Македонија
(Фото) Маричиќ со државно обезбедување маршираше на „Парадата на гордоста“

Вицепремиерот за евроинтеграции, Бојан Маричиќ, со обезбедување од МВР маршираше низ Скопје за „Парада на гордоста“. Во неговата објава со фотографии, се гледа како обезбедувачот кој го прати на сите официјални настани, денеска, го придружувал и на манифестацијата каде не беше во својство на функционер. Додека Маричиќ држи знаменце, обезбедувачот носи чадор.

Маричиќ во придружба на обезбедувачот

Маричиќ и обезбедувачот на 6 јули 2022 година во Клуб на пратеници
На маршот, Маричиќ е придружуван од министерката за култура Бисера Костадиновска-Стојчевска, министерката за труд и социјала Јована Тренчевска и пратеничката од СДСМ, Санела Шкријељ. Тие не користат обезбедување од МВР.
Пред две години, на парадата во Жена парк беше и претседателот Стево Пендаровски. Тогаш, беше придружуван од неговата сопруга, Елизабета Ѓоргиевска. Ниту тој, како прв државник, кому обезбедување му следува постојано – немаше заштита зад себе кога маршираше.
Инаку, вицепремиерот е еден од функционерите кому како заменик на премиерот, му следува обезбедување. Истото право го имаат министерот за претседателите на Собрание, Влада, сите заменици на премиерот, министерот за одбрана, министерот за внатрешни работи, директорот на Бирото за јавна безбедност и директорот на Управата за безбедност и контраразузнавање.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Нема подолги задржувања за влез и излез од државата

Сообраќајот на државните патишта се одвива непречено, по суви коловози, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Улици во Чаир без вода, намален притисок во Топанско Поле

Регионалниот центар за управување со кризи на Град Скопје, по добиеното известување од ЈП Водовод и канализација, информира дека, денеска поради поврзување на нова со стара постоечка водоводна мрежа на улица Кемал Сејфула бб, прекинато водоснабдување ќе имаат корисниците од улицата Џон Кенеди и дел од улицата Кемал Сејфула, а со намален притисок ќе остане населбата Топанско Поле во општина Чаир.
Водоснабдувањето ќе биде прекинато од 09:30 часот до завршување на работните активности.
Македонија
Делови од Ѓорче Петров и Чучер Сандево денеска без струја

Регионалниот центар за управување со кризи на Град Скопје, по добиеното известување од ЕВН, информира дека поради планирани зафати во електро дистрибутивната мрежа, денеска без напојување со електрична енергија ќе останат:
· од 09:00 до 13:00 часот, објектите на Полициската Станица и базата на БППЗ во Ѓорче Петров, општина Ѓорче Петров;
· од 09:00 до 15:00 часот, корисниците од дел од нас. Кисела Јабука, општина Ѓорче Петров;
· од 09:00 до 16:00 часот, корисниците од селата: Побожје, Бродец, Танушевци, Брест и Малино, општина Чучер Сандево;
· од 11:00 до 13:00 часот, корисниците од дел од ул. Кадињача, општина Ѓорче Петров.