Македонија
Филипче: Се разгледуваат дополнителни мерки за граѓаните над 65 години

Новите 29 заразени пациенти кои беа детектирани во последните 24 часа и со кои бројката на вкупнозаразени се искачи на 114, се очекувана бројка за министерот за здравство, Венко Филипче.
Според него, мерките го даваат резултатот, а верува дека полицискиот час ќе го намали бројот на новозаболени од коронавирус.
„Новата бројка на заразени е очекувана. Го најавивме тоа пред некое време. Поблага е кривата на новодијагностицираните пациенти во однос на други држави. Овие мерки до сега даваат резултат, верувам во тоа, а острите мерки очекуваме да ја намалат не така острата крива, која во овој момент ја имаме. Нема правила во епидемиологијата. Има начин на претпоставување како ќе се дивжат работите. Има отстапување во однос на тоа како се дивжат мерките. Верувам во тоа дека со мерките ќе биде благ порастот на заболените“, рече Филипче.
Тој најави дека ќе се дискутира и за воведување на нови дополнителни мерки за возранисте лица над 65 години.
„Утре ќе биде дискутрано за воведување на дополнителни мерки. Станува збор за граѓаните над 65 години, кои освен полицискиот час, дополнително ќе треба да им биде ограничено движењето. Тие ќе треба да се движат науторо, но не и преку останатиот ден од делот“, додаде Филипче.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
(Видео) Кузеска: Очигледен е стравот на Мицкоски од содржината на материјалите на АНБ

Очигледен е стравот на премиерот, Христијан Мицкоски од содржината на материјалите кои треба да го докажат наводното негово следење од страна на службите, изјави портпаролката на СДСМ, Богданка Кузеска.
Таа вели дека со вчерашната изјава премиерот потврдил дека нема никаква намера да ги декласифицира документите кои би ги докажале неговите наводи дека нелегално бил следен.
„СДСМ уште еднаш прашува од каде толкав страв од објавувањето на содржината на материјалите од наводното следење? Ако СДСМ прислушувала како што тврди власта, зошто се плаши да ги декласифицира документите? Што во тие документи го плаши Христијан Мицкоски толку многу? Дали овие документи содржат докази за соработка на Мицкоски со странски непријателски служби? Дали Мицкоски работел на штета на интересите на државата за странски пари? Дали Христијан Мицкоски имал комуникација со руски агентури кои финансирале екстремизам и дестабилизаиција на државата? Дали овие документи содржат наводи за нелегално финансирање на партијата, ВМРО-ДПМНЕ поврзано со „Делчевски ниви“?“, праша Кузеска.
Ако Христијан Мицкоски се плаши од декласификација на овие документи, додаде таа, го повикуваме директорот на АНБ, Бојан Христовски да го стори истото и да го стави државниот интерес пред интересот на партијата.
Македонија
Галетановски: Возилото е изгорено целосно, ниту сум скаран со некој ниту некој ми се заканувал

Претседателот на Градската организација на СДСМ, Ѓорѓи Галетановски се огласи на социјалните мрежи откако ноќеска му беше запалено возилото.
„Да, возилото мое е изгорено целосно. Ниту сум скаран со некој, ниту некој ми се заканувал, нити наштетил. Сум помагал и ќе помагам на кого можам секогаш. Секоја чест на пожарникарите, што пристигнаа за 3 минути, и пламенот не ги зафати куќите.
Апелирам до министерот, и до Министерство за внатрешни работи и надлежните најскоро да го најдат сторителот, не поради финансиска загуба, поради мирен живот во Скопје и цела држава на сите граѓани. Има и сејф сити и камери околу, да се надеваме дека мирот ќе биде вратен“, напиша тој.
Македонија
СДСМ ги осудува криминалниот чин и палењето на возилото на Галетановски: МВР веднаш да го расчисти случајот

СДСМ најостро го осудува криминалниот чин и палењето на возилото на претседателот на Градската организација, Ѓорѓи Галетановски.
„Со доаѓањето на ВМРO-ДПМНЕ на власт безбедноста на граѓаните е сериозно загрозена.
МВР наместо да се занимава со тоа како лица блиски до ВМРО-ДПМНЕ да земат милионски тендери нека земе конечно нешто да работи.
Бараме МВР и сите надлежни институции веднаш да постапат, целосно да го расчистат случајот и сторителите да одговараат“, велат од СДСМ.