Македонија
Тренчевска: Потврдена е силната поддршка на УНИЦЕФ во активностите на Министерството
Министерката за труд и социјална политика, Јованка Тренчевска, се сретна со претставничката на УНИЦЕФ, Патриција ди Џовани, и со претставници од канцеларијата на УНИЦЕФ во Скопје. На средбата дискусијата беше со фокус на детската заштита. Отворени беа теми за детската гаранција, стратегијата за родителство како важен документ, кој придонесува во развојот на децата, и новата кампања на Министерството за труд и социјална политика во соработка со УНИЦЕФ за промоција на менталното здравје кај младите – Walk and talk.
На средбата Тренчевска ја истакна важноста на европската детска гаранција како механизам на Европската Унија, кој има цел да ја спречи социјалната исклученост на децата, но и да се бори против неа. Таа објасни дека ваквата цел се остварува преку гарантирање пристап до збир на клучни основни социјални услуги.
Беше отворена и темата за новите активности, кои ќе почнат од октомври. Целта на активностите што ќе се спроведуваат во 16 града во државата е подигање на свеста кај младите за менталното здравје.
На крајот од средбата претставничката на УНИЦЕФ, Ди Џовани, ја искажа својата силна поддршка кон министерката Тренчевска на сите полиња на кои работи Министерството за труд и социјална политика.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Нестабилно време со дожд и грмежи до среда
По врнежите и невремето по кое во текот на ноќта полавени беа подруми во Охрид, од УХМР најавуваат дека до среда ќе се задржи нестабилно време, претежно во попладневните часови со локален пороен дожд и грмежи.
Во четврток ќе има услови за краткотраен дожд, претежно во планинските подрачја, а преодно стабилизирање на времето се очекува во петок.
Температурите ќе бидат без значителна промена.
Македонија
Делови од Аеродром, Карпош и Ѓорче Петров утре без струја
Без електрична енергија утре ќе останат делови од општините Аеродром, Карпош и Ѓорче Петров.
Како што соопшти РЦУК – Скопје, без струја во периодот од 09:00 до 15:00 часот ќе останат корисниците на дел од село Долно Лисиче, реонот околу чаталот, ул.10 во општина Аеродром, од 10:30 до 14:30 часот дел од улица 16, на патот кон Визбеговово општина Карпош, а од 13:00 до 14:30 часот објектите на градинката Росица, на ул.„Мечкин Камен“, бр.45А. во општина Ѓорче Петров.
Македонија
Скопските и тетовските пожарникари гасеа три огнови на отворено, соопшти ЦУК
Во изминатото деноноќие Центарот за управување со кризи информира дека биле евидентирани три пожари на отворено.
Регионалниот ЦУК Скопје соопштил дека БППЗ на Град Скопје во изминатото деноноќие имала две помали интервенции поради запалено ѓубре и тоа на ул. „Ферид Заири“ во Општина Чаир и кај Езерото Треска во Општина Сарај.
Регионалниот ЦУК Тетово известил дека ТППЕ Тетово имала една помала интервенција поради запалена ниска вегетација кај село Чифлик во Општина Желино.
Центарот за управување со кризи соопшти дека изминатите 24 часа имало вкупно 1.491 повици на Единствениот повикувачки број за итни случаи 112. Од нив „реални“ повици биле 62,84 отсто, а 37,16 отсто биле за други потреби на граѓаните што не биле итни.
Кон полиција биле упатени 63,18 отсто, кон итната медицинска помош 29,09 проценти, кон пожарникарите 2,73 отсто, a кон АМСМ 1,36 отсто од повиците кон бројот 112.