Македонија
Тренчевска: Мојата генерација веќе 20 години е во чекална, затоа имаме должност кон младите, нашата држава да стане дел од ЕУ

Министерката за труд и социјална политика, Јованка Тренчевска вечерва на отворената трибина „Ние сме Европа“ зборуваше за вредностите кои Владата ги носи преку мерки и политики, а го трасираат патот на државата кон Европската Унија.
„Република Северна Македонија е единствена земја надвор од Европската Унија која од 2018 година ја спроведува Гаранцијата за млади и не само што ја спроведуваме, туку дава и одлични резултати. За имплементацијата на оваа програма добиваме позитивни оценки и од Европската комисија, а доказ за тоа се над 80 000 млади вклучени во оваа мерка од 2018 до денес од кои 45% добиле вработување“ истакна Тренчевска.
Таа се осврна и на новиот предлог Закон за работни односи.
„Предлог законот за работни односи носи европски вредности, вклучувајќи ја работата од дома и работата од далечина. Се она што е привлечно за младите на пазарот на трудот го овозможува овој закон. Со овој закон им овозможуваме на младите да направат баланс меѓу приватниот и професионалниот живот. Законот ги овозможува новите институти мајчинско, татковско и родителско отсуство, со тоа ќе можат и татковците да се вклучат во растот и развојот на децата, со што уште еднаш ги потврдуваме семејните вредности“ рече министерката.
Своето обраќање го заокружи со истакнување на причините кои ја водат кон посветени заложби за влез на државата во Европската Унија истакнувајќи дека државата веќе вистинските вредности ги има.
„Мојата генерација е 20 години во чекалната на Европската Унија, изгубивме многу. Затоа сега како министерка имам должност кон младите посветено да работам Република Северна Македонија да стане дел од Европската Унија. Ние сме Европа и во 2030 година ќе го потврдиме сето тоа“ изјави Тренчевска.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Без вода делови од Центар и Аеродром

Од ЈП Водовод и Канализација известуваат дека денеска поради уличен дефект на улицата Питу Гули бб, општина Центар (во близина на Тинекс), прекинато водоснабдување ќе имаат следниве улици: Питу Гули, дел од Загребска, Ганчо Хаџипанзов, Капештец, Димитар Пандилов, Караорман, висока зона Козле и Ловќенска-крак 1,3,5 и 7.
Водоснабдувањето ќе биде прекинато од 08:30 часот до завршување со санација на дефектот.
Денеска поради уличен дефект на 3-та Македонска Бригада бб, прекинато водоснабдување ќе имаат објектите на Вива, Метро, Центро, Спорт М и Форд, во општина Аеродром.
Водоснабдувањето ќе биде прекинато од 08:00 часот до завршување со санација на дефектот.
Македонија
Делови од Аеродром, Центар и Ѓорче Петров денеска без струја

Од ЕВН Македонија АД известуваат дека денеска без електрична енергија ќе останат:
· во периодот од 08.10 до 15.00 часот, корисниците на дел од село Долно Лисиче.(општина Аеродром)
· во периодот од 08.10 до 15.00 часот, корисниците на објектите спроти Ист Гејт населба Крњево.(општина Центар)
· во периодот од 08.10 до 12.00 часот, корисниците од улица Божидар Рајковиќ, дел од ул. Горноврановска и дел од улицата Горно Лисиче (општина Аеродром)
· во периодот од 08.10 до 16.00 часот, корисниците на улиците Ибе Паликуќа, Воин Драшкоци, Веле Марков (општина Ѓорче Петров)
Македонија
Претежно облачно со повремен дожд

Времето денеска ќе биде променливо облачно со повремени локални врнежи од дожд. Кон крајот на денот врнежите насекаде ќе престанат. Ќе дува умерен до засилен ветер од северен правец (локално над 60 km/h). Минималната температура ќе биде во интервал од 6 до 13, а максималната ќе достигне од 8 до 16 степени.
Во Скопје, претежно облачно со повремен дожд. Ќе дува умерен, во делови од котлината повремено засилен ветер од северен правец. Минималната температура ќе се спушти до 12, а максималната ќе достигне до 14 степени.
Времето во наредните денови
Од четврток времето ќе биде стабилно и суво со слаб до умерен северен ветер. Дневната температура ќе биде во пораст.