Македонија
Училиштето „Гоце Делчев“ во Виница ќе добие нов систем за греење

Поддршката која општина Виница ја доби преку Планот за чист воздух е во делот на замената на начинот на греење во ОУ„Гоце Делчев“со средства од 1,5 милиони денари и подобрување на енергетската ефикасност во општинската зграда, со средства од 1,3 милиони денари, соопштија од Владата.
Тоа значи дека ОУ „Гоце Делчев“ во општина Виница, користењето на огревно дрво, кое се вбројува како главен извор на ПМ-честички, ќе го замени со еден од најеколошките, но и најекономични начини на греење.
Дополнително, велат од Владата, подобрувањето на енергетската ефикасност на општинската зграда ќе овозможи заштеда и на топлинска енергија и намалување на сметките за загревање за 30%.
Во насока на заштита на животната средина и користењето на алтернативни извори на енергија, Општина Виница, исто така е добитник на грант од Министерството за финансии преку ИПА програмата на ЕУ проектот за подобрување на општинските услуги, со што на зградата на општината, градинката „Гоце Делчев“ и гимназијата „Ванчо Прке“ се поставени фотоволтаици.
Последните пресметки покажуваат дека трошоците за електрична енергија во детската градинка „Гоце Делчев“ за период август 2018 – август 2019 се намалени за 30%.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Мицкоски со честитка до ЦДУ: Европа бара промени

Премиерот Христијан Мицкоски ја честиташе победата на ЦДУ на изборите во Германија преку социјалните мрежи.
„Овој успех е потврда за довербата што германските граѓани ја имаат во лидерството и во принципите на кои се темели ЦДУ – стабилност, развој и посветеност на вредностите на европската христијанска демократија.
Заедно да соработуваме за доброто и просперитетот на нашите граѓани. Европа бара промени“, напиша Мицкоски.
Македонија
Инспекцијата за животна средина на Град Скопје при вонреден надзор во општина Сарај затече запалена дива депонија

„Денес инспекцијата за животна средина на Град Скопје при вонреден инспекциски надзор во Општина Сарај затече запалена дива депонија составена од опасен отпад и градежен шут“, извести Град Скопје.
Локализиран е пожарот по брзата интервенција од страна на Противпожарната бригада на Град Скопје, а дополнително затечени се палења на стрништа во Крушопек и Лака, а сторителите се санкционирани. Во изминатата недела инспекторите за животна средина и комуналните инспектори на град Скопје имаат изречено казни на над 100 сторители“, велат од Град Скопје.
Македонија
Вонреден инспекциски надзор на реонот Смилковско Езеро, затекнати три лица кои согорувале отпад

Денес инспекцијата за животна средина на Град Скопје, изврши вонреден инспекциски надзор на реонот Смилковско Езеро, каде затече три лица со живеалиште во општина Бутел, како на дива депонија која сами ја направиле согоруваат отпад со што се загрозува животната средина и здравјето на граѓаните. Во изминатата недела инспекторите за животна средина на град Скопје и комуналните инспектори имаат изречено казни на над 100 сторители, извести Град Скопје.
„Нашите инспектори продолжуваат со засилениот инспекциски надзор на терен 24 часа, со цел намалување на аерозагадувањето и заштита на животната средина. Неселективно се изрекуваат казни за сите што не го почитуваат законот. Континуирано поднесуваме кривични пријави за исфрлање и согорување опасен отпад и загрозување на животната средина, за кривична одговорност против сторители затекнати како исфрлаат опасен отпад, азбестни плочи и друг градежен отпад, меѓу кои и опасен канцероген отпад.
На територијата на Скопје покрај Инспекторатот на Град Скопје, има уште вкупно 14 институции кои имаат надлежност и обврска да постапуваат при загадување на животната средина и загрозување на здравјето на граѓаните. Досега единствено градот Скопје реагира, додека останатите не постапуваат иако за истото имаат законска обврска“, соопшти Град Скопје.