Македонија
Тренчевска: Предизвиците на лицата со попреченост се и наши предизвици

Дополнителната министерка за труд и социјална политика, Јованка Тренчевска денес беше на средба со Здружението на слепи на Општина Велес.
Како што информираат од МТСП, на средбата било разговарано за поголема инклузија на слепите лица во општеството и обезбедување на повеќе ресурси за да се овозможи полесно нивно функционирање во општеството.
Министерството за труд и социјална политика доследно ја покажува својата поддршка на слепите лица во државата, Доказ за тоа е покачувањата на средствата од државниот Буџет за националните сојузи како за здруженијата за слепи така и за здруженијата за глуви и наглуви. Оваа година министерството за Националниот сојуз на глуви и наглуви на РСМ издвои 12.547.000 денари, додека за Националниот сојуз на слепите лица на РСМ издвои 13.967.000 денари што е за два милиони повеќе од минатата година за двата сојузи засебно.
„Ги покачуваме средствата за работа на Сојузите, затоа што напредокот на лицата со попреченост е наш приоритет. Одлуките ги носиме согласно потребите на лицата со попреченост и тоа нема да се промени и во иднина. Напротив продолжуваме во континуитет да вложуваме особено во младите лица со попреченост затоа што го знаеме потенцијалот кој се крие во нив“, рече Тренчевска.
Таа го продолжи состанокот со разговори за секојдневниот живот на членовите на здружението и за плановите за нивни активности. Воедно по средбата пред Тренчевска беа презентирани и печатарите со кои Здружението подготвува материјали за читање за лицата со оштетен вид.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
„Продолжувањето на притворот за Бектеши додека вистинските одговорни сè уште се на слобода претставува чист израз на селективна правда и политичка одмазда“, велат од ДУИ

„Продолжувањето на притворот за поранешниот министер Крешник Бектеши, додека вистинските одговорни – оние што биле задолжени за безбедноста на децата– сè уште се на слобода, претставува чист израз на селективна правда и политичка одмазда“, реагира ДУИ.
„Ова не е само двоен правен стандард – туку отворена политичка и партиска дискриминација, која претставува флагрантно кршење на основните принципи на правната држава.
Уште повеќе, иако сведоците и родителите на жртвите јасно ги посочија виновниците и побараа одговорност од Министерството за внатрешни работи, единствено поранешниот министер Бектеши сè уште се држи во изолација – како параван за да останат вистинските виновници на слобода.
Трансакциското обвинителство и актуелната власт продолжуваат брутално да ги газат сите правни, морални и човечки принципи.
Премиерот, откако јавно го заплаши обвинителот дека ќе ги изведе луѓето на улица против него, сега целосно го има потчинето и настапува истовремено и како обвинител и како судија.
Ако улицата е решението – тогаш дојде време сите граѓани да им се придружат на семејствата на жртвите од Кочани и да побараат правда – мирно, но решително, на улица“, се додава во соопштението на ДУИ.
Македонија
Нема подолги задржувања за влез и излез од државата

Сообраќајот на државните патишта се одвива непречено, по суви коловози, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Улици во Чаир без вода, намален притисок во Топанско Поле

Регионалниот центар за управување со кризи на Град Скопје, по добиеното известување од ЈП Водовод и канализација, информира дека, денеска поради поврзување на нова со стара постоечка водоводна мрежа на улица Кемал Сејфула бб, прекинато водоснабдување ќе имаат корисниците од улицата Џон Кенеди и дел од улицата Кемал Сејфула, а со намален притисок ќе остане населбата Топанско Поле во општина Чаир.
Водоснабдувањето ќе биде прекинато од 09:30 часот до завршување на работните активности.