Македонија
Филков: Убеден сум дека во наредните 15 дена Фемида-системот за аудио- и видеоснимање на судските расправи ќе се применува насекаде

Министерот за правда, Игор Филков, во своето обраќање во Управниот суд посочи дека воведувањето на тонското и на видеоснимањето почнало уште во 2010 година со Законот за парничната постапка и Законот за кривичната постапка.
„Денес, по изминат период од повеќе од 10 години, за жал, може да констатираме дека судовите само делумно го користеле тонското снимање при водење на постапката и не успеале да спроведат целосна и доследна имплементација на законските решенија ниту во граѓанската ниту во кривичната постапка, а евидентно од денешниот настан, ниту во управната постапка. За жал, констатирани се и многубројни примери и на уништена опрема за тонското снимање. Сè претходно е само мал дел за објаснување на што се должат перцепцијата и довербата на граѓаните во правосудството од едвај 2 %“, рече Филков.
Министерот порача дека граѓаните се тие што се најмногу засегнати во управната постапка.
„Опремата за тонско снимање во Управниот суд се инсталира денес. Да не губиме уште 14 години и да не чекаме пресуди од ЕСЧП, кои ќе наложуваат да ги применуваме стандардите за фер судење. Ве охрабрувам да целиме и да инвестираме во модерното судство и за тоа да придонесеме сите заедно. Мојата гласна борба за независност на судството ќе биде преку обезбедување на процентот за независен судски буџет. Но, исто така ве мотивирам секој од вас во секој предмет да успее да ги користи тонското снимање и секоја друга алатка за да се овозможат стандардите на фер и правично судење. И на крајот, ова е само мал придонес, би рекол, симболичен во почнување на реформите што зависат и мора да почнат од нас самите. Со оглед дека веќе нема оправдување за непостоење технологија за тонско снимање, со фактот што сите судови се опремени, убеден сум дека во наредните 15 дена системот ќе се применува насекаде“,истакна Филков.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Партиите од ВЛЕН отсега ќе делуваат како еден политички субјект

Коалицијата ВЛЕН известува дека „денес е направен првиот чекор кон целосно политичко обединување, со заедничка визија и обединета структура, како единствена сила што ја претставува надежта, достоинството и иднината на Албанците во оваа земја“.
„На денешниот состанок беше формирано Заедничкото Претседателство на ВЛЕН, како прв орган што ќе ги координира сите политички и организациски активности на коалициско ниво.
Од денес стапува во сила мораториум на јавните активности на политичките партии учеснички во ВЛЕН, при што сите активности и настапи ќе се реализираат исклучиво под името, логото и единственото претставување на ВЛЕН.
Во наредниот период ќе се формираат и другите заеднички органи, вклучително и Раководството на ВЛЕН и Шефот на Изборниот штаб, кој ќе ја води подготовката за претстојните избори.
Пратеничката група на ВЛЕН ќе продолжи да функционира со актуелните пратеници кои го поддржуваат процесот на обединување и се посветени на јакнење на заедничкиот глас на Албанците“, велат од ВЛЕН.
Македонија
(Видео) Запален домот на Александар Пандов: Нема да не запрат и нема да не поколебаат

Директорот на Управата за извршување на санкции, Александар Пандов на социјалните мрежи објави дека му бил запален домот.
„Ова е данокот за нашата борба за владеење на правото без калкулации? Ова е цената за удирањето по мафијата! Домот ми беше запален, и имам основано сомневање дека станува збор за смислен атак на криминалците!
Нема да не запрат и нема да не поколебаат. Никој не е над законот! Нема враќање назад кога се бориш за правдата. И кога ќе тргнеш против криминалот, тој се брани со насилство. Но ова нема да ме запре — напротив, само не зајакнува!“, напиша Пандов.
Тој додаде дека очекува институциите да го најдат и казнат сторителот.
Македонија
Милошоски: Не помина интерпелацијата на Левица и СДСМ за Тошковски, целта им беше лична дискредирација и злоупотреба на трагедијата

„Не помина интерпелацијата на Левица и СДСМ против МВР, Панче Тошковски. Целта им беше провидна“, напиша на социјалните мрежи Антонио Милошоски.
„Прво лична дискредитација на Тошковски, а потоа злоупотреба на семејните емоции од големата трагедија во Кочани. Манипулативни намери, наместо реални предлози и поддршка“, додаде тој.