Македонија
„Училиштата се среќаваат со компаниите“, проект за практичната обука

Министерот за образование и наука, Арбер Адеми, присуствуваше на промоцијата на нов регионален проект, во кој покрај Македонија, учествуваат и Албанија и Косово, а чија цел е преку поврзување на средните стручни училишта со компаниите да се унапреди квалитетот на практичната обука за учениците и да им се овозможи да ги стекнуваат конкретните вештини кои всушност ги бараат работодавците, соопшти Министерството за образование и наука.
Во обраќањето пред присутните министерот Адеми потенцираше дека дава силна поддршка за имплементација на проектот поради две причини.
„Прво, целта на проектот е целосно комплементарна со владините стратешки приоритети за развој на севкупниот национален образовен систем со особен фокус на средното стручно образование и обука. И второ, поради тоа што верувам во успешноста на проектот, кој освен подигнување на сплотеноста и заложбите на домашните образовни институции, училиштата и бизнис-заедницата, создава можност Македонија да ги слушне и преземе позитивните искуства на Албанија и Косово, но и на Австрија, која е финансиер на проектот и пример кој нашата земја го следи во делот на воведување концепт на дуално средно стручно образование“, рече Адеми.
Тој најави дека во иднина следуваат уште повеќе и покрупни активности, а проектите како „Училиштата се среќаваат со компаниите“ се одлично надополнување на политиките во тој дел, додавајќи дека капацитетите на Министерството за образование и наука се целосно на располагање за имплементација и на овој проект.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Нема подолги задржувања за влез и излез од државата

Сообраќајот на државните патишта се одвива непречено, по суви коловози, извести АМСМ.
Интензитетот на сообраќај на патните правци надвор од градските средини е зголемен. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Делови од Центар, Аеродром и Ѓорче Петров денеска без струја

Од ЕВН Македонија АД известуваат дека поради технички зафати во електродистрибутивната мрежа денеска, без електрична енергија ќе останат:
· од 08:00 до 14:00 часот, корисниците од улицата Јосиф Јосифовски Свештарот, општина Центар;
· од 08:00 до 15:00 часот, корисниците од улиците: 1 , 2, и 3 во село Долно Лисиче, општина Аеродром;
· од 08:00 до 15:00 часот, корисниците од дел од ул. 3-та Македонска Бригада, поточно објектите во околината на СУГС Владо Тасевски, oпштина Аеродром;
· од 09:00 до 13:00 часот, корисниците од дел од ул. Црногорска, општина Ѓорче Петров.
Македонија
Претежно сончево и топло, максималната температура до 37 степени

Времето денеска ќе биде претежно сончево и топло. Ќе дува слаб до умерен ветер од јужен правец.
Минималната температура ќе биде во интервал од 7 до 17, а максималната ќе достигне од 30 до 37 степени.
Во Скопје, сончево и топло со слаб до умерен ветер од јужен правец. Минималната температура ќе се спушти до 13, а максималната ќе достигне до 37 степени.
Времето во наредните денови
Во сабота попладне, во текот на ноќта и во недела претпладне ќе биде нестабилно со локален пороен дожд и грмежи. Ќе дува умерен, наместа засилен јужен, а во недела северозападен ветер, кој ќе услови опаѓање на дневната температура. Потоа следува период на стабилно и потопло време.