Македонија
Финансиска полиција поднесе пријава против Лила Стојановска, затаила данок од 1,7 милиони денари

Финансиска полиција поднесе кривична пријава против водителката Лила Стојановска, која е осомничена дека затаила данок од над 1,7 милиони денари.
Против Стојановска пријавата до Финансиска полиција ја поднеле фирмата „Изградба инженеринг ДАН-МАК“ и лицата Е.Н. и Д.Н. Во пријавата тие навеле дека ѝ уплатиле на Стојановска вкупно 16.095.600 денари за изготвување на „Проект за интернационална асоцијација за заштита на човекови права“, а таа им ветила дека наводно ќе обезбеди донации од 3.580.000 евра за правното лице.
„Управата за финансиска полиција поради постоење на основи на сомневање за сторено кривично дело даночно затајување до Основно јавно обвинителство Скопје поднесе кривична пријава против Стојановска, која во својство на физичко лице во периодот од 21.06.2017 година до 07.07.2017 година на личната банкарска сметка, во три наврати примила парични средства во вкупен износ од 16.095.600 денари, по основ на склучен договор за изготвување на ‘Проект за Интернационална асоцијација за заштита на човековите права’ со ‘Изградба инженеринг ДАН-МАК’ – Скопје и лицата Е.Н. и Д.Н“, соопштија од Финансиска полиција.
Парите, како остварен приход, Стојановска ги подигнала во целост во готово за себе лично, при што без да ги пријави во Годишната даночна пријава за 2017 година до Управата за јавни приходи, не пресметала и не уплатила персонален данок на доход во висина од 1.788.398 денари, за кој износ го оштетила буџетот на државата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Без вода делови од Центар и Аеродром

Од ЈП Водовод и Канализација известуваат дека денеска поради уличен дефект на улицата Питу Гули бб, општина Центар (во близина на Тинекс), прекинато водоснабдување ќе имаат следниве улици: Питу Гули, дел од Загребска, Ганчо Хаџипанзов, Капештец, Димитар Пандилов, Караорман, висока зона Козле и Ловќенска-крак 1,3,5 и 7.
Водоснабдувањето ќе биде прекинато од 08:30 часот до завршување со санација на дефектот.
Денеска поради уличен дефект на 3-та Македонска Бригада бб, прекинато водоснабдување ќе имаат објектите на Вива, Метро, Центро, Спорт М и Форд, во општина Аеродром.
Водоснабдувањето ќе биде прекинато од 08:00 часот до завршување со санација на дефектот.
Македонија
Делови од Аеродром, Центар и Ѓорче Петров денеска без струја

Од ЕВН Македонија АД известуваат дека денеска без електрична енергија ќе останат:
· во периодот од 08.10 до 15.00 часот, корисниците на дел од село Долно Лисиче.(општина Аеродром)
· во периодот од 08.10 до 15.00 часот, корисниците на објектите спроти Ист Гејт населба Крњево.(општина Центар)
· во периодот од 08.10 до 12.00 часот, корисниците од улица Божидар Рајковиќ, дел од ул. Горноврановска и дел од улицата Горно Лисиче (општина Аеродром)
· во периодот од 08.10 до 16.00 часот, корисниците на улиците Ибе Паликуќа, Воин Драшкоци, Веле Марков (општина Ѓорче Петров)
Македонија
Претежно облачно со повремен дожд

Времето денеска ќе биде променливо облачно со повремени локални врнежи од дожд. Кон крајот на денот врнежите насекаде ќе престанат. Ќе дува умерен до засилен ветер од северен правец (локално над 60 km/h). Минималната температура ќе биде во интервал од 6 до 13, а максималната ќе достигне од 8 до 16 степени.
Во Скопје, претежно облачно со повремен дожд. Ќе дува умерен, во делови од котлината повремено засилен ветер од северен правец. Минималната температура ќе се спушти до 12, а максималната ќе достигне до 14 степени.
Времето во наредните денови
Од четврток времето ќе биде стабилно и суво со слаб до умерен северен ветер. Дневната температура ќе биде во пораст.