Македонија
(Видео) Царината заплени обврзници со вредност од 92 милиона долари – патник од Турција ги скрил во четири папки
![](https://makfax.com.mk/wp-content/uploads/2023/08/ц.jpg)
Царинската управа заплени обврзници со вредност 92 милиона долари.
Директорот на Царинската управа, Стефан Богоев, објави дека заплената се случила на 28 јули, а станува збор за 184 обврзници со поединечна номинална вредност од 500.000 долари.
Обврзниците биле пронајдени кај патник – турски државјанин, кој пристигнал со редовен лет од Истанбул и не пријавил стока. При контролата обврзниците биле забележани во четири папки, сместени во рачна црна торба.
Извршени биле разговори, прибрани биле и докази, како и консултации со државните и меѓународните инстутуции, како што се ИНТЕРПОЛ и СЕЛЕК.
Во согласност со одредбите од Законот за Царинската управа, поднесена е соодветна пријава до надлежниот суд. Судот ги одзел обврзниците, а на лицето му е изречена глоба.
Обврзниците, како што истакна Богоев, ќе ѝ бидат предадени на Агенција за одземен имот.
Богоев укажа на постоен тренд во глобални рамки на злоупотреба на обврзници како инструмент на перење пари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Дел од улиците во Аеродром денес ќе бидат затворени поради градежни активности
![](https://makfax.com.mk/wp-content/uploads/2018/09/soobrakjaen-rezim_.png)
Поради изведување градежни активности, денеска изменет режим на сообраќај ќе има во дел од скопската Општина Аеродром.
„На ден 29 јуни (сабота) на ул. ‘Борис Кидрич’ од крстосница со Ул. ‘Симеон Кавракиров’ до крстосница со Бул. ‘Кузман Јосифовски Питу ‘ – Општина Аеродром ќе се изведуваат градежни активности (гребење), па поради тоа ќе има изменет режим на сообраќај на наведените улици, информираат од изведувач на работите, компанијата ‘Гама градба’“.
Македонија
Сончево и потопло со мала до умерена облачност
![](https://makfax.com.mk/wp-content/uploads/2022/08/dojran-2.png)
Времето денеска ќе биде сончево и потопло со мала до умерена облачност. Ќе дува слаб до умерен ветер од северен правец. Минималната температура ќе биде во интервал од 12 до 19, а максималната ќе достигне од 29 до 37 степени. UV=8
Во Скопје сончево и топло со мала до умерена облачност и со слаб до умерен северен ветер. Минималната температура ќе се спушти до 17, а максималната ќе достигне до 34 степена.
Во деновите од викендот и во понеделник времето ќе биде сончево и топло со мала до умерена локална облачност. Дневните температури насекаде ќе бидат над 30 степени.
Во вторник се очекува повторно дестабилизирање на времето со пороен дожд, грмежи и засилен ветер, локално во форма на невреме.
Македонија
ВМРО-ДПМНЕ: Безобразно е Еролд Муслиу да збори за мерит систем, човекот од Агенција за разузнавање, направи партиски штаб на СДС
![](https://makfax.com.mk/wp-content/uploads/2024/06/Screenshot-2024-06-28-174239-1.jpg)
Безобразно и некоректно е Еролд Муслиу да говори за професионализам и мерит систем. Човекот од Агенцијата за разузнавање направи партиски штаб на СДС, организирајќи хајки, напади и пресметувајќи се со ВМРО-ДПМНЕ, велат од оваа партија.
„Воедно агенцијата предводена од Еролд се пресметуваше со новинари, медиуми и личности кои го критикуваа криминалот на СДС и ДУИ.
Муслиу со такво портфолио може да се кандидира единствено за лидер на СДС наместо да рони солзи за неговото разрешување.
А за неговото работење доволно говори податокот дека додека Муслиу е директор, неговата сопруга со помош на владата доаѓа до грант од 620.000 евра. Во која НАТО земја сопруга на директор на служба добива 620.000 евра грант за работа која е дејност на службата на сопругот?“, прашуваат од ВМРО-ДПМНЕ.
Тешка манипулација, како што додаваат во соопштението од владејачката партија, е неговата одбрана со етничката припадност и дека тоа е можната причина за смена. „Тоа е завесата позади која тој ја крие неговата неспособност, злоупотреби и партиска пристрасност“, потенцираат од партијата.