Македонија
ФОН доделува 2.000 стипендии за академската 2023/2024 година

Американскиот универзитет на Европа – ФОН објави дека по повод 20 години постоење заедно со 200 најголеми македонски компании инвестира во иднината на новите генерации на студенти, со обезбедување на целосни и делумни 2000 стипендии за студирање во академската 2023-2024 година.
Во рамките на Универзитетот функционираат 42 универзитетски програми, како и 88 сертифицирани обуки, тренизни и курсеви. Идните студенти може да се одлучат за некои од следниве 5 факултети:
Факултет за правни и политички науки
Факултет за економски науки
Факултет за информатика
Факултет за дизајн и мултимедија и
Факултет за детективи и безбедност
Истовремено информираат дека од денес започнува пријавувањето за РАН УПИС, за ситe кои се заинтересирани да студираат на некои од факултетите на АУЕ – ФОН или да запишат некои од сертифицираните обуки.
Пријавувањето за РАН УПИС ќе се реализира преку апликацијата на веб страницата на АУЕ ФОН, при што по оставањето на личните податоци, пријавените во рок од 48 часа ќе бидат контактирани од страна на тимот н ФОН.
Аплицирајте за РАН УПИС на следниот линк https://bit.ly/3KUiApD а повеќе информации може да добиете на www.fon.edu.mk
Повеќе информации за пријавувањето за РАН УПИС за академската 2023/2024 година, може да се добијат на телефонскиот број 070/ 345 – 999.
(ПР)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
На граничните премини Табановце и Богородица се чека до половина час

Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е зголемен. На граничните премини од македонска страна време на чекање на Богородица 20-30 минути, на Табановце 20-30 минути на останатите гранични премини нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
МВР со апел до граѓаните: да не отвораат линкови од СМС пораки, можат да бидат цел на криминални групи

Секторот за компјутерски криминал при Министерството за внатрешни работи, ги информира граѓаните дека во изминатиот период се забележани зголемен број случаи на испраќање лажни SMS пораки кои лажно се претставуваат во име на телекомуникациски оператори.
„Овие пораки содржат линкови до лажно дизајнирани веб – страници со цел да ве наведат да внесете лични или финансиски податоци, кои потоа можат да бидат злоупотребени од страна на криминални групи.
Апелираме до сите граѓани да бидат крајно внимателни и да постапуваат одговорно: Не отворајте линкови од сомнителни испраќачи;
Не внесувајте лични податоци на непроверени страници;
Не одговарајте на вакви пораки;
Пријавете го случајот во најблиската полициска станица;
Блокирајте го бројот на испраќачот.
Секторот за компјутерски криминал при Министерството за внатрешни работи активно презема мерки и води постапки во врска со вакви измами“, се истакнува во соопштението.
Македонија
Во тек е исплатата на правата од социјална и детска заштита

Министерството за социјална политика, демографија и млади информира дека денеска започна исплатата на правата од социјална, детска и цивилна заштита за месец јуни 2025 година.
Корисниците на парични права коишто поседуваат дебитна картичка ќе можат да подигнат готовина на банкоматите на банките, да ги користат средствата за безготовински плаќања во продажната мрежа или преку електронско и мобилно банкарство од денеска, 04 Јули 2025 година.
Со цел да се избегне метеж пред и во банките при исплата на правата, за корисниците кои не користат картички, исплатата ќе се спроведе во 2 групи во сите отворени филијали и експозитури на банките, согласно со утврдениот распоред по азбучен ред, според првата буква од презимето и тоа:
04.07.2025 – А, Б, В, Г, Д, Ѓ, Е, Ж, З, Ѕ, И, Ј, К, Л, Љ
07.07.2025 – М, Н, Њ, О, П, Р С, Т, Ќ, У, Ф, Х, Ц, Ч, Џ, Ш.