Македонија
Унгарската претседателка: Вашето зачленување во ЕУ е, пред сè, стабилност за Европа и регионот

Унгарската претседателка Каталин Новак порача дека нејзината држава ќе помага Македонија побргу да стане членка на ЕУ. Според неа, тоа ќе донесе стабилност во Унијата.
„Сметаме дека вашето зачленување во ЕУ е, пред сè, за стабилност на регионот и Европа. Ако нема стабилност на Западен Балкан, тогаш нема ни во ЕУ“, рече таа.
Според неа, преку Македонија стигаат голем број илегални мигранти во Унгарија. Бројот се удвоил изминатата година.
„Многу ми е драго што имаме лично добри односи со Пендаровски. Би сакала пет теми да издвојам. Првата е војната во Украина, каде што ја осудуваме агресијата на Русија. Војната донесе многу проблеми и сакаме побргу процес за мир и прекин на огнот, како и модус за мир. Унгарија и на хуманитарно поле има многу мерки, имаме примено над еден и пол милион бегалци. Секогаш стоиме на ставот да ѝ се помага Украина“, рече Новак.
Смета и дека има демографски проблеми во Македонија, односно дека граѓаните се иселуваат. Пендаровски се интересирал за мерките на Унгарија за имплементација во Македонија.
„Унгарија се обидува економски да помогне во Македонија. Ги поддржуваме студентите за студии во Унгарија“, рече унгарската претседателка.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
(Видео) Хеликоптерите на МВР со над 70 тони вода го гаснеа пожарот кај Блаце

Во рамки на денешните активности, полициските службеници од Хеликоптерската единица за полициски намени при Министерството за внатрешни работи активно учествуваа во гасењето на шумскиот пожар во реонот на Блаце.
Со два хеликоптера – Бел 412 и Агуста Бел 212, во текот на денот беа извршени 55 налети, при што беа исфрлени повеќе од 70 тони вода врз зафатеното подрачје.
Интервенцијата е дел од координираните напори на надлежните институции за справување со пожарот и спречување на негово ширење.
Македонија
Минчев: Воведуваме нов, функционален систем за управување со човечки ресурси

Министерот за јавна администрација, Горан Минчев, денеска на презентацијата на модернизираниот Информациски систем за управување со човечки ресурси (ИСУЧР), упати јасна порака дека владеењето на нефункционалност, нетранспарентност и бирократски хаос завршува. Македонија влегува во нова ера на ефикасна и отчетна администрација.
„Денес не претставуваме само софтверско решение, денес презентираме симбол на одлучност, на трансформација и на нова култура на управување во јавниот сектор. Ова е вистинска разлика меѓу претходната пракса на запуштени системи и оваа влада која испорачува резултати,“ – порача министерот Минчев.
ИСУЧР беше речиси нефункционален, користен од помалку од 100 институции од вкупно 1.400, со застарена технологија и без државна сопственост врз кодовите.
„Тоа беше систем што не служеше на никого, освен на оние кои профитираа од неговата нефункционалност“ – рече Минчев.
Тој истакна дека денес, благодарение на политичката волја на Владата, на поддршката од премиерот Христијан Мицкоски и министерката за финансии, Гордана Кочоска Димитровска и со посветена работа на тимот на Министерството за јавна администрација, ИСУЧР е целосно обновен, функционален и, за првпат, во целосна сопственост на државата.
Сите институции во јавниот сектор ќе го користат ИСУЧР целосно бесплатно, без скриени договори или надворешни зависности.
Системот е безбедносно унапреден, со интегрирани функции за:
• Централизирана пресметка на плати,
• Дигитално управување со човечки ресурси,
• Мобилност и кариерен развој во реално време,
• Интероперабилност со УЈП, АВРМ и Централен регистар.
ИСУЧР нуди директен пристап на секој вработен до своето електронско досие, со сите податоци за плати, обуки, оценувања и напредувања. Тоа значи крај за загубени документи и дискрециони третмани.
„Со оваа модернизација на системот, Македонија штеди милиони евра, го елиминира ризикот од корупција и го воведува принципот на системска отчетност. До крајот на 2026 година, сите 1.400 институции ќе бидат интегрирани во системот. Едно решение. Еден систем. Една држава. Тоа е патот до стабилност, ефикасност и европски институционален модел.“ – истакна Минчев.
Дополнително нагласи дека секој вработен во администрацијата ќе помине задолжителни обуки за користење на новиот систем, а на располагање ќе има и видео-упатства и техничка поддршка. Системот ќе се ажурира на секои шест месеци, согласно реалните потреби и технолошкиот напредок – првпат во историјата на македонската администрација.
„Ова не е само техничка надградба. Ова е реформа со резултати. Ова е разликата меѓу претходната и сегашната Влада. Претходните импровизираа – ние реализираме.
Претходните тонеа во хаос – ние градиме институции.“
Со ИСУЧР како срце на јавна администрација, Министерството за јавна администрација испраќа јасна порака дека граѓаните заслужуваат институции што работат за нив, праведно и транспарентно.
Македонија
Изгорено човечко тело пронајдено во Ѓорче Петров – прва жртва од пожарите во Скопско

Човечко тело било пронајдено изгорено во помошна просторија по пожарот што вчера избувна кај мостот на реката Лепенец, во близина на железничката станица во Ѓорче Петров, потврдија од Министерството за внатрешни работи за „Макфакс“.
Пожарот, пријавен околу 18 часот, првин зафатил сува трева, но потоа се проширил и на неколку помошни објекти и штали, во кои имало домашни животни. Бригадата за противпожарна заштита Скопје интервенирала и го изгаснала пожарот.
„Во една од помошните простории било пронајдено изгорено човечко тело, како и изгорени тела од добиток“, велат од МВР.
Се преземаат мерки за целосно расчистување на случајот.