Македонија
Филипче: Пациентите со малигни болести ќе си ја добиваат терапијата дома
Пациентите со малигни болести ќе си ја добиваат терапијата дома, рече министерот за здравство, Венко Филипче, по повод одбележување на Светскиoт ден за борба против ракот. Тој ја посети Клиниката за онкологија каде што во присуство на директорот д-р Нино Васев имаше средба со Биба Додева, претседателката на Здружението за борба против рак „Борка – за секој нов ден“ и Наташа Маслеша од Здружението за борба против ракот и леукемијата кај децата „Пеперутка“.
„Примарна задача ни е да обезбедиме континуитет во снабдувањето со терапија за пациентите со малигни заболувања. Со олеснувањето на пристапот до лекови се подобрува третманот на пациентите. Набрзо ќе се отвори оддел за зрачна терапија во ГОБ ‘8 Септемрви’ каде што ќе работи лекар специјалист, еден физичар и еден техничар, овој третман на пациенти ќе биде координиран и со УК за онкологија, со што уште повеќе ќе се скрати времето на чекање за зрачна треапија. Дополнително во план ни е да направиме децентрализирање при достапност на терапијата, во останатите центри како Битола, Штип и Тетово со цел да се подобрат условите на пациентите, односно терапијата да им биде достапна во местата каде што живеат. Ќе продолжи практиката Клиниката за онкологија таблетарната терапија на пациентите да им ја доставува дома, како што беше пракса во време на ковид-кризата“, рече Филипче.
Додева кажа дека пред 3 години за првпат беше овозможен пристап до нови 30 биолошки и имунолошки терапии, нови иновативни лекови кои се набавуваат централизирано од посебен буџет.
Еднa од позитивните работи кои од годинава ќе почне да функционира, рече Филипче, е Националниот регистар на новозаболени од малигни болести, чијашто процедура е веќе започната на Универзитетската клиника за онкологија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Силјановска се заблагодари за честитката од ЕУ: Со нетпрение очекувам да ја продолжиме соработката
Силјановска Давкова се заблагодари за честитката од ЕУ и порачува дека со нетпрение очекува да ја продолжам соработка со Европската Унија за конечно заокружување на европската интеграција на целиот регион.
„Денеска, како избрана претседателка, добив официјално соопштение од Европската Унија со кое ми се честита победата на изборите. Темелот на мојата на кампања беше градењето на консензус помеѓу сите политички партии во Собранието, како од власта, така и од опозицијата, граѓанското општество и македонските граѓани, независно од нивните разлики. Нашиот клучен стратешки проект е европската интеграција и истата останува да биде темел за градењето на консензус помеѓу различните чинители во општеството. Потенцирам дека под мое водство нашата надворешна политика ќе продолжи да биде целосно усогласена со заедничката надворешна и безбедносна политика на Европската Унија. Со нетпрение очекувам да ја продолжам соработка со Европската Унија за конечно заокружување на европската интеграција на целиот регион“, се наведува во соопштенеито испратено од тимот на Гордана Силјановска Давкова.
Европската унија и честита на Гордана Силјановска Давкова за нејзината победа на претседателските избори во Македонија и со нетрпение очекува да работи со првата жена лидер во земјата, изјавија високиот претставник на ЕУ за надворешни работи и безбедност Жозеп Борел и европскиот комесар за проширување и соседска политика Оливер Вархеи.
Борел и Вархеи, во заедничката изјава објавена по повод вториот круг од претседателските и редовните парламентарни избори во Северна Македонија, ги охрабрија „релевантните политички актери да работат на формирање парламент и стабилна влада“.
Македонија
(Видео) Стоилковски го поздрави лидерот на ДУИ јадејќи бисквита: „Поздрав, Али“
Портпаролот на ВМРО-ДПМНЕ, Наум Стоилковски, на социјалните мрежи објави видео во кое, јадејќи бисквита го поздрави лидерот на ДУИ, Али Ахмети.
Стоилковски вели дека оди на состанок со коалициските партнери на ВМРО-ДПМНЕ, а потоа зема бисквита и почнува да ја јаде.
„Поздрав, Али“ , вели Стоилковски.
Стоилковски алудира на изјавата на Ахмети која тој ја даде од митингот на „Европскиот фронт“ во Скопје пред одржувањето на првиот круг од претседателските избори кога рече оти лидерот на ВМРО-ДПМНЕ е израснат со бисквити и гурабии.
Македонија
ЕУ: Очекуваме соработка со претседателката на Македонија, парламентот и владата за да работиме на европскиот пат
Европската унија и честита на Гордана Силјановска Давкова за нејзината победа на претседателските избори во Македонија и со нетрпение очекува да работи со првата жена лидер во земјата, изјавија високиот претставник на ЕУ за надворешни работи и безбедност Жозеп Борел и европскиот комесар за проширување и соседска политика Оливер Вархељи
Борел и Вархеи, во заедничката изјава објавена по повод вториот круг од претседателските и редовните парламентарни избори во Северна Македонија, ги охрабрија „релевантните политички актери да работат на формирање парламент и стабилна влада“.
„Двете институции треба да работат заедно на подобрување на европскиот пат на Северна Македонија, кој вклучува имплементација на клучните реформи, особено во областа на владеењето на правото и борбата против корупцијата, во интерес на сите нејзини граѓани“, се вели во заедничката изјава на Борел и Вархеи.