита на водоснабдувањето и храната во регионот;
Да објават зошто досега нема објавено ниту еден инспекциски извештај за рудникот Тораница.
Ова не е ситен проблем. Ова е прашање на живот и здравје.
СДСМ уште еднаш потсетува: директорот на рудникот Тораница, Тони Тоневски, е партиски кадар на ВМРО-ДПМНЕ. Пратеникот Емил Спасовски, исто така од ВМРО-ДПМНЕ, го обвини градоначалникот на Крива Паланка дека „шири паника“, наместо да побара анализа на водата. Денес е јасно кој ја кажуваше вистината и кој ја прикриваше.
Додека Владата молчи, граѓаните пијат вода, јадат храна и живеат во несигурност. Тоа е пораз на институциите“, велат од СДСМ.