Македонија
„Треба да се направи ремонт“, Ковачевски бара одговорност со име и презиме

„Треба да се направи ремонт“ – ова е тезата која премиерот Димитар Ковачевски ја употреби кога беше прашан за распуштањето на Судскиот совет. Тој смета дека тоа го покажуваат анализите. Смета дека одговорност треба да се бара од поединци, бидејќи не може да се каже дека се во одредена институција не е добро.
„Во детали немаме разговарано со Лога, тоа е во неговиот ресор. Собранието ја носи одлуката во однос на законските одредби. Треба да се направи ремонт на одредени институции, процеси, закони во делот на правосудството. Сите анализи тоа го кажуваат. Во правосудството има личности кои што се врвни професионалци, има луѓе кои можат да го унапредат своето работење преку обуки, но има и поединци како и во секој систем кои немаат перформанси на ниво на кое треба да имаат. Затоа треба да има систем во правосудството кој ќе може да дијагностицира одговорност, таа има име и презиме. Не може да кажете не е добро се комплет. Туку да се изгради систем. Тоа е начин на кој сите држави ги унапредиле своите системи“, рече Ковачевски, зборувајќи за Судски совет.
Претходно, министерот за правда предложи распуштање на Судскиот совет, по скандалозните случувања во ова тело.
„Го осудуваме тоа што се случи во Судскиот совет и сите не загрижува. Очекувам враќање во нормала. Едно од можните решенија е да престане мандатот на сегашниот состав“, рече Лога.
Опозициската ВМРО-ДПМНЕ е подготвена да поддржи законски измени за да се разрешат сите членови на Судски совет. Претседателот Христијан Мицкоски порача дека институцијата го девалвирала судството.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Без вода делови од Центар и Аеродром

Од ЈП Водовод и Канализација известуваат дека денеска поради уличен дефект на улицата Питу Гули бб, општина Центар (во близина на Тинекс), прекинато водоснабдување ќе имаат следниве улици: Питу Гули, дел од Загребска, Ганчо Хаџипанзов, Капештец, Димитар Пандилов, Караорман, висока зона Козле и Ловќенска-крак 1,3,5 и 7.
Водоснабдувањето ќе биде прекинато од 08:30 часот до завршување со санација на дефектот.
Денеска поради уличен дефект на 3-та Македонска Бригада бб, прекинато водоснабдување ќе имаат објектите на Вива, Метро, Центро, Спорт М и Форд, во општина Аеродром.
Водоснабдувањето ќе биде прекинато од 08:00 часот до завршување со санација на дефектот.
Македонија
Делови од Аеродром, Центар и Ѓорче Петров денеска без струја

Од ЕВН Македонија АД известуваат дека денеска без електрична енергија ќе останат:
· во периодот од 08.10 до 15.00 часот, корисниците на дел од село Долно Лисиче.(општина Аеродром)
· во периодот од 08.10 до 15.00 часот, корисниците на објектите спроти Ист Гејт населба Крњево.(општина Центар)
· во периодот од 08.10 до 12.00 часот, корисниците од улица Божидар Рајковиќ, дел од ул. Горноврановска и дел од улицата Горно Лисиче (општина Аеродром)
· во периодот од 08.10 до 16.00 часот, корисниците на улиците Ибе Паликуќа, Воин Драшкоци, Веле Марков (општина Ѓорче Петров)
Македонија
Претежно облачно со повремен дожд

Времето денеска ќе биде променливо облачно со повремени локални врнежи од дожд. Кон крајот на денот врнежите насекаде ќе престанат. Ќе дува умерен до засилен ветер од северен правец (локално над 60 km/h). Минималната температура ќе биде во интервал од 6 до 13, а максималната ќе достигне од 8 до 16 степени.
Во Скопје, претежно облачно со повремен дожд. Ќе дува умерен, во делови од котлината повремено засилен ветер од северен правец. Минималната температура ќе се спушти до 12, а максималната ќе достигне до 14 степени.
Времето во наредните денови
Од четврток времето ќе биде стабилно и суво со слаб до умерен северен ветер. Дневната температура ќе биде во пораст.