Македонија
„Трпение, спасение“, им порача судијата Шабани на адвокатите во „Топлик“

Заврши денешното рочиште за „Топлик“ во кој првообвинет е ексминистерот за транспорт и врски Миле Јанакиески. Следното рочиште е закажано за 29 јуни кога се очекува СЈО да презентира дел од доказите за кои одбраната побара да бидат изведени и прочитани. Претходно одбраната побара од 608-те докази, 83 да се читаат и презентираат јавно на рочиште.
Судијата во предметот Осман Шабани остави време и простор за обвинителите да ги подготват доказите како и можност да ги презентираат оние докази кои тие сметаат дека треба.
Одбраната, исто така, побара да се испита вештакот на СЈО пред вештиот наод да биде прифатен како доказ. „Имаме пракса и во други предмети на СЈО, како ‘Тенк’ и ‘Триста’ кога вештите лица на СЈО не беа доказ додека судот не побара да бидат испитани“, Сања Алексиќ.
„Трпение, спасение. Законот е јасен, вештиот наод ќе биде доказ само ако вештакот дал исказ“, им порача судијата на адвокатите.
Тој претходно го одби барањето на одбраната да се утврди дали станува збор за оригинални примероци или копии на доказите со образложение дека има доволно време да се направи увид.
Во „Топлик“, освен Јанакиески, обвинети се и Томе Ѓурчилов и Димитар Димовски, како и уште четири други лица, членови на комисијата за јавни наддавањa при Министерството за транспорт и врски како соизвршители. Според обвинението на СЈО, тие ја злоупотребиле службената положба и овластување и го оштетиле буџетот за приближно 1 милион евра продажба на земјиште за месноста „Сончев град“ во Сопиште.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Тошковски: Партнерството со САД носи силна поддршка за реформи во МВР

Министерот за внатрешни работи Панче Тшоковски денес оствари тет-а-тет средба со амбасадорката на САД, Анџела Агелер.
„Средбата ја потврди блиската соработка и заедничката посветеност за јакнење на институциите и модернизацијата на системот, како темел за поуспешно справување со криминалот и корупцијата“, соопштија од МВР.
„Партнерството со САД ни носи силна поддршка за нашите реформи во МВР насочени кон професионална и ефикасна полиција, која ќе овозможи зголемена безбедност, правда и доверба кај граѓаните.“, потенцираше министерот Тошковски.
Македонија
Општина Центар: Дератизацијата не е опасност за кучињата и мачките, да не се шират дезинформации

Општина Центар ги отфрла шпекулациите дека дератизацијата претставува опасност за животните.
„Ве информираме дека дератизацијата се спроведува редовно и исклучиво од стручни лица од Центарот за јавно здравје, со употреба на методи и средства кои се безбедни и не претставуваат закана за кучињата, мачките и другите домашни миленици. Апелираме до граѓаните да не подлегнуваат на непроверени и неточни информации кои во јавноста се пласираат од одредени неквалификувани и нелиценцирани лица или организации. Ваквите дезинформации неосновано предизвикуваат страв и паника кај граѓаните и непотребно ја вознемируваат јавноста“, велат од Општината.
Македонија
СДСМ: Мицкоски пак манипулира, со инфлација од 4,8%, реалниот раст на БДП е -1,4%

Со инфлација од 4,8% повисока од растот на БДП, реалната економија оди надолу од -1.4%, а граѓаните тонат во сиромаштија, велат од СДСМ.
„Македонија е далеку од 4-та економија во Европа како што сака Мицкоски да прикаже. Неговите фалби немаат врска со реалноста. Граѓаните не живеат од статистички бројки туку од сопствениот џеб. А таму реалноста е сурова: повисоки цени, пониски приходи и намален квалитет на живот. Македонскиот БДП по жител, според куповната моќ, е само 42% од просекот на ЕУ, повисок просек од нашите граѓани има дури и земјите во регионот, Србија со 51%, Црна Гора со 53%“, се наведува во соопштението.
Од СДСМ велат дека странските инвестиции се преполовени на 221 милиони евра, од 573 милиони евра минатата година.