Македонија
Утринава најстудено на Попова Шапка и Берово, во Маврово највисока снежна покривка

Времето во Македонија ќе биде сончево со мала до умерена облачност, по одделни котлини претпладне со слаба магла, информираат синоптичарите. ОД УХМР велат ќе дува и слаб до умерен северозападен ветер, особено долж Повардарието. Максималната температура ќе достигне од минус 2 до 6 степени.
Во Скопје претпладне времето ќе биде облачно со слаба магла, а во текот на денот сончево со умерена облачност и слаб до умерен северен ветер. Максималната температура ќе достигне до 1 степен.
И утре времето ќе биде стабилно и суво со ниски утрински температури и со услови за магла по котлините. Попладне облачноста ќе се зголемува, а во понеделник во текот на денот ќе има нови врнежи од снег со слаб до умерен интензитет, повеќе застапени во западните и северните делови. Во вторник ќе дува умерен до засилен северен ветер.
Утринава до седум часот најмногу снег снег, како што инфомираат од УХМР има во Маврово, Пожаране, Лазарополе и Попова Шапка.
Снежната покривка во Маврово изнесува 87 сантиметри, 49 во Пожаране, 48 во Лазарополе, 47 на Попова Шапка, 44 сантиметри снег има во Дебар, 43 во Крушево, 38 во Тетово и Охрид, 33 во Тополчани, 32 во Битола, 27 сантиметри во Ѓуриште, 23 во Претор, 14 во Скопје-З.Рид, Прилеп, 11 во Куманово, 10 во Струмица и Штип, 9 во Крива Паланка и Берово, 8 сантиметри се измерени во Демир Капија, 7 во Скопје Петровец, Виница и Гевгелија.
Најстудено утинава било на Попова Шапка каде се измерени минус 15 степени, минус 13 во Берово, минус 10 во Штип и Крушево, -9 во Маврово, Лазарополе и Струмица, -8 во Крива Паланка, -7 во Охрид и Демир Капија, минус 6 во Пожаране, Тополчани, Битола, Ѓуриште, Виница и Дебар, минус 5 во Тетово, Прилеп и Скопје-Петровец, -4 во Претор, Скопје-З.Рид и Куманово, минус 2 во Дојран, и нула степени се измерени во Гевгелија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
На граничните премини од македонска страна нема подолги задржувања за влез и излез од државата

Почнувајќи од 3 септември, во период од 2 седмици, на патниот правец Гостивар – Тетово и обратно од патарина Тетово до патарина Гостивар, ќе се изведуваат градежни истражувачки работи, поради што сообраќајот ќе се одвива под времен режим на сообраќај, извести АМСМ.
Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е зголемен, поради летните одмори се бележи зголемена фреквенција на возила. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Денеска сончево со умерена облачност, следува период на претежно стабилно време

Времето денеска ќе биде сончево со мала до умерена локална облачност. Ќе дува слаб до умерен ветер од северен правец. Минималната температура ќе биде во интервал од 8 до 18, а максималната ќе достигне од 28 до 36 степени.
Во Скопје, сончево со мала до умерена облачност. Ќе дува слаб до умерен северен ветер. Минималната температура ќе се спушти до 15, а максималната ќе достигне до 35 степени.
Времето во наредните денови
Следува период на претежно стабилно време. До недела ќе дува слаб до умерен, наместа повремено засилен северен ветер.
Македонија
Тошковски: Партнерството со САД носи силна поддршка за реформи во МВР

Министерот за внатрешни работи Панче Тшоковски денес оствари тет-а-тет средба со амбасадорката на САД, Анџела Агелер.
„Средбата ја потврди блиската соработка и заедничката посветеност за јакнење на институциите и модернизацијата на системот, како темел за поуспешно справување со криминалот и корупцијата“, соопштија од МВР.
„Партнерството со САД ни носи силна поддршка за нашите реформи во МВР насочени кон професионална и ефикасна полиција, која ќе овозможи зголемена безбедност, правда и доверба кај граѓаните.“, потенцираше министерот Тошковски.