Македонија
(Видео) Функционерите на ДУИ најголеми трошаџии во Владата
Вања Михајлова, експерт за антикорупција, на денешната прес-конференција во рамките на проектот „Граѓанските организации и медиуми против корупцијата“ истакна дека најголемите трошаџии во Владата на РМ се функционерите од ДУИ, на чело со министерот за економија, Крешник Бектеши, кој потрошил 14 илјади евра за 6 месеци, односно 2500 евра по месец.
-Имаме министри кои биле скромни во трошењето, но од друга страна имаме и министри кои расипнички се однесувале со буџетските пари. Првите три места на министри трошаџии им припаѓа на оние од редовите на ДУИ. Според објавените податоци, предничи младиот министер за економија, Кресник Бектеши, кој потрошил дури 14 илјади евра за 6 месеци, односно по околу 2500 евра по месец, пари кои во никој случај не можат да се оправдаат, вели експертот за антикорупција Вања Михајловска.
Според неа, за да профункционира правната држава и да се врати владеењето на правото под што се подразбира и трошењето државни пари потребно е Владата да ги задолжи надлежните органи, Државната ревизија и Внатрешната ревизија во секое министерство да вршат редовна контрола на оправданоста во трошењето на толкав износ на пари и да дадат отчетност за потрошеното и доколку функционерите потрошат нерационално, тие пари да се вратат.
-Бараме политичка одговорност од функционерите кои расипнички се однесуваат со парите на граѓаните бидејќи тие немаат повеќе капацитет и кредибилитет да вршат таква функција. Потребно е да се донесе посебен акт со кој ќе се пропишат критериуми за ограничување на трошењето за угостителски услуги, телефонски услуги и патување во странство. Она што изненадува и шокира е тоа што иако земаат дневници за патување во странство, самите функционери поднесуваат сметки за потрошени пари, што е апсолутно неприфатливо и неодговорно кон она што им е доверено, вели Михајлова.
Уште една препорака која поранешниот член на ДКСК ја упати до Владата е драстично да се намали бројот на службени лица кои имаат право на репрезентација и да се препорача на јавните претпријатија и локалната самоуправа да ги ограничат средствата за овие намени.
-Сега знаеме дека секој троши службени пари. Јавните претпријатија и локалната самоуправа исто така да ги ограничат средствата за овие намени бидејќи според ревизорските извештаи во ЈП и Локалната самоуправа се добива истата слика, расипничко ненаменско и неодговорно трошење на буџетските пари за лични потреби, рече Михајлова.
Според неа, оваа практика е последица на неказнивоста на она што се правело претходните години. Таа истакна дека и покрај тоа што Државната ревизија откри милионски трошоци за лични потреби во угостителски услуги, досега од Јавното обвинителство нема никаква информација дали е покренато какво било обвинение.
-Доколку остане оваа практика на неказнивост, со сигурност можеме да очекуваме дека овие министри и идните ќе продолжат со истата практика на трошење, вели Михајлова.
Виктор Јованов
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Првиот вицепремиер Изет Меџити учествуваше на Самитот на иднината во Обединетите нации
Првиот вицепремиер и Министер за животна средина и просторно планирање Изет Меџити, денеска учествуваше на Самитот на иднината во Обединетите нации. Овој самит собра повеќе од 150 лидери на држави и влади од целиот свет за да разговараат за предизвиците и можностите поврзани со иднината на човештвото.
„Како прв потпретседател на Владата на Република Северна Македонија, учествував на Самитот на Иднината во Обединетите нации, каде заедно со високата државна делегација, вклучително и претседателката Гордана Силјановска Давкова и министерот за надворешни работи Тимчо Муцунски, ја претставувавме нашата земја во овој голем глобален настан. Овој самит собра повеќе од 150 лидери на држави и влади од целиот свет за да разговараат за предизвиците и можностите поврзани со иднината на човештвото“, рече Меџити.
Меџити понатаму додаде дека на отворањето на самитот, каде што бил присутен, главниот фокус бил ставен на Пактот за иднината, амбициозен документ кој има за цел да изгради нова рамка за меѓународна соработка и одржлив развој.
„Во овој контекст, ги слушнавме инспиративните говори на генералниот секретар на ОН, Антонио Гутереш и на германскиот канцелар, Олаф Шолц, кои ја истакнаа важноста на глобалната соработка за соочување со најголемите предизвици на нашето време“, додаде Првиот вицепремиер.
Пактот за иднината е сеопфатен документ кој се однесува на широк опсег на критични прашања. Вклучува поглавја за човекови права, родова еднаквост, одржлив развој, наука, технологија и иновации, како и дигиталната соработка. Меѓу другото, се истакнува важноста од ангажирање на младите и зачувување на интересите на идните генерации кои се во центарот на трансформацијата на глобалното владеење.
Покрај учеството на овој форум на високо ниво, агендата на Меџити во Њујорк вклучува и серија состаноци со американски сенатори и други политички и економски лидери. „Овие средби ќе се фокусираат на продлабочување на соработката меѓу Северна Македонија и САД во клучните области како зелената енергија, технологијата и одржливиот развој, како и да се разговара за перспективите на нашата земја во меѓународните процеси“, појасни Меџити.
Македонија
Малолетници нападнале врсник во автобус на ЈСП
Малолетник синоќа бил нападнат од двајца други малолетници во автобус на Јавното сообраќајно претпријатие во Скопје.
„На 21 септември во 19.40 часот во СВР Скопје, П.Н. од Скопје пријавил дека во автобус на ЈСП на подрачје на Шуто Оризари, неговиот малолетен син бил физички нападнат од двајца други малолетници“, информираа од МВР во дневниот билтен.
Се работи на расчистување на случајот.
Македонија
Без струја утре делови од општина Кисела Вода
Без струја утре од 8:00 до 14:00 часот ќе бидат дел од корисниците лоцирани на улиците „Драчево“, „Чучевска“ и „Китка“ во општина Кисела Вода.
Како што соопшти РЦУК-Скопје, прекинот е поради планирани зафати во електродистрибутивната мрежа во Град Скопје.