Македонија
Тренчевска: Наша цел е да овозможиме повеќе простор за развој и лично изразување на младите глуви и наглуви лица
![](https://makfax.com.mk/wp-content/uploads/2023/09/thumbnail_2-1.jpg)
Министерката за труд и социјална политика, Јованка Тренчевска, денеска се сретна со претставници од Младинското здружение на глуви и наглуви „Млад знак“ и асоцијацијата „Гласни раце“. На средбата се зборуваше за финансиското работење на Националниот сојуз на глувите и наглувите на Република Северна Македонија, како и можностите за нови критериуми за распределување на буџетите, со што ќе им се овозможат повеќе средства на младите за активности. Исто така, беше разговарано и за значењето на толкувачите и ангажирање и обучување нови во согласност со потребите на глувите лица.
Министерката на состанокот истакна дека во периодот што следува ќе се залага за поиновативна програма на Националниот сојуз на глувите и наглувите на Република Северна Македонија. Според неа, програмата треба да содржи активности во согласност со потребите на младите и тие ќе може да овозможат повеќе начини за личен развој. Таа истакна дека во јавност ќе се споделуваат успешни приказни, кои може да бидат мотив за младите глуви и наглуви лица за поголемо општествено вклучување затоа што државата го препознава нивниот потенцијал.
На состанокот особен фокус беше поставен и на знаковниот јазик, кој, според присутните, треба да биде стандардизиран и воедно да бидат достапни што повеќе толкувачи за глувите и наглувите лица, со што ќе се олесни нивното секојдневие.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
На Табановце, за влез во Македонија се чека околу 20 минути
![](https://makfax.com.mk/wp-content/uploads/2022/07/tabanovce.jpg)
Од 1 јули до 31 август на државните патишта во Македонија се воведува летен времен режим на сообраќај со кој се забранува движење на тешки товарни возила со вкупна маса над 15 тони, за време на деновите од викендот и за денови при екстремно високи температури.
Термините се следни:
– петок од 17:00 – 22:00 часот,
– сабота од 09:00 до 18:00 часот и
– недела од 09:00 до 22:00 часот.
На магистралниот пат А2 делница: Скопје – Охрид – Скопје се забранува движење на тешки товарни возила чија вкупна маса преминува 7,5 тони за време на викендите, во следните интервали:
– петок од 15:00 – 22:00 часот,
– сабота од 07:00 до 12:00 и од 18:00 до 24:00 часот и
– недела од 07:00 до 22:00 часот.
Сообраќајот на државните патишта се одвива непречено, по претежно суви коловози.
Интензитетот на сообраќај на патните правци надвор од градските средини е умерен. Нa ГП Табановце има зголемена фреквенција на возила за влез во Мaкедонија, време на чекање околу 20 минути. На останатите гранични премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Променливо облачно и посвежо со локален пороен дожд и грмежи
![](https://makfax.com.mk/wp-content/uploads/2024/07/dozd-aerodrom.jpg)
Променливо облачно и посвежо со локален пороен дожд и грмежи, особено во западните и источните делови. Долж Повардарието ќе дува засилен северен ветер со брзина над 60 km/h. Минималната температура ќе биде во интервал од 13 до 20, а максималната ќе достигне од 24 до 32 степена. UV=7
Во Скопје променливо облачно со сончеви периоди. Ќе дува умерен до засилен северен ветер. Минималната температура ќе се спушти до 18, а максималната ќе достигне до 28 степени.
И во четврток ќе се задржи променливо облачно и посвежо време со локален пороен дожд и услови за ретки грмежи, а од петок времето ќе биде стабилно и топло.
Скопје
Без вода дел од општината Ѓорче Петров
![](https://makfax.com.mk/wp-content/uploads/2022/10/slavina-cesma-voda-2.jpg)
ЈП Водовод и Канализација информира дека денеска поради уличен дефект од ф – 400 мм на улицата 1670 во Ново Село, дел од општината Ѓорче Петров ќе остане без вода.
Прекинот на водоснабдување ќе биде во периодот од 09.00 часот па се до отстранување на дефектот. Без вода ќе останат корисниците од улицата Лука Геров, како и корисниците од населбите Ново Село, Стопански Двор, Кисела Јабука, Волково, Орман и Никиштани во општина Ѓорче Петров.