Министерот за надворешни работи и надворешна трговија, Тимчо Муцунски, денеска, во рамки на работната посета на Грција, оствари средба со шефот на грчката дипломатија, министерот Јоргос Герапетритис.

Министрите Муцунски и Герапетритис изразија задоволство од денешната средба, во период кога двете страни посветено работат на унапредување на односите помеѓу двете земји. Притоа имаа отворен разговор и размена на мислења за повеќе прашања од заеднички интерес соопштија од Министерството.

На средбата, од страна на министерот Муцунски била изразена искрена благодарност за солидарноста што Грција ја покажа за време на трагедијата во Кочани и неодамнешните итни состојби во близина на Дојран. „Тоа не беа само гестови на помош – туку вистински дела на пријателство“, истакна министерот Муцунски.

На средбата стана збор и за безбедноста – како на регионално, така и на глобално ниво. Беше потврдено заедничкото делување во рамките на НАТО и потребата од блиска координација во овие неизвесни времиња. Воедно, министрите се осврнаа на процесот на евроинтеграција на Република Северна Македонија во Европската Унија. Во оваа насока, министерот Герапетритис ја нагласи силната поддршка за нашиот евроинтеграциски пат.

„Сакам уште еднаш да ја истакнам поддршката на Грција за напредокот на Северна Македонија на нејзиниот европски пат, врз основа на воспоставените условности и принципот на сопствени заслуги, со посебен фокус на основните критериуми“, додаде грчкиот министер Герапетритис.

Почитувањето на меѓународното јавно право останува императив за двете страни, а билатералните односи, како и досега, ќе се засноваат на меѓусебно разбирање како соседи и сојузници во НАТО, констатираа двајцата министри како заклучок од средбата.

Во фокусот на средбата беше унапредувањето на соработката помеѓу двете земји, а акцентот беше ставен на потенцијалот за економска соработка помеѓу двете држави, како и на соработката во делот на инфраструктурата и енергетиката.

„Нашиот фокус беше и на резултати кои носат придобивки за граѓаните. Инвестиции. Трговија. Инфраструктура. Енергија. Разговаравме за проекти како Kоридорот 10 и гасниот интерконектор – не само како технички проекти, туку како двигатели на раст, безбедност и регионална поврзаност“, нагласи министерот Муцунски по средбата.

Министрите за внатрешни работи и одбрана Панче Тошковски и Владо Мисајловски на покана на турскиот министер за национална одбрана на Република Турција, Јаваш Гулер учествуаат на Меѓународниот саем за одбранбена индустрија – ИДЕФ 2025 во Истанбул.

Саемот беше отворен со свечена церемонија на која се обрати претседателот на Република Турција, Реџеп Таип Ердоган, испраќајќи силна порака за значењето на одбранбената индустрија како двигател на стабилноста, безбедноста и соработката меѓу сојузниците.
ИДЕФ претставува значајна платформа за размена на идеи, технологии и воспоставување соработка со сериозни меѓународни партнери од одбранбениот и безбедносниот сектор.

„Во рамки на саемот се сретнав со претседателот на Турската агенција за одбранбена индустрија, Халук Ѓоргун, со кого и претходно имаме воспоставено конструктивна комуникација. Разговаравме за можностите за заеднички проекти и поддршка во процесот на модернизација на опремата и капацитетите што ги има нашата држава. Исто така, остваривме средба и со министерот Гулер, на која разговаравме за унапредување на билатералната соработка, заеднички вежби и размена на експертиза, со цел зајакнување на безбедносната стабилност и подготвеност. Турција е еден од најголемите и најдолгорочни пријатели на нашата држава. Како две сојузнички земји во НАТО, секогаш сме стоеле една до друга кога било најпотребно, во духот на солидарноста, стабилноста и заедничката безбедност.“, потенцираше Тошковски.

Подвлече дека како држава, мораме да инвестираме во современи решенија и сојузништва што ја гарантираат нашата безбедност и ја унапредуваат позицијата на Македонија како кредибилен партнер во регионалните и глобалните безбедносни процеси

Нашите деца заслужуваат праведен, инклузивен образовен систем со еднакви можности за сите, без оглед на етничката, јазичната или институционалната припадност. За жал, она што го гледаме денес е систематска дискриминација кон албанските образовни институции и намерно исклучување од проекти, фондови и стратешки развој на образованието во државата.Отворена дискриминација кон албанските универзитети и училишта, велат од Алијанса за Албанците.

„Во конкурсот за финансирање на научноистражувачки проекти од посебен научен и општествен интерес за 2025 година (вкупен буџет од 30,4 милиони денари), само еден проект му е доделен на Институтот за духовно и културно наследство на Албанците, со износ од само 2,9 милиони денари.
Во рамки на реализацијата на инфраструктурни проекти со општините (вкупно 135 милиони денари):
Финансирани се само објекти во општини со мнозинско македонско население: Кисела Вода, Битола и Валандово. Со децении, наместо сериозно планирање, нашиот образовен систем прифаќаше брзи реформи кои се менуваат со секоја владејачка гарнитура , без никаква претходна анализа, научни докази, пилот тестирање и соодветна и континуирана обука за наставниот кадар.
Овие реформи се дизајнираат во канцеларија, без вклучување на експертите на терен, и затоа остануваат неприменливи или се спроведуваат делумно, оставајќи ги наставниците и учениците без јасна насока и поддршка“, велат од оваа партија.

Алијансата за Албанците бара
правично финансирање за сите универзитети и јавни училишта, без етничка дискриминација,
преглед на образовните реформи со активно вклучување на академската заедница на Албанците и сите заедници.
Формирање на независна комисија за проценка на употребата на вештачка интелигенција во образованието.

„Образованието е темелот на нашето општество. Не можеме да градиме иднина на скапани темели. Време е за правда, одговорност и образование што им служи на сите граѓани“.