Управата за финансиска полиција до Основното јавно обвинителство Скопје поднесе кривична пријава против А. А. поради основи на сомнение за сторено кривично дело даночно затајување по член 279 став 2 од КЗ.

Пријавениот А. А. во својство на управител и сопственик на Друштвото за производство, трговија и услуги АРМАН КОМПАНИ ДООЕЛ Скопје, во периодот од 1.1.2020 година до 25.12.2024 година, свесно и со однапред утврдена намера со цел да стекне противправна имотна корист за себе и за правниот субјект, набавената трговска стока (јаткасти производи), евидентирана како резерва во вредност од 53.257.786 денари, неосновано ја присвоил и не ја евидентирал во сметководствената евиденција како кусок, при што пријавениот не пресметал, не пријавил и не уплатил данок на додадена вредност по даночна стапка од 5 % во износ од 2.662.889 денари и данок на добивка по даночна стапка од 10 % во износ од 5.325.778 денари, а за застарените обврски кон доставувачите постари од три години во износ од 40.903.524 денари (краткорочни), а кои потекнуваат од 2020 година и не се прикажани како приходи во билансот на успех и даночниот биланс на правниот субјект за 2023 година, пријавениот не пресметал, не пријавил и не уплатил данок на добивка по даночна стапка од 10 % во износ од 4.090.352 денара.

Со намера да ги прикрие инкриминираните активности пријавениот не изготвил и не поднел завршни сметки за 2021 година, 2022 година и за 2023 година до Управата за јавни приходи и до Централниот регистар на Република Северна Македонија, со што не пресметал, не пријавил и не уплатил даноци по разни основи, во вкупен износ од 12.079.019 денари, за кој износ го оштетил буџетот на Република Северна Македонија.