Македонија
Тренчевска: Нема нов почеток со стари корумпирани кадри
![](https://makfax.com.mk/wp-content/uploads/2024/06/trenchevska.jpeg)
Очигледно е дека есапот во Белата палата и надвор од неа не е ист, па се измислуваат нови министерства, се распарчуваат постоечки министерства само да се задоволат апетитете на сателитите на ВМРО-ДПМНЕ, истакна пратеничката на СДСМ Јована Тренчевска на денешната собраниска седница.
Тренчевска посочи дека за краток период има различни изјави и лаги, за ваквата гломазна влада.
Од првичните изјави на ВМРО-ДПМНЕ, по победата на парламентаните дека Владата ќе бори 16 членови, денеска пред нас е предлог зголемен дури за 50 проценти, односно со нови 8 министри, нагласи Тренчевска, додавајќи дека за да се оправда сето ова се користат зборови како реформа, нов почеток и слично.
Но сосема е извесно впечатливо дека ниту ќе има нов почеток, ниту „р“ од реформите ќе има. Дополнително на тоа ако се погледнат биографиите на предложените министри, ќе видиме дека нов почеток, со најголем дел стари корумпирани кадри, коишто беа дел од режимот на ВМРО-ДПМНЕ до 2016 година, не може да очекуваме од нив. Единствено што може да очекуваме од нив да си ги засукаат ракавите за рачињата подлабоко да им брцат во медот, истакна Тренчевска.
Трнчевска додаде дека вешт во оваа техника е кандидатот за министер за Локална самоуправа и може да го сподели ова искуство со остнатите членови на Владата.
Кандидатот за министер за транспорт и врски може да сподели своите искуства од кавијар дипломатијата во Азербејџан, кандидатот за министер за одбрана може да го сподели искуство од ЈП за државни патишта, министерството за транспорт, а Горан Минчев, кандидатот за министер за администрација искуството од директорувањето со СОЗР, нагласи Транчевска, додавајќи дека владата со ваквиот предлог на кандидати има одличен потенцијал за споделување на вакви исксуства.
Тренчевска истакна дека предложените кандидати имаат и импозантни биографии на дури пет реда, со искуство од нула денови во ресорите за кои се именувани, наведувајќи ги како пример предлозите за министри за социјална политика, демографија и млади, за трудови политики, вработување, социјален дијалог, како и за ресорот правда.
До пред неколку години главен кадровик во СДСМ денес сателите на ВМРО, ќе биде задолжен да ги смести партиските членови на ВМРО-ДПМНЕ во администрацијата. Генерален секретар на СДСМ, пратеник од редовите на СДСМ 6 години, директор на СОЗР, заменик директор на ЈП водовод и канализација е предлог за министер за администрација, нагласи Тренчевска, додавајќи дека очигледно за личниот интерес и образот и идеологијата ќе си ги продаде.
Во врска со правата на жените и родовата еднаквост, Тренчевска наласи дека доаѓаат тешки времиња.
Од 24 членови на владата 3 се жени или тоа е 12.5 проценти. Тоа е погубно за жените и за самото општество. Наместо да одиме кон поголемо вклучување на жените во политиката процесите ги враќаме назад. Ништо ново за вас. Како што вашето лицемерие го знаеме од минатото од Истанбулската конвенција, законот за прекин на бременост, не очекуваеме ништо ново во делот на женските права и родовата еднаквост, порача пратеничката на СДСМ Јована Тренчевска.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Градоначалникот Ѓорѓиевски почна со проектот за реконструкција на улици во Пинтија заборавени повеќе од три децении
![](https://makfax.com.mk/wp-content/uploads/2024/06/orceeeeee.jpg)
Во рамки на роденденската седмица што се одвива во Општина Кисела Вода и во која синоќа беше затворено четиридневното Културно лето, секојдневно се реализираат и поголеми инфраструктурни проекти.
Градоначалникот Орце Ѓорѓиевски денеска ја посети населбата Пинтија каде започнува реконструкција на патна инфраструктура на површина од преку 5.000 квадратни метри.
Како што соопштија од Општината, станува збор за улиците „Саса 12“ и „Јабланица“ со сите нивни краци, улици кои што не биле обновени триесет години.
„Започнуваме со еден поголем проект за реконструкција на улици во Пинтија кои биле заборавени повеќе од три децении. Во периодот што е пред нас ќе работиме на улиците “Саса 12” со сите нејзини краци и на сите краци на улицата ‘Јабланица’. Ќе се врши асфалтирање и поплочување со павер елементи на површина од над 5.000 квадратни метри. Како што ветив, патната инфраструктура низ целата општина, до крајот на мојот мандат, а и порано од тоа, ќе биде обновена со што ќе овозможиме одлични услови за одвивање на сообраќајот и ќе го унапредиме квалитетот на живот во сите населби и населени места низ општина Кисела Вода“, изјави градоначалникот Орце Ѓорѓиевски.
Македонија
Аврамовска-Мадиќ за изборот на претседател на СДСМ: До 14 часот, излезени се 6.706 избирачи или 28,61 отсто
![](https://makfax.com.mk/wp-content/uploads/2024/06/Madik.jpg)
СДСМ денеска на вонредни внатрепартиски избори избира нов лидер на партијата. Претседателката на Централната изборна комисија за избор на претседател на СДСМ, Викторија Аврамовска-Мадиќ информираше дека според пресекот направен во 14 часот, излезени се 6.706 избирачи или 28,61 отсто.
„Утринава во 8 часот се отворени 77 избирачки места, гласањето ќе трае до 20 часот. Во моментов пресекот што го направи Централната изборна комисија во 14 часот е од вкупно запишаните избирачи на избирачкиот список за избор на претседател на СДСМ, излезени се 6.706 или 28,61 отсто“, информираше Мадиќ.
Додаде дека по завршувањето на гласањето во 20 часот ЦИК ќе информира за резултатите од денешните избори, како и за вкупната излезност.
Во врска со забелешките од страна на кандидатот за претседател на СДСМ, Јован Деспотовски, дека голем број членови на партијата не им било овозможено да гласаат, Мадиќ рече дека станува збор за мал број на гласачи кои не биле активно регистрирани.
„Станува збор за многу мал број на гласачи, на ниво на Македонија не се ни околу дваесет. Морам да напоменам дека денеска право на глас имаат сите оние кои што се запишани во избирачкиот список, активно се регистрирале на два начини, едниот е онлајн или со пријава во општинската организација и во себе поседуваат црвена членска книшка, бидејќи системски мора да гласаат преку читачот. Сите оние кои ги има во избирачкиот список, а во моментот немаат книшка ја изгубиле или е општетена, ЦИК издава членски книшки кои имаат желба да дојдат да ја подигнат преку општинската организација. Вчера имаше издавање на членски книшки и во текот на денот кажавме дека сето тоа може. Станува збор за многу мал број на лица кои тврдат активно се регистрирале, а системот не ги покажува дека на ниту еден начин биле активно регистрирани“, рече Мадиќ.
Кандидатот за нов лидер на СДСМ Јован Деспотовски денеска по гласањето во Општина Карпош изјави оти очекува дека до крајот на денот ќе се почитува принципот на демократски изборен процес, но потенцираше дека има информации за голем број на членови на партијата на кои што им било оневозможено да гласаат. СДСМ, како што рече, е политичка партија која што во ниту еден момент не смее да си дозволи своите членови да ги враќа од избирачките места.
Изборот на претседател ќе се изврши од вкупниот број на излезени, односно оној којшто ќе оствари 50 плус 1 отсто од гласовите на излезените, доколку тоа не се случи тогаш гласањето ќе се повтори во втор круг.
Избирачкиот список ќе брои вкупно 23.373 акредитирани членови на СДСМ.
Македонија
Голем пожар кај Василево, се шири кон селата Сушево и Злеово
![](https://makfax.com.mk/wp-content/uploads/2024/06/пожар.jpg)
Пожарот на отворено кој вчера попладне започна на територијата на општина Василево се уште е активен, се разгорува и се приближи во непосредна близина на село Сушево, а се шири и кон село Злеово поради што за гаснење се подготвува еден полициски хеликоптер кој ќе полета набргу, информираат од Центарот за управување со кризи.
На терен се екипи на струмичката територијална противпожарна единица, а и хеликоптерот на МВР кој почна да исфрла вода.