Македонија
Царовска: Ако се продолжи со бојкот на наставата, изгубените часови може да се одработуваат на лето

Министерката за образование и наука Мила Царовска, денес одговарајќи на новинарско прашање дали ќе бидат санкционирани непочитувањата на одлуката за онлајн настава во Дебар, рече дека одлуките на Владата се јасни и тие мора да се почитуваат.
„Владините одлуки се во интерес на заштита на јавното здравје и секако дека ќе има санкции доколку не се почитуваат овие одлуки“, изјави Царовска.
Министерката најави дека ќе мора да се одработуваат часови на наставата поради нејзиното бојкотирање, доколку продолжи да се зголемува губењето на часовите.
„Засега се изгубени само два дена и тоа се првите класни часови и немаме целосен бојкот туку станува збор за поединечни случаи, но доколу се појават недостатоци, ќе разговараме со Бирото за развој на образованието за надоместување на овие часови во текот на летото“, рече Царовска.
Министерството за образование и наука истакнува дека непочитувањето на владините одлуки во време на пандемија директно го загрозува јавното здравје, а бојкотот на наставата негативно ќе се одрази на развојот и едукацијата на децата.
МОН ги повикува родителите, наставниците и учениците на максимална соработка и почитување на протоколите и мерките за заштита од пандемијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Без вода дел од Центар

Од ЈП Водовод и Канализација известуваат дека денеска поради дефект на улицата Димитрие Чуповски бр.10 без вода ќе останат корисниците од улицата Никола Вапцаров лоцирани на потегот од Министерство за правда до Плоштад Македонија, општина Центар.
Водоснабдувањето ќе биде прекинато во периодот од 08.00 часот па се до отстранување на дефектот.
Македонија
Променливо облачно со повремени локални врнежи од дожд

Времето денеска ќе биде променливо облачно со повремени локални врнежи од дожд. Ќе дува умерен до засилен ветер од северен правец (локално над 60 km/h). Минималната температура ќе биде во интервал од 5 до 11, а максималната ќе достигне од 9 до 16 степени.
Во Скопје, променливо облачно со повремен локален дожд. Ќе дува умерен, во делови од котлината повремено засилен ветер од северен правец. Минималната температура ќе се спушти до 9, а максималната ќе достигне до 13 степени.
Времето во наредните денови
До среда ќе преовладува променливо облачно време со повремени локални врнежи од дожд. Ќе дува умерен до засилен северен ветер (локално над 60 km/h), а температурата ќе се задржи под просекот за овој период од годината. Од четврток времето ќе биде стабилно и суво со пораст на дневната температура.
Македонија
Сериозен дефект на водоводна цевка во Влае, голем дел од Скопје без вода

ЈП Водовод и канализација извести дека вечерва поради сериозен дефект на водоводна цевка Ф600мм. на улицата Франце Прешерн 100Д во населба Влае со прекинато водоснабдување ќе биде голем дел од градот, а останатот дел од градот ке биде со намален притисок.
Водоснабдувањето ќе биде прекинато до завршување на работните активности.