Македонија
„Уа” за договорот со Грција на одбележувањето спомен за бегалците од Егејска Македонија

Во паркот Жена борец во Скопје изутринава се одбележуваат 70 години од прогонот на Македонците од Егејскиот дел на Македонија. Цвеќе пред споменикот положија од Кабинетот на претседателот на државата и од Светскиот македонски конгрес. Присутните извикуваа „Македонија, Македонија“.
„Ова е протест и против договорот за велепредавство меѓу Димитров и Коѕијас“, рекоа учесниците. Тие извикуваа „Уа” кога беше споменат договорот со Грција за промена на името. На манифестацијата беше присутен и Ташко Јованов, претседател на Здружението за духовно обединување на Сетинци, Попадинци и Крушоради, кое го донираше споменикот на Андон Јанев Ќосето.
Настанот е во организација на Сојузот на здруженијата на Македонците од Егејскиот дел на Македонија МАКЕДОН, а покровител е Светскиот македонски конгрес.
Пред споменикот цвеќе положија делегации на ВМРО-ДПМНЕ, како и на ГРОМ на Стефчо Јакимовски. Присутните ги прозваа и СДСМ да положат цвеќе, но откако не дојде никој, почнаа да извикуваат „Уа”. Откако завршија со полагањето цвеќе отидоа да погледнат изложба „70 години од прогонот на децата бегалци од Егејскиот дел на Македонија 1948-2018“ во големата сала во Домот на АРМ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Врнежи од снег и паднати дрвја на патот Никфорово-Леуново-Бунец, сообраќајот во прекин

На регионалниот пат Никфорово-Леуново-Бунец од 23:20 часот, сообраќајот е во прекин поради врнежи од снег и паднати дрва на коловоз, извести АМСМ.
Се интервенира за негово расчистување.
Во текот на денот и вечерва вработените од Ј.У.Н.П. „Маврово# со сопствена механизација, се вклучија во активностите за расчистување на паднатите дрва кои го отежнуваат движењето на автомобили по регионалниот пат Маврово – Дебар и околу Мавровското езеро.
Македонија
Петрушевски: Венко Филипче ти имаш фирми во Бугарија, на адреса со Заев каде се свртеа 9 милиони од јагленот од РЕК

„Вечерва Венко Филипче, пред 30-тина луѓе во мала сала во Кисела Вода, потрошил голем дел од својот говор за да ме навредува. Редно е да одговорам“, напиша на социјалните мрежи Бране Петрушевски од ВМРО-ДПМНЕ.
„Венко, најмалку ти имаш право кој било да го обвинуваш за „лажење“ и „бугаризација“. Јас немам бугарски пасош, немам фирми во Бугарија и немам тајни зделки зад грбот на народот. Ајде еднаш биди искрен и признај дека токму ти си синоним за милионски шеми со фирми во Петрич, заедно со браќата!
Не мора на мене, туку на јавноста дај и одговори: Каде завршија 9 милиони евра од јагленот за РЕК Битола? Зошто на иста адреса во Петрич се појавуваат фирми на твоето семејство и на Вице Заев? Дали тие пари завршуваа во ваши фотоволтаични централи, додека народот го оставивте да плаќа скапа струја? Дали преку бугарски фирми финансирате бизниси по светот, додека Македонија ја потонавте во сиромаштија?
Ова се вистинските прашања, Венко.
Не лажи дека јас или Христијан Мицкоски имаме такви врски. Ние немаме ниту бугарски пасоши, ниту скриени фирми. Ние имаме чесна и чиста биографија.
ВМРО-ДПМНЕ и Мицкоски се јасно определени за Македонија во ЕУ, но како достоинствена држава, без понижувања и без тргување со националните интереси.
Доста е од лицемерието Венко! На народот му е јасно дека додека си трупавте милиони преку Бугарија, граѓаните останаа со празни џебови“, вели Петрушевски.
Македонија
Забрана за тешки товарни возила на неколку патни правци

Од 19:45 часот на магистралниот пат Маврово – Дебар воведена е забрана за тешки товарни возила поради задржување на снег на коловоз, извести АМСМ.
Од 19.55 часот воведена е забрана за тешки товарни возила и за патниот правец Гостивар – Стража, додаваат од АМСМ.